2017 北九州自駕之旅 – Day 5

來到第五日,今日就要出發去熊本。天氣仍舊非當的美好~

至於由長崎去熊本,基本上得兩條路:一個係兜大圈上番去佐賀再向下落去熊本;一個係右東面行去雲仙島外搭汽車渡輪過去熊本。

而我當然選擇一條特別又慳時間的路線啦。

無錯,就係去雲仙島外搭汽車渡輪。

一早check out就去左雲仙,路程80公里左右,個半鐘左右。

去到泊好車就閒遊一下,因為我地的船係1130,應該仲有一個鐘係到遊覽

 

雲仙係日本比較舊式的泉地方

來到溫泉地帶,唔知以為置身係仙境當中

既然免費當然唔會錯過

 

自拍,大煙到乜都睇唔到

其實都係睇左一陣就人,雖然話就話有一個鐘可以遊覽。但由於而家係日本黃金週,無得預定買飛過去熊本。變相就係實行先到先得的方式,如果搭唔到要等多成粒鐘,既然係咁我不如早d去排隊好過~

去到已經見到好多車排緊隊等上船,好彩仲有位。

當然買泊好車等上船之間仲有一段時間,大家都可以落車去逛下小商店~

夠鐘大家就上車預備上船了~

大家都再上車預備上船

大家排排隊~

老婆就拍埋片,哈哈~間唔中拍下片都幾搞笑~

開船,再見了雲仙同島外,應該都無咩機會再來~哈哈~

船程半小時,其實真係好快就到~

 

大風到呢~吹到頭髮亂了~

到站又來一段拍片離開汽車渡輪~爽YY

咁我地就到達了熊本~~先來醫肚,去左聲稱好出名的黑亭拉麵~

但一來到……WTF….使唔使咁長龍呀

見難得來到唔食又好似錯過咁,但你問我的話呢個係一個錯的決定,因為實在太浪費時間係到排隊

連龍哥都等到花兒也謝了~

排等個半小時,終於可以入內了~呼

大家都唔客氣叫左唔同的拉麵,仲有餃子~

日本的餃子好難會唔好食~

黑亭的拉麵出名係個朕黑蒜,但你問我,其實都係好一般。唔明點解咁受歡迎~

你話唔好食又唔係,但同好食又有一段距離。比起係太宰府的暖暮,呢間咁就差好多了~

真係食一次就夠。相信唔會再翻兜,加上要排咁耐隊,即時性價比跌到勁低~

當然我唔會排隊因為排隊排得太耐而影響左我個人的觀感~哈哈~

時間已經來到三點幾,食完麵就返酒店CHECK IN放低架車~

呢兩間我地都係住係熊本東橫INN,平靚正之選~

難得唔使再自駕,我地就以步行去逛下熊本市內了~

先去左熊本城同埋城采苑~

由於上次九州大地震將熊本城殺個片甲不留,所以大家都無得去了~

熊本的名物熊本熊,呢隻熊基本上已經代表成個九州,橫行整個世界~哈哈~

城采苑都係小店為主~大家食下買下玩下

突然有兩個伎藝出沒,大家都同佢地影下相~

由於唔可以入內睇熊本城,但仍然可以係週邊睇到佢地損壞的情況

真係唔知幾耐先可以復原了~

隨後來到商圈,自然有好多shopping mall,當然亦有去睇下熊本熊部長的辦公室啦

 

由於過左時間,部長唔會係到。至於個辦公室其實無咩好睇~哈哈~

逛完時間都夜了,又要繼續去覓食,食晚我地求求其其去左間居酒屋。

你問我就覺得質素好一般了~~~~~

來日本真係得居酒屋俾我的印象最差,以後可以的話都唔會再幫襯居酒屋

前菜~

土雞

豚肉

餃子

玉子

居酒屋俾我的感覺首先係可以食煙一大死罪。其次係食物又唔平,質素又一般。試過幾次都係怕怕~

下次都係情願食拉麵好了~哈哈`

runningdog18

我的生活態度好簡單: 知足常樂,過自己喜愛的生活。

You may also like...

Leave a Reply

Your email address will not be published. Required fields are marked *