2016 北海道道東紅葉之旅 – Day 10~12

2016-10-24

留係北海道的日子其實剩番三日,行程唔多,所以就決定gp埋一齊咁打一篇遊記算了~

係札幌呢三日,我地住左兩間酒店,第一間係JP INN,無他,地點近車站

第二間就近狸小路,呢間貴dd但至少有一個比較好的早餐

唔好講咁多,整碗自助海鮮丼先~

都仲有其他食物,但講真都係海鮮丼吸引好多

另一樣鮮為人知的野,其實我好鐘意食納豆,基本上係早餐見到一定會拎黎食

今日的行程好簡單,就係鳩嗚鳩嗚同鳩嗚

而地點都係唔意外的北廣島的三井outlet

原本只係預留係呢到行三小時再去下一個景點

BUT

人生最無時間觀念的就是這個BUT

我地足足係呢到留左六個鐘

係,你無睇錯,係六個鐘~

唔使講下一個景點當然係泡湯了~

不過其實都無所謂,反正下一個景點都係Shopping Mall,嘿~

咁留得六個鐘當然係有斬獲啦

如果唔係我諗我會殺人

返到去札幌都夜了~

拿拿臨出去食飯~

我地無諗過食咩,最後行下見到有間拉麵店,

裡面座位唔多,全bar檯,員工得一個

無錯,就係面前呢個型男,唔使講所有野都係佢一人做晒

煮麵執檯抹檯,好L型呀你老味~

淨係睇背影都覺得型

得一人自然係用自助方式落單~

凍水,自助

我食的係沾麵,麵汁碗仲窩心地有電磁爐保溫

老婆點的係普通雞叉燒雞湯拉麵

唔好講笑,呢間的拉麵水準好高,個人覺得好食過出名的拉麵店,如果有機會再來札幌,一定會再幫襯

好味好味

當然食個拉麵唔多夠喉,我地就去左大丸到買d生果同甜品返酒店食

求求其其執棵香印提子啦,同SIZE的話比香港平,不過都好貴,自問唔捨得,好彩老婆找數,嘿

既然老婆買生果,咁我就買甜品,Letao北海道限定的南瓜芝士蛋糕

個人黎講,蛋糕好一般,仲要咁貴唔抵食。相反都好貴的香印提子就真係出色好多了~~大粒又甜又多汁

鳩嗚日完結,不過講真,鳩嗚真的會令人瘋狂愛上~

幸好我無咩錢,如果唔係我都覺得自己會失控

++++++++++++

2016-10-25

來到行程的最後一晚,我地就決定逃離札幌

首先會去定山溪逛逛,之後就直去洞爺湖住埋貴格溫泉酒店享受relax完先返香港

來到定山溪,呢到係一個好舒服的地方~

不過我地首先入去豐平峽睇水霸先~

入去豐平峽得兩個方法,一個係行,一個係搭佢架車,其他車輛如果無許可係唔可以入~

價錢個人覺得幾貴,不過為左慳時間就照搭車入去

途中望到的風景,呢到都仲有紅葉

但入到來反而紅葉少了

落車位,一落車我地襯無咩人就即時先搭小型纜車上去山腰展望台先

 

上到展望台~高空望落去係唔同d

水壩

老婆表示人靚點影都係靚

我就表示人型點影都係型

排洪

雖然我地係搭小型纜車上山腰,但落山我就行路~途中見到有一到可以上山,不過我地無行lu

隨後我地就行去水壩到睇睇

出入豐平峽唯一的隧道

 

 

不過老實呢到其實無咩風景好影,不過感覺幾自在同舒服

之後我地走人返去定山溪,有機會下次都想係呢到住番一晚~

就咁行時間唔太夠~

河童雕像

比起層雲峽,呢到的溫泉酒店比較舊,但可以睇的野呢到又多過層雲峽

周街都見到有溫泉流出

公園內都有溫泉,仲照頭淋住個雕像

逛呢到的原因係因為想去睇二見吊橋~

就係相中間個條紅橋

好似好遠,其實行一陣就到~

成個定山溪地圖

穿過個公園就到了~

二見吊橋隱藏於樹林中

到達

係用腳架影的~嘿~

同頭先的位置對影~

 

話咁快就行完,呢到都好多紅葉,加上落葉,鋪天蓋地都係葉~

人型點影都係型

落葉滿佈

行完我地就離開定山溪了~

去我地整個旅程最後的地區,洞爺湖

路程都少少遠,太約兩個鐘車程左右~

中間途經一個展望台,即時停低休息一下,望下風景

天氣開始麻麻,多雲不過無雨

懶型點影都係懶型

其實我想講,我地的酒店正正係呢個展望台的對面,仲有排行~

由於時間尚早,我地決定先去出名的有珠火山參觀先~

好似硫磺山咁不斷噴煙~

上有珠山火山一定要搵纜車

再一次搭纜車上山~~

出發~

 

 

唯一可惜的係天氣唔好,全程都陰天~如果唔係一定更靚

生平好似第一次睇火口原口,就算佢唔爆都不斷有煙出~

睇完時間來到三點左右,之後都要趕去酒店check in。因為我地book左私人溫泉係1600

來到洞爺湖貴價溫泉酒店乃之風,整個感覺都好似高貴左。

首先一落車就有人迎接,唔使自己拉行李,估唔到連泊車都唔使自己泊~

入去到check in,等時仲有welcome drink同food

好好味呀

杯野飲酸酸地甜甜地,好開胃

大堂

Waiting area

連整套音響都可以俾你享用,但我又估都無人享用過,哈哈

無敵落地玻璃

搞惦上房

有大玄關

浸溫泉衣服

洋和式格局,間房好大呀

床係另一邊~睇見都好舒服

和式檯

 

 

熱水壺咖啡齊全

點都要開黎飲啦~

窗外風景~仲可以遠望到羊蹄山

 

 

之後到四點就去私人風呂溫泉到浸啦

其實二千幾YEN又唔太貴,可以私人浸50分鐘

真係爽YY

溫完我地就HEA左陣就去食飯~

今晚食的係日法式料理,唔好講笑,淨係睇個list都覺得好多~~

 

 

 

三種醬料用來佐麵包食

連餐具都好似好有排頭

餐前酒

基本上食法菜都預左細細件,所以好多我都唔知同唔記得係咩來,大家看圖估下啦~哈哈

 

薯仔湯,味道超濃郁

麵包群

 

 

 

 

小插曲的係,由於每晚都會有煙花睇,時間為2045hrs。食法菜就預左時間會好長,到甜品之時其實我地已經食左兩個鐘,咁我地又要食甜品又要睇煙花咁點算呢~

結果甜品就由佢地直接送去我地房,等我地邊睇煙花邊食甜品了~

呢個就係甜品盤~還好

煙花好睇,重點可以同老婆一齊欣賞,個人好享受呢個時刻,感覺好幸福。

呢d時候當然用心去感受,所以都無影相了~哈哈~~~

係北海道用煙花作為最後一晚的餞行,實在好型好浪漫~

++++++++++++

2016-10-26

今日終於要搭飛機返香港了~

朝早就來個豐富的早餐先~

 

 

之後再浸個溫泉,出去逛逛就預備check out去新千歲機場了~

再見北海道,我一定會再返來~

新千歲機場出名多野逛,所以我都預多三個鐘去行。

但人算不如天算,估唔到佢check in 安檢耐到pk,人手少但差唔多時間勁多機,安檢都排左差唔多兩個鐘

到入閘之時已經要登機,唯有下次有機會再逛吧~~~

總之整個北海道之旅都好正好開心

無特別去趕景點鐘意hea就hea,食就食,買就買~

期待下一次旅行~~

runningdog18

我的生活態度好簡單:
知足常樂,過自己喜愛的生活。

You may also like...

4 Responses

  1. 9527 says:

    買咩買左6 個鐘

  2. 青蛙仔 says:

    你喜歡納豆的口味實在太有個性了。
    最後一晚的酒店真係留下美好回憶, 特別唔捨得啦!

Leave a Reply

Your email address will not be published. Required fields are marked *