寫意爐端燒

黎到快E人為一月生日的成員慶祝生日，今次我地算係好特別，就係去到Tweety的會所附設的BBQ到慶生，雖則話係BBQ，但其實係爐端燒，一樣係正野~~~~哈哈~~

既然係要燒野，自自然然要買食物，所以有六人就先出左去沙田到買野~~隨後搭車去Tweety到了。

既然離爐端燒的時間仲有好幾粒鐘，我地就各自玩自己的活動。我的首選當然係玩栗子啦！不過可能佢今朝晨早起身去左行5.5Km，到下午時當然係比較累，因此都無咁活躍。不過咁仲好，至少可以令佢好馴服咁俾大家抱，感覺真好~

平時邊有可能可以影到栗子咁清楚？要多謝個5.5Km，哈哈~~


其他人當然係玩Wii啦，小宗的無敵花式滑水技術又技壓群雄，係眾多Wii game中難得可以優勝！哈哈


玩下玩下，時間差唔多，大家就執野預備去爐端燒了~~好期待耶~~~

爐端燒爐~~


Tweety奇多的調味料~~


大家鋪好檯布就預備煎野食了~~~


呢到只係一部份食物


起動，快d橈俾本魔鬼食~~哇卡卡


邊影邊流口水了


索仔擺到明係等食啦~~~


點少得大合照~~~哈哈~~~好彩有拎腳架去，唔係都好難影~~


除左一般的丸扒外，我地仲買左d比較特別的食物來燒，例如大眼雞、白鱔、羊架等等


影影下，小宗都技癢要玩下


超級肥美的白鱔


最後都再張大合照~~~


由於book爐時間只係三小時，基本上好快就時間到，最後大家眼見仲有食物未食晒，竟然好邪惡咁玩非洲話事啤，輸左要食某d食物。小宗從來無諗過輸，畢竟就算輸，懲罰係食的話根本就係恩賜。

BUT

人生最估唔到的就係呢個BUT字！

小宗竟然連續三鋪係唔同Rule的底下全部命中！得到的恩賜係三條香腸 + 一粒丸 + 一條豬脾串同一罐芬達！OMG！

真係飽到癩屎呀~~

時間夠，回到Tweety家，失驚無神之下竟然捧上生日蛋糕，哈！真好！我同$+當然照單全收，多謝各位！

同個蛋糕合照先~~哈哈


最後影埋合照再食埋蛋糕就歸家了~~多謝各位的祝賀！更多謝鼻仔為我慶祝了兩次生日~~哈哈~~

文章來自: 本站原創
引用通告: 查看所有引用 | 我要引用此文章
Tags: 快E人快E人 生日生日