假如…..

由小學到中學,有好多時間都要玩RPG的遊戲!不是嗎?還記得小學到中學的中文作文,十之六七的內容也是類似「假如我是xx,你會….」!這就是一個活生生的角式扮演的遊戲,這種好處就可以令人發揮佢想像的空間,諗好多天馬行空的野!甚至於中學會考中,英文的Oral的第一part亦要”玩”role play,問你死未呀~~kakak

其實我發覺我好多時都會玩呢種遊戲,最多時發生係睇戲的時候!有時心會諗:「假如我係呢個男主角,我會點呢….」,有時能從當中有反思,有更深刻的感受!最近我又睇左一套我已經睇左三四次的戲!此戲正是由我喜愛的【Tom Hanks】主演的【Cast Away–劫後重生】,我相信好多人都睇過,整套戲有絕大部分的時間都係佢在荒島中獨自求生的過程,而我的角式扮演又在我腦中漫漫浮現….

假如我係Tom Hanks,我會點做呢?我唔知我的生存意志有無佢咁強烈呢?其實我覺得佢能夠生存落去的主要原因,係佢有兩個精神支柱—偉信同佢女友(或未婚妻)!精神的支持比肉體的滿足來得重要呀~~~!係佢失去偉信時大聲痛哭可見一班!但最悲慘的係,佢劫後重生後佢女友(或未婚妻)已經身為別人的妻子,我相信呢個打擊係最勁!如果我係佢,唔知有無咁既能力去接受呢個打擊呢?(而家咁諗就覺得我係無呢種能力~)唔知大家又如何呢?

其實人一生都要面對唔少困難,但應該捨棄逃避,相反,要勇敢面對,盡量搵方法去接受。相比起求生方法,擁有求生意志來得更為重要!

runningdog18

我的生活態度好簡單: 知足常樂,過自己喜愛的生活。

You may also like...

Leave a Reply

Your email address will not be published. Required fields are marked *