2012 East Europe – Day 9

旅程已經來到一半,進入第二個week!由於怕還車有d阻滯兼唔想大家太趕急,所以決定將原本搭0830班車到Zagreb@Croatia順延到1430!其實真係好矛盾,有乜理由中間個段時間完全無火車去Zagreb?不過算啦!當俾自己多d時間休息!

咁朝早咁多時間我地又出去Ljubljana到閒逛,嘆下咖啡食下甜品,吹下水就過了。

 雖然呢間野都算貴,不過呢到的甜品又真係幾好味架喎

行回apartment途中的snapshot

 美女!

 攬得好實呀!

 等待主人的小狗!

鋤大弟已經成為我地係等車或車上消遣的最好娛樂,堅過石堅的堅哥恃著有虹姐就成日大殺三方!可惡!變得大家都諗住輸少當贏的方向發展,哈哈,真係被炒一鋪都好難翻身。

話咁快又到達Zagreb,離開Ljubljana時天氣好差,但估唔到來到Zagreb時陽光普照!呢種天氣果然令人充滿快樂的指數,哈哈!

大家都貴為首都,明顯地,Zagreb比起Ljubljana更為現代化,是一個大都市的感覺!其實時間上都唔早,已經1730左右。大家都想快d到達Apartment,因為呢一間Apartment係整過旅程最貴,亦係咁多間之中最modern同最fashion!

順便到達Apartment,唔使講間野無令大家失望啦!大家觀摩一番後就拿拿臨出去行街了!

真的很正呀

不過呢到的Lift設備同室內設計差好遠

先去換錢,再去超市,途中一定經過十央廣場,由於歐國盃已經展開,廣場上竟然有個巨型電視播放足球直播,氣氛好到不得之了。比起香港,睇呢國際體壇大事都唔係免費,實在太可悲了。

呢張迎著陽光的相我很喜愛!

如果可以係香港都可以咁睇波就好了!

本來諗住去逛逛d景點,但最後發覺時間不夠,唯有放棄轉去覓食!最後選擇了一國地道出名的餐廳。搞笑的係,露天坐滿晒人,但室內一個人都無。雖然我地都想坐戶外,但無奈已經無晒位,唯有我地包場咁坐係室內啦!

包場!

招呼的侍應首先英文好好,而且很風趣,仲話俾我地知如果係share food要早講,佢地會因為咁而有相應的安排。有咩安排?就係將可以堆放在一起的食物會放晒係同一碟到等大家可以各自修行,我地從而了解到我地來到Prague的第一餐個個Grilled Vegetable去左邊了,哈哈哈,不知者不罪,嘻嘻。

又開餐!

側面都係型!

食飽後都無咩活動,都係返歸醃雞預備聽晚的晚餐。途中見到個大型電視已經遙身一變變左Live Band Show,仲有小女孩聞歌起舞,哈哈!

唱歌吧!起舞吧!

唯一可惜係我地黎到呢到無時間去逛景點,搞到呢到變成一個落腳點only,因為我地聽日一整日會去十六湖,除左早起身外,返到來可能大家都好累,未必會再去逛喇!

雖然聽日都要早起身,但我都要為明晚的晚餐作出準備!

runningdog18

我的生活態度好簡單:
知足常樂,過自己喜愛的生活。

You may also like...

Leave a Reply

Your email address will not be published. Required fields are marked *