2017 北九州自駕之旅 – Day 1

返工咁辛苦,除左為左養老婆買玩具買書睇戲外,就係為左去旅行。

今次的目的地又係日本,但同以往唔同的地方係人數,今次除左我同老婆之外,仲加埋兩位好朋友,臭Y同埋臭章~

又咁講,其實係N年前都有同過PBO去旅行架喇,人數仲更加多tim。

今次仍舊係我plan行程,繼續做好車長同團長加導遊的工作~

+++++++++++++

今次坐UO,印象中好似第一次坐,感覺都還可以既,至少準時到達啦~哈哈

第一次踏足九州福岡,感覺都係美好,美好在過關同到搭車去到市中心真係堅快。

咁快的原因係機場直情係市區,搭地鐵只係兩個站,車程十分鐘內就到。計下計下,由落機到拎行李到過關到搭車去到酒店前後只係45分鐘左右,真係快到不得之了~~

去到酒店只係1點左右,當然未到Check in時間,放低行李後我地就去博多駅的大型shopping mall到行。

呢個亦係今日的唯一行程。話晒今朝好早機,所以行程都唔想去得太遠~

去到shopping mall,第一件事當然係醫肚。

講起醫肚,本來今朝預左時間係機場食埋早餐先上機。但因為今次屎忽痕咁試下租wifi egg,點知間店開店時間同上網有出入,兩者差左半個鐘,搞到拎完蛋就要即刻衝去過關再上機。已經無時間去食早餐了~

加上經過今次旅行,我都幾確定以後只會買sim card唔會再租wifi egg了~因為實在太麻煩~

而廉航無早餐食係常識吧,咁唯有一落機就要去醫肚先啦~

估唔到第一餐就去左食我鐘意的牛舌定食~~實在太幸福了~~~雖然我其實想食仙台個間厚切牛舌,最正的亮點係左上角個碗山藥蓉,實在係人間美食~哈哈~~~

左上角的山藥絕對係亮點~牛舌可惜唔係厚切

食飽後其實已經到check in時間,咁我地先返去check in完hea陣再出去逛~

當然第一晚酒店直情係博多駅對面啦,地理位置真係無得頂~

對面就係博多駅,足夠你行半日呀~

搞好再出去行,首先我地去左Yodobashi的電器城睇。呢到直情係男人的天堂~

去到相機部,見到fujifilm所有鏡都傾巢出動放晒出來任你玩任你試已經有莫名的感動~

我諗唔到有咩原因見到咁多鏡都唔拎來玩~哈哈~~

開心還開心,但一興奮就容易出事~哈哈~~~

當然唔係即試即買個種出事啦~

出事在我係用左自己部XT2去試咁就中計了~~~

開心莫名咁不斷換鏡玩的後果換來一部碩大無比的臭塵狠狠地貼左落我部機的感光元件

仲。要。係。我。第。二。日。先。發。現。到。

之後都係博多駅到閒逛,都無咩野好影。

行下行下又到夜晚~

又到醫肚時間,今次去左華味鳥,食博多好出名的炊雞鍋

個門口格局都覺得唔會平~

入去睇埋個MANU就知了~~哈哈~~

基本上係食雞煲,斷人頭計,當然雞的質數係用日本當地的雞,件數唔使講好少啦,仲包埋其他配料。

 

前菜

 

有臭Y自然要飲酒,黎日本當然係飲Sake

 

日本的唐揚雞真係無得輸~

仲有玉子~

 

雞鍋就先飲湯後食雞,再食埋d配料,最後食晒所有配料就會將飯倒落湯到整成湯飯咁俾大家食

 

蔬菜類~

我地其實叫左好多單點食物,有餃子呀肉丸等等~

老實你問我,我當然覺得今晚呢餐唔抵食啦,當然食物的質料唔係差,但價錢就偏貴了。貴為博多名物咁試一次當然無問題,最多下次唔會再試咁解姐~哈哈~~~~

4個人另一個好處係食野大家share既可以食多幾款又但價錢又唔會貴好多~~~無得輸~~~

食飽就回酒店了,明天開始正式自駕之旅~~唷呼~

runningdog18

我的生活態度好簡單: 知足常樂,過自己喜愛的生活。

You may also like...

Leave a Reply

Your email address will not be published. Required fields are marked *