康覆中

做完手術已經第五日，最多人都係問我隻腳點？在此都多謝各位關心~~~因為大家仲記得我休養中~~哈哈

自身的感覺係康復進度良好，雖然每日媽子為我敷冰時都話我隻腳仲好腫，但我深信醫生俾得成廿日病假你，斷估唔會幾日都好番呀？所以都係要有耐性，慢慢就會好了~~

至於傷口痛唔痛，痛就一定會痛，尤其係朝早起身之時，可能因為訓左成晚，一起身血氣運行時就帶來劇痛，隨之而來就會個膝頭發熱腫漲。第一時間都係敷冰解決。舒服過後整日都會無咩問題，只係間唔中敷下冰等佢繼續消腫~~

話說今日同媽子出走去左PWH到BOOK Physio的期，順利完成。下星期一1530！之後再去處理保險的問題，去到二樓甚麼醫療紀錄組，一問之下竟然要先俾695蚊先可以幫你填個張claim form！無野呀嘛？仲要至少五星期先可以有得拎，係咪擺明玩野呀？隨時claim得1k但已經俾左695！仲要五星期後都唔知會唔會過左期限！都係問下agent先！

其餘d人最關心我係我係屋企有咩搞作：其實不外乎都係睇書睇戲睇電視睇股票上網等等。雖然電腦係長開，但我多數時間都係係sofa，因為sofa多位俾我放腳嘛~~~哇卡卡

其實都諗到另外d野去做，但而家行動不便唯有暫時放低，到遲少少行得走得就會做，yeah，期待！

文章來自: 本站原創
引用通告: 查看所有引用 | 我要引用此文章
Tags: 康復康復