2017 北九州自駕之旅 – Day 6

今日可算是整個行程當中我最期待的一日。

行程係由朝早由熊本自駕去宮城縣的高千穗峽,行完一個好短路程的山後,下午就轉去美里玩Forest Adventure。

其實朝早的天氣都係一般,都有落過下雨,但我地基本上都風雨不改,哈哈~~~

由熊本去高千穗,路程大約80公里,由於沒有高速公路,估計都要行1.5小時。

咁來到高千穗停好車後,大家就慢步行由高千穗神社行去高千穗峽~

停車位就正正係高千穗神社,咁我就順勢係呢到行去高千穗峽

周圍都係百年老樹

我地都係沿著馬路漫行。邊享受自然景色邊行山,寫意~

 

當然越近高千穗峽就越多人,行左一排就到了~

果然鳥語花香,哈哈!

 

打咭位置,點都要影下既~

往下行就可以去到划船的位置

我估所有人係網上睇到高千穗的圖片,大部份都係係呢個位置影過去

划船連埋瀑布又山又石,應該都好寫意呀~

係大家都想落去划船感受下的時間,俾我地發現到一塊告示~

就係划船要等3.5小時到4小時,哈哈哈,唔使講當然我地唔會等啦。有緣無份了

既然划船不成,我地就代悲慣為食量

去千穗之家食出晒名的流水麵

高千穗名物,千穗之家的流水麵

水不斷地流,另一邊廂會有工作人員放麵係竹管上

每人一個set,好味

工作人員慢慢放麵係竹管上~

透心涼,好味呀

大家食得不亦樂乎

既然無得划船,食飽飯就開始行山返回高千穗神社

沿途都好多人~

 

無緣划船,有機會再來先算~

三橋鼎立,我記得呢個三橋相都係出名~

又回到高千穗峽的百年老樹~~之後我地就出發去美里玩forest adventure喇~~

諗起都興奮

來到美里,其實地點係熊本市同高千穗的中間,都唔算出名的地方,唔自駕根本無車會到~

來到泊好車,交埋錢同埋一早我填定的form後,就開始玩了~

首先我地的教練係全職員之中唯一一個識講英文的日本人,非常地友善。

其次我地呢團除左我地四個外,仲有兩個當地的小妹妹,非常地可愛~

一來到就先教/幫大家綁上安全帶先~一切都以安全行先~

 

好細心呢~

再來就係講解玩繩網陣就注意事項。你睇YY一見到美男子就花枝招展了

一開始的難度都係由低到高~

我殿後都預備開始了~~用GOPRO影真係幾方便~

呢到的繩網安全第一,所以扣安全繩都係要扣兩條~~以防有人唔記得扣

 

 

呢到其中一個好正的地方就係有好多索首俾大家自由飛翔真係超爽~ 

最後仲有兩條索道可以跨越條河飛去對面,因為距離夠長,時間都夠耐,感覺超好~

 

 

 

有GoPro當然唔會錯過拍片的機會啦~

 

 

堅正,所以絕對推介大家來美里玩呢個~

 

人肥真係無得輸,皆因我實在太肥,令我landing時衝力太勁,一用個pat落地就搞到我打左成個筋斗

對腳打完筋斗仲要kick住左係條索道到~哈哈~~
當然睇水的工作人員除左笑我就當然理得我死自己搞惦佢啦~

唔好講咁多,有片有真相~哈哈哈哈哈哈~

大家玩完就影影相,兩個日本妹妹好可愛~~仲會記得我地叫咩名

完成晒就係地標到合影,大家就過左個開心的下午

yeah~珍貴的回憶~

呢兩個小朋友基本上係呢到的常客,應該買左年票成日都過來玩。

走時佢地媽媽仲問左我地拎ig,我地仲送左香港特產的奇華蛋卷送俾佢地當禮物,即時upload仲左上網。哈哈~

玩完大滿足大家回家歸去了~~起初預玩三個鐘,點知搞下搞下都搞到好夜,好彩返到去熊本仲可以品嚐到當地出名的吉烈豬扒名店 – 勝烈亭~~

由於是日唔使再自駕,終於可以飲下酒了~來日本多數都係飲sake~

前菜,好味~

要自己動手攪芝麻醬~

 

好餓,我唔客氣了

 

連龍哥都忍唔住要出動~

嘻嘻

runningdog18

我的生活態度好簡單: 知足常樂,過自己喜愛的生活。

You may also like...

Leave a Reply

Your email address will not be published. Required fields are marked *