今日係我好朋友【V仔】牛一，雖然打日記時己經過十二點，但我都祝佢生日快樂，盡快搵到佢的白馬王子[s61]！

係打日記之前，係咁易睇過下之前的日記，發覺原來自己成日都係每隔兩日先打一次[s42]，好有規律，有時都覺得有D愧對"日記"呢兩個字，不過與其日日寫D悶野黎趕客，我諗隔日先寫D悶野可能趕客威力降低些少吧[s57]！

呢兩日都係埋頭苦幹做我的網頁，改版的工作就慢慢完成，睇黎不日之內如無咩意外應該都可以UPLOAD喇！[s03]

查看更多...

Tags: 網頁網頁

呢兩日心情都唔係好好！尤其係尋日[s12]，係整網頁上遇到挫折，新版同舊版都係用同一種setting同connection，但舊版成功新版卻失敗[s58][s18]，真係唔知點解，不過電腦就是這樣的一個東西，它不讓你成功時你就永遠吹佢唔漲[s60]，只好用第二種方法罷！但因為咁，令我要將個新版的setting delete晒再攪過！即係話兩日來的努力可以話白費！[s36]，無計，事實就係咁！

今日係梅姐公祭祭的日子，我自己都唔記得，雖然我一定唔會去公祭佢，但都希望佢安息啦[s15]！
另外今日俾人放左飛機，朝早去到球場但人影都唔見一隻，佢地話地濕cancel左，頂佢！一向都係只要唔落雨地濕都會照打，仲要今日塊地唔係好濕，[s58]，邊有唔打波的道理！哼！真係勁嬲！浪費我的時間、浪費我的金錢、浪費我的體力(因為我拎左廿幾本漫畫還俾錢嘉[s40])、最重要係破壞我地之間的信任！哼,經一事長一智，下次我會醒d架喇！

Tags: 旯旯

其實今個月的ic training已經完滿結束，最後個日真係狂衝咁畫圖[s37]，效率係咁多日黎講最高！真係唔到死期都唔博命呀[s21]！但今日係返去聽三個講座，由0930到1430！頭兩個都唔錯，對未來自己出黎做野都幾有幫助[s53]，仲有機會summer出去其他國家到training，係都唔錯呀~~hah[s29]！至於第三個講座就比較廢，入聽左五分鐘基本上可以閃人[s12]，因為佢要GPA過3[s48]，玩咩，經過今年仲有乜可能會過3！但又唔好意思走！所以都係訓住黎過~~HAH！[s26]

近日睇左陣董伯伯的施政報告[s01]，內容就唔多講，但我一睇時就見到某個議員係到又叫董伯伯辭職！我睇到又覺得好奇怪[s33]，心諗個個議員係咁叫人辭職，辭職唔係問題，問題係邊個黎接手[s56]？唔知佢有冇諗過呢個問題呢，而家香港呢個處境，就算邊個上任都係一樣，與其係咁努力叫人落台，倒不如用呢份努力去搵或培育人才吧啦~~[s14]

Tags: 大學生活大學生活

呢期真係好累[s21]，除左返得早太辛苦之餘，仲要返到屋企冇得玩電腦整網頁[s06]，連上下網都冇機會！冇計，因為阿哥最近有個試要考，所以長期要用部新電腦，「咦？乜你唔係有兩部電腦架咩？[s31]」，係，但因為呢期細佬返得早過我，舊個部都俾佢用先！唯有等佢地用完先啦~~[s34]

不過，雖然我冇得整網頁，但我係屋企絕對唔會悶架[s61]，樂趣呢家野永遠都係要自己發掘，東家唔打打家，我唔整網頁就會閃去睇電腦書，不過如果有漫畫睇就最好，可惜冇姐[s36]！不過呢期可能累得滯，成日一路睇一路訓，到最後都係閃去zzzzzzzzzz[s09]喇！

最後多謝【大佬】的生日禮物同【毛仔】送的台灣手信，十萬個多謝！[s26][sor]

今日開始又一連四日的IC Training的生活[s05]，又係好苦咁朝朝返八半放五點的非人生活[s45]！今次個training course其實幾好玩，全名叫【Lighting and Electrical System Design】，簡單黎講係俾一個working area(e.g. 一層樓)[s49]，之後你要設計所有光管的分佈，唔好似為好易，但其實要計好多野，都唔明d人點諗出黎[s02]！

其次係要畫socket的位置，實際要做d乜我都唔太清楚，估計同畫光管差唔多[s26]！呢個會係聽日下就開始！期待中[s34]！

最後好似要畫個總掣的位置，睇黎又係一個難野！[s45]，不過無乜所謂，因為呢個training真係好practical，好好玩，但因為唔多夠時間畫，所以就要返屋企趕工，攪到我整網頁的時間又要delay，係到乘機講少少啦[s61]！其實我都整左十多版[s63]，但因為我會將而家menu個版面改頭換面[s44]，所以想整好一次過放上黎！但估計都唔會好耐，大家等多一陣啦！但又係個句，唔好期望咁高，唔係大家失望唔關我事喇~~[s24][s26]

Tags: 大學生活大學生活