回顧與展望 2016

又來到一年一度的回顧與展望,呢兩年工作上好似都轉變得好快咁

前年有幸升左職,作為一個普通的低級前線人員基本上升左做的野都好基本~

老細但求你肯返工佢已經好開心的情況下,我返工自自然然無咩壓力~

學老婆話齋,我返工最大的壓力都係放工同放假點樣度D時間去睇戲

戲太多時間太少,真係有排度架~

仲要因為升左職按慣例要俾五年,所以真係要好好規劃下工作生活

做左Agent要幫同事調更真係分秒必爭架

而其中一個最大的改變係我陰差陽錯的情況下,竟然自立門戶自己搞左檔調更事務黎做。有好有唔好,講真因為現有的agent做調更實在太有改善的空間,但問題係佢地侍住自己係地產霸權,對其他同事實在太唔公平咁調更。而我的掘起令到一眾同事有個新的希望,當然我呢d小店係地產霸權底下仍然係艱苦經營,好彩都有好多同事支持,不過無貨源真係比較麻煩~~同事有心但調唔到更都係好現實~

但我相信明天會更好

係呀,真係明天會更好

點解呀?

因為我十月一去完旅行,就被通知會調職,無端端咁樣橫過第二個section

唔使講就知我係俾中揀中去做d functional位啦~

呢件事係我原本section都引起好大迴響~當然都係話我識人呀等等無謂的9up

得罪講句,關你差事咩~嘿

而我的agent生涯只係維持左好幾個月~~~~好彩都搵到接手人~

++++++++

以為轉新地方會近d屋企,點知都係屯門老鏈咁遠~

好的地方係變左五天工作,有得放六日紅假。

當然來得做functional位,工作量自自然大大多左好L多~

不過我呢D適應力強的人,好快上手~~

又可以繼續返工做自己野~~

至於轉新工唯一唔好的地方,就係我少左好多時間去睇戲~~

不過有得有失,最多咪等放工或者星期六早場去睇啦~哈哈~

係呢個位真係要留五年了,有排嘆~

新工作環境有自己電腦,仲有BABY GROOT陪伴著我~

++++++++++++++++

今年好似無咩去睇過展覽咁,唯一有印象係去鰂魚涌Artistree睇【千戶】,講展覽,我個人比較鐘意睇相片展~

攝影眼真係唔係人人都有~

++++++++++

來到玩具篇,先講咖啡

買左個moka 咖啡壺,而家係屋企可以自己煲咖啡飲了~~

用的次數唔太多,但至少想飲都可以即時有得飲嘛~

雖然屋企都有用capulse的咖啡機,但又係好少用

所以部咖啡機我直情拎左返公司,等我係公司隨時想飲都無問題~

有靚咖啡壺同illy咖啡粉,簡直係perfect match

玩咖啡時仲有屎忽痕咁玩埋冰滴,點知我又無加水亦無整碎冰,滴左兩日都未滴完呀~哈哈

冰滴的好處係咖啡比較醇,味比較淡,好玩~

+++++++++++++

來到lego,今日主力玩technic系列,仲要全部都係車~哈

車,全部都係車。車,全部都係車。車,全部都係車。

呢部係同事送的~細細地幾好玩~

型~

屎忽痕行ins pt見到架垃圾車好得意又買左~~不過有少少伏原來個尾唔可以升好多

反而垃圾佬得意好多

再來係電單車,以性價比黎講呢架都係好高。又好玩又型,仲可以俾一比六人偶上去坐

連龍哥都話好鐘意

而2016年最後買的lego就係呢架拖頭,其實都幾型。如果可以改裝埋rc或者更好。不過砌完就見到呢架野頭重腳輕~

 

同埋太多貼紙個人覺得一般

中間的空位又實在太多,好似得個車架咁

當然lego的重頭戲當然係呢架剷泥車啦~~

一年一份生日禮物俾自己,今年買咩好呢~嘿嘿嘿

另外多謝好友9527,係佢不斷毒我的情況下,我都買左其他玩具

龍哥呢隻真係唔買唔得,關節做得好表情又正

嘿~

係人都知我對heath ledger的joker情有獨鍾,見佢出左q版價錢又相宜又忍唔住入手

玩具篇來到尾聲,壓軸就更係黎個勁野~

就係為左十月去北海道去旅行,特登買左部新相機去

換得相機當然係我鐘情的Fujifilm啦,撞正佢新出的XT2,根本不用再作他選~

Shut up and take my money

今次我只係淨買body,因為細佬有鏡,識用梗係用細佬d鏡啦~~~~慳番一筆

不過買得相機一向都係一闊三大

我仲買左相機揹扣帶,當然學我老婆話齋:點解你會識呢d牌子,實係七仔毒你啦~~

小宗表示嘿嘿嘿~

pd出品,實在係正~同埋貴

除左揹帶,仲買左一張新快咭~~有新機無理由唔用張新快咭~

64gb有排用

好彩我買時係咭最平的時間,而家d咭全面加晒價~

之後多謝七仔,又令我係indiegogo眾籌買左個差婆同雲台,幾百蚊其實好抵玩~~

仲要係香港人設計同出產

連龍哥都踢唔郁~

+++++++++++

一年一度聖誕家庭聚會,溫馨又開心。

++++++++++++

旅行篇

其實今年只係去過一次旅行。就係再次踏足北海道~

今次係用mile換,所以都等左超過一年~

所以我都滿心期待~

全程連搭飛機12日,亦自駕左12日。一共行駛左1807公里,即係圍繞運動場行4517.5圈咁多~嘿

 

唔使講北海道梗係好正啦~我地揀呢個日子係因為想睇紅葉,好彩都睇得到。

好天氣都佔絕大部份,我唯一驚的係怕落雪

好彩的係全程都無遇到落雪自駕的情況,更好彩的係好多時係我預備要去的地方前後一日或兩日先落雪

我去時就無落,畢竟無自駕雪地的經驗,呢d情況真係唔遇好過遇了~~~

好天氣遇上去睇知床五湖真係無得輸

要睇的紅葉都睇到了~

得七仔要睇的泉照~嘿,因為book左私人溫泉,所以可以任影唔嬲

+++++++++

最後多謝一年來老婆的照顧同體諒。

繼續要忍受我呢個大細路成日出走去睇戲睇玩具買玩具~

家庭、工作、朋友同享受生活對我同樣重要~

希望來年老婆要身體健康~

繼續同我一齊享受人生~

 

runningdog18

我的生活態度好簡單: 知足常樂,過自己喜愛的生活。

You may also like...

6 Responses

  1. 9527 says:

    9527很無辜但9527不說

    最緊要身體健康夫妻恩愛

  2. 9527 says:

    9527很無辜但9527不說

    最緊要食得玩得

  3. 青蛙仔 says:

    一年過得很好, 今年繼續努力, 享受人生!

Leave a Reply

Your email address will not be published. Required fields are marked *