2017 北九州自駕之旅 – Day 4

來到第四日,今日的長崎天氣真係不得之了,藍天白雲曬到pk。

由於我地尋晚來到突然發現呢到有個宮崎駿的展覽,所以今日我地二話不說更改行程,即時來到呢到朝聖。

但撞正日本黃金週真係唔可以講笑,d人多到喊,淨係排隊泊車都有排等,所以最後我地都係去左其他停車場再返去~

d車排到上山

當然我地係分頭行事。我同老婆就去泊車。而章同YY就先入去買定飛。當然分頭行事慳番唔少時間~

一入到場內,就見到好大架飛船,造工好仔細,仲識郁,無間斷上下咁飛行~

大家都圍住佢影唔少相~

呢個係高炒去影~

當然我地都唔想浪費時間,因為見到排隊入去展館條龍真係遠到見唔到盡頭~

你睇下我地排到幾後,完全係排到離開晒成個展館,我估最後都排左差唔多一個鐘先入到去~

千身萬苦終於到排到入口,呼~

係入展館前先經過一排的poster。

見到一大堆宮崎駿的電影,又諗起曾幾何時,我係好想儲晒佢所有的BD架,不過實在有點貴,唔多唔少唔太捨得~

入到展館內就唔俾影相了,其實我幾鐘意咁。一來等大家可以專注睇展品,二來如果可以影相,人流就會塞住係到唔會郁到,到時真係排幾粒鐘都入唔到來呀~

行完展館,經過手信店,唔使講大家都跌左唔少錢啦~

一跌錢大家都好開心~哈哈~~真係買野會令人狂~

今日我地只會係長崎到閒遊,隨後我地就去到長崎的觀光通~

來到眼鏡橋~~其實眼鏡橋個人覺得無咩特色,大家來到都係為左搵個塊心形的石頭影下相打下咭~

 

要靠埋水的倒影先可以造成眼鏡形狀~

其實要搵心形石真係唔難,哈哈~~只要你望過去睇下邊到最多人影相就知道了~~哈哈~

尚都要影下相啦~

亂影之下就唔覺意影到呢張好有電影感的硬照~哈哈哈哈~

之後我地就係附近到覓食,求其搵左張吉列店就入去食了~

無論賣相同質素都好好食~收貨有凸

不過食完都三點咁滯,行程不斷咁延遲。哈哈~~真係旅行的一大特色~~

之後去左原爆館

入到內可以影相。亦可以行展品中感受到當然原子彈的威力係幾咁誇張~

人骨係溶晒~

 

能量高到D人同物只係剩低得個影~

溶化了的六個瓶子

原爆一刻的時間

睇完HEA下就差唔多到食晚餐的時間。

係呢個時候有個小插曲,就係柒TIM都係呢段時間來左九州,仲要撞到正佢今日會搭火車來長崎。

但條友就正呀,正在佢特登搭JR來,來到夜晚六點。來的目的係為左去睇長崎的夜景。

由於我尋晚已經睇左,所以我真係語重心長咁叫佢放棄,因為個夜景真係好流。

而我地今晚會食吉宗,全日本第一間食茶碗蒸的專門店,而柒TIM佢地都想食。

咁唔使講我梗係叫佢地食吉宗要緊,因為真係除左長崎無其他地食可以食到

但由於佢地要搭纜車上去所以放棄左吉宗~

咁唯有我幫佢地食埋佢地個份啦~嘿嘿嘿~

吉宗唯一令我想卻步又係舊日本式坐法,真係腳同腰都斷呀~

每人都叫左個SET,包括左三色飯~

主角茶碗蒸。呢碗野不得之了,份量夠大之餘,質素仲要係無得頂。其實平時我對元氣個種茶碗蒸都收貨架啦,但呢個日本第一茶碗蒸絕對可以拋離元氣個個成條彌敦道咁遠呀~

可以食到真係感覺好幸福~

豚角,好味~

由於我係鯖魚怪,所以我點都要外加一客醋鯖魚壽司~好好味~

大家都大滿足~~

小插曲二:我地食完返到酒店,同柒TIM Whatsapp,竟然佢仲係山下的纜車站等緊上去~OMG

竟然佢來長崎係做咩架?因為佢聽朝仲要搭早埋返去福岡,留係長崎連24小時都無…….

既食唔到佢地都想食的吉宗,又要排勁耐隊去睇一個唔靚的夜景。

真係可以拎來笑佢呀~~哈哈哈哈哈~~~

runningdog18

我的生活態度好簡單: 知足常樂,過自己喜愛的生活。

You may also like...

Leave a Reply

Your email address will not be published. Required fields are marked *