2017 北九州自駕之旅 – Day 3

第三日一早就出發去武雄,雖然我係住佐賀,但其實係我係佐賀市都無咩點逗留同遊覽,咁點解唔一早住武雄?因為搵唔到D平靚正的酒店囉~哈哈哈~~~

不過都無咩所謂,因為佐賀同武雄都唔係差好遠~車都係好快到~

來武雄的其中一個最主要的目的,係為左參觀佢個好有設計個性的圖書館。

門口,可惜裡面唔俾人影相,都啱既,如果俾影相就會破壞晒整個環境~

所以以下的相都係來自其官網:https://www.epochal.city.takeo.lg.jp/winj/opac/top.do

不用多說,整間圖書館根本係一個藝術品,無論設計、光線、格局、氣氛都係一流。最正仲有間starbucks,可以想像到,係柔和的光線底下、聞著咖啡香、品嚐著咖啡、閱讀著自己喜愛的書藉,真係一生一大享受~

當然,係我地呢趟旅行,無太多時間做呢樣野。不過我地都係間圖書館留左一段美好的時光~

難得來到武雄,當然要睇埋其他地標~

先去武雄神社~

武雄神社有咩特別?最特別就係佢個寺廟。咁個寺廟有咩咁特別?
登凳,就係全白色架,白色的寺廟係日本係好少有架~

 

好,睇過寺廟,我地就繼續往後山進發。一直沿著小路往內行,就會見到另一個landmark~

小路~

就係武雄之大楠~

呢棵樹叫做【武雄之大楠】,樹齡已經有三千歲了~~你都咪話唔勁~

不過講真,睇相其實都唔太覺佢好大棵,實際環境睇其實好大架~

 

用ultrawide影相真係唔可以太近,真係中計~~~

唔講唔知,武雄都算係一個溫泉區,所以佢亦有一個所謂的溫泉街。不過可能唔夠出名,所以沿路經過都好似死城咁無咩人,但大家要留意,呢一日其實係日本黃金週的開始,無理由會咁少人掛~

武雄溫泉樓門,其實好平凡,唔知有乜咁特別,所以無咩人來參觀都係想像得到~

內裡展示左各種舊式的溫泉設備~

如果我間屋有咁大就好了~嘿嘿~

參觀都接近中午,又係一個食午飯的好時間。之前計劃行程時已經諗住來呢到食佢地個火車便當~

點解要特登過來食便當?因為呢個唔係一般的便當,係全日本JR便當比賽三連霸的得主~

做得霸主當然係勁,勁在係用佐賀和牛做主菜,試問邊有得輸~

當然既然叫得便當,理應係叫外賣係火車到食。而我地既然唔係搭火車,就當然係堂食啦~一樣咁好味~

兩種唔同牛的部位,一樣咁好味,油脂豐腴,正。

我唔客氣了~

吃飽飽後,我地的行程就會離開武雄出發去長崎。

途中係武雄附近,我地會經過一個叫御船山樂園的地方,來呢到目的係睇花,佢花的種類同數量都好多~

既然順路,就不妨一看。當然入場費就少不免了~

 

各式各樣的花都有

 

其實我地來的時候並唔係花盛的日子,所以比較失望同有中伏的感覺~如果真係盛開,真係成個山都係花~

 

天氣勁熱,所以都係拿拿臨走人上車嘆冷氣好過~

之後就真係萬里長征去長崎lu,大約80公里左右~~1個鐘車程~

來到長崎,呢個地方會住兩晚。check in完再check下天氣,天文台話聽晚有雨,所以我地就決定更改行程,變左今晚上去睇呢個出名的夜景~

上到來仲未天黑,不過已經人頭湧湧了~

最後等左兩個鐘左右,見到天黑影多幾張相就走。說實話,睇過香港夜景的人,基本上係全世界任何一個夜景都比唔上,因為真係好弱雞。

返到去落去泊好車,我地就去覓食~

地點係碼頭附近的西餐廳,一班朋友最爽就係海邊食飯把酒吹水~一樂也~

WINE LIST

Cheer~

 

 

連龍哥都興奮莫名~

係我不斷咁把玩龍哥同ted2之時,坐係我對面的三條蛋散不斷恥笑我成個毒男咁~哈哈~

 

 

 

yeah~~唔使渣車所以可以飲酒喇~~呵呵~~

runningdog18

我的生活態度好簡單:
知足常樂,過自己喜愛的生活。

You may also like...

2 Responses

  1. 青蛙仔 says:

    咁耐都未有下集

Leave a Reply

Your email address will not be published. Required fields are marked *