從逗利是說起

農曆新年的四天假期眨下眼就過去，大家都在初四的日子繼續上班。既然係農曆新年，自然係各大未結婚的朋友出動戰鬥的日子。

雖然小宗仲未拆利是，但從數目中都估計到今年的收獲係歷年之冠。主要來源當然係公司的各大同事，先來個謝謝。

不過我一向對逗利是都處於隨緣的態度，除了自己老細會主動說祝賀說話外，其他有機會派利是的同事都唔會特別祝賀，我並唔係吝惜呢d祝賀說話，只係唔想俾人覺得我係為左封利是而做d咁既事；當然同事主動派利是俾我，祝賀說話當然自動播放啦。

我特別打呢篇日記係我竟然係公司見到有同事成群結黨好似打劫咁「好主動」咁周圍向人說恭賀說話，司馬昭之心路人皆知，在我眼中看來實在很討厭。討厭在....

壹：
乞討利是的人同派利是的人根本唔識，點解會咁好意思做d咁既野呢？被祝賀者就算唔想派都被逼要派啦。

貳：
乞討利是的人向派利是的人祝賀後，派利是者回敬幾句祝賀說話後就大家兩眼望兩眼，dead air，各自走開。何必要搞到咁尷尬呢~

參：
一個已結婚的同事，竟然周圍向同事乞討利是，行為已經令人討厭，最討厭的係，竟然俾我聽到佢話今年目標係要做到收支平衡，WTF！

其實利是呢家野，只係在乎意頭，派的要開心，收的都要開心。講真你數得幾多錢呀？一封都係十蚊起廿蚊止，有無需要為左呢十幾廿蚊做到自己咁CHEAP？

講完

文章來自: 本站原創
引用通告: 查看所有引用 | 我要引用此文章
Tags: 新年新年