台灣選舉

今日係台灣的總統投票日,感覺上今次的競選好似比以往來得激烈!因此自己都留意多左,係打日記的時候,已經確定了【陳呂】連任成功!其實邊個做總統我都係無乜感覺,我自已連香港政治都不太感興趣,更何況其他地方呀!但原來佢地相差的票數唔夠三萬票,相黎兩方面都唔係好得台灣人民的心,唔係的話票數又點會票數咁接近喎~~,睇黎【阿扁】以後仲有排煩呀~~話晒而家都最少有六百幾萬人唔服佢做總統啦~~~咁煩的野就咪攪我~~最憎d煩野

至於對於尋日上演呢套【阿扁遇襲記】,一上畫後就引起唔少陰謀論!話佢係自編自導自演黎到呃票!係咪真我就唔知喇,但我對【阿扁】的身體投左二百巴仙的信任,一個11cm長的傷口係咁流血都可以自己行去醫院,仲要好快咁出黎番同記者講野,今日仲可以健壯如飛咁周圍去拉票,你估真係個個得呀~~阿扁你係得既~

呢次選舉令我意外的係,台灣人真係勁投入,投票率竟然八成,再睇下d造勢晚會,參與人數數以萬計,真係俾佢地的投入嚇親!而最恐怖的係,個d晚會的司儀(尤其係女司儀)成日都好似湯豬咁高叫:「支持xx!」,仲要走晒音,我手臂上的毛髮一聽到就會好齊咁一齊起身作一個無聲抗議!我只希望今晚唔好發噩夢就好喇~~

runningdog18

我的生活態度好簡單: 知足常樂,過自己喜愛的生活。

You may also like...

Leave a Reply

Your email address will not be published. Required fields are marked *