http://www.runningdog18.com/ PJBlog3 2012-05-19T22:01:00+08:00 小宗 http://www.runningdog18.com/ runningdog18@gmail.com 2012-05-19T22:01:00+08:00 2012-05-19T22:01:00+08:00

黎到充滿節目的週末週日，可惜天氣時好時壞，活動唔多唔少都有影響！

但絕對唔會影響我的心情！

先去了陶大，問左阿Roy借左支50.4，可以去旅行慢慢玩喇！

跟手去左德福，因為有喬靖夫的座談會！仲途中見到james大哥~
多謝佢送了喬老大的新書！雖然我一早睇左~哈哈


現場位置好少，但前三四排已經俾一堆唔會聽的學生霸左~


其實喬老大主要講《一九八四》呢本書，我自己都無睇過。所以小宗對內容都不太感興趣XD！

最後當然來個簽書環節！
好少見到有讀者年紀會咁細~


我又乘機玩下Roy支50.4，正！


最後當然要來張合照啦！Yeah！


聽完講座就去左睇《屍營旅舍》，係美國式的恐怖片，但我覺得好笑多過恐怖。由於就落畫，唯有見今日有時間即刻去睇啦！

夜晚再有慶祝阿岑生日的fast e活動！

地點係北京酒家！
Fast e的活動永遠都充滿歡樂！唔怪得佢地一講去歐洲就發癲啦！
而阿春就公佈了她的結婚日期俾大家知，恭喜晒~~~

唔講咁多，開餐。我地廢事煩，直接叫左個餐！

卥肉


北京填鴨醬 + 配菜


賽螃蟹


海哲頭


北京填鴨


北京填鴨粉皮


松子魚


配菜


津白


粗炒？


砂窩雲吞雞


高力豆沙


生日快樂


岑：「我要女朋友！我要女朋友！我要女朋友！我要女朋友！我要女朋友！我要女朋友！我要女朋友！我要女朋友！我要女朋友！我要女朋友！我要女朋友！我要女朋友！我要女朋友！我要女朋友！我要女朋友！我要女朋友！我要女朋友！我要女朋友！我要女朋友！我要女朋友！我要女朋友！我要女朋友！我要女朋友！我要女朋友！我要女朋友！我要女朋友！我要女朋友！我要女朋友！我要女朋友！我要女朋友！我要女朋友！我要女朋友！我要女朋友！我要女朋友！我要女朋友！我要女朋友！我要女朋友！我要女朋友！」


話當然的事絕對係美好的回憶，由於以前影相唔流行，好多事都忘記了，所以盡可能每次活動我都會帶相機，為大家記錄回憶！這些回憶才是最重要的財產！
]]>

http://www.runningdog18.com/default.asp?id=1104 小宗 http://www.runningdog18.com/ runningdog18@gmail.com 2012-05-09T23:05:28+08:00 2012-05-09T23:05:28+08:00

自從買左單車後，自己都成日去踩車。

路線來來去去都係個幾條，踩得多自然趣味大減！

今次的路線仍然都係例牌踩開的路段，但今日踩車的心情卻是無比的快樂。

原因當然係出於立軍同Tweety呢對恩愛夫婦，仲有曬到亂七八糟的陽光啦！

相約單車場，預備租車出發！鼻仔，where are you~~~~~~~


大學站對出，好天到呢~~~


慢慢踩車真係好舒服，得閒又可以吹下水，出下汗又正喎！

到達大埔元洲仔公園~~呵


我地的目的地其實係大尾督！

最後我地用左兩個鐘左右的時間到達！完全係預計之內，爽。

係大家都好餓之際，就衝左入泰國店叫左個好平的泰式海南雞飯！好好味呀~~
仲要係雞脾！勁呀喓


來得呢到，當然要去水壩尾到走一趟啦！Mission Completed！


諗諗下同Tweety由中四識到而家，一相識就已經變成好朋友至今。
佢就由學生妹變成而家的賢妻良母！
我就由死靚仔變成而家的死肥仔！
哈哈，佢的人生已經行前我太多了，哈哈！


恩愛夫婦。我好鐘意呢張相，至少係我影架嘛！哈哈


我的戰車，下次我地踩邊好？


回程時間永遠都比去程時間來得短，話咁快就返到租車場！期待下次再踩！yeah~~~~~~~~~~


今日剩係雙手有搭太陽油，所以對腳就變成咁！哈哈！不過唔熱唔痛，相信無曬傷！


多謝立軍同Tweety唔介意我做電燈膽我一齊同行，下次再踩過~~yo~~~
]]>

http://www.runningdog18.com/default.asp?id=1103 小宗 http://www.runningdog18.com/ runningdog18@gmail.com 2012-05-04T22:56:12+08:00 2012-05-04T22:56:12+08:00

我地屋企有一個好奇怪的現象，就係每次屋企出去食飯，無論咩理由都好，都唔會離開MOS，原因係話一離開MOS就會覺得太遠！

除左遠，仲要一定要食中餐。老人家係咁！哈

所以今次母親節絕對係一個大躍進！至少去到又一城食西餐！XD

例牌早到一定要等！


小宗都係第一次食PIZZA EXPRESS，因為阿哥有半價！


I'm Lovin' it


唔好講咁多，開餐！

好貴的湯，好彩都唔錯


沙律，有我喜愛的火箭菜


沙律 again


意式拼盤


焗磨菇


媽子至愛的三文魚


呢個磨菇pizza好香，正呀


個北京填鴨可能期望太高，反而有d失望


呢個焗茄子就真係失望透極了


意粉孖寶



最後係甜品


呢杯咖啡我認為都係唔合格，哈哈


全晚最開心的當然係媽子啦！比起老豆，越來越青春的媽子更能明白享受生活的道理，good try！
下次再帶佢地食好野先得！

I Love my family~~~~yo~~~
]]>

http://www.runningdog18.com/default.asp?id=1102 小宗 http://www.runningdog18.com/ runningdog18@gmail.com 2012-04-30T11:15:26+08:00 2012-04-30T11:15:26+08:00

又到快e人的生日聚會。

今次的聚會好搞笑，因為係由主角的Deji親自揀地方同埋自己book埋﹝？﹞，為我地生日的傳統帶來嶄新的衝擊！哈哈

先來頭盤：新鮮由台北空運到來的鳳梨酥同花生糖！


大家都餓，上菜！








席間不斷講起中學的往事，仍然令人回味萬分。會考已經是十二年前的事，當天大家還是學生，轉眼大家已經步入人生的另一階段，不斷為快e人增添新成員。

人生有幾多個十年？

十年後這個比較遙遠的距離，大家又會變成怎樣呢？

生日快樂呀~Deji


]]>

http://www.runningdog18.com/default.asp?id=1101 小宗 http://www.runningdog18.com/ runningdog18@gmail.com 2012-04-30T00:33:52+08:00 2012-04-30T00:33:52+08:00

今日突然放假一天，當然唔可以浪費一天大好假期，所以就決定來個閒遊。

其實我是很喜歡自己一個行街的！

第一站：又一城

來這裡的原因很簡單，就係睇早場！


1105開場，我1100到達。起初以為閒日的早場會無咩人，點知去到竟然排晒長龍！WTF，仲要全部都係學生。

天無絕人之路，好彩又一城有得自助買票，我即時走去買！四十大元，抵呀~~

話時話，這是我第一次自己一個睇戲。感覺同一大班朋友睇係無任何分別！哈哈

我諗我可以多D自己一個睇戲了~~~呵呵~~

說回套戲，還不錯！應該笑的位仍然有笑左，令我諗住問青蛙大佬討回四十大元的美夢落空！可惡！至於聲稱最爆笑的【別問我是誰】余文樂版，我有笑，但沒有之前的笑位笑得咁開懐，畢竟事前自己唔想但無何奈何地係唔同的渠道知道這個MV！反而片尾的彭浩翔版的【別問我是誰】就唔係個個睇過，畢竟係因為套戲收得先特別加插入去！

++++++++++++++++

睇完一時正，展開第二個行程：PolyU

Lunch時間其實我特別返去PolyU的舊CAN品嚐求學時期令人為之側目的十蚊飯！可惜事過境遷，百物騰貴，傳說中的十蚊飯我相信1都絕響左一段頗長的時間！仲要每個餐都接近三十大元！大記真係賺到盡呀！

舊CAN外放了一尊孫中山的人像！好英呀

Close-up


全身


大記，除左早餐我會有興趣外，其餘時間可以的話我都盡量唔會選擇大記！

所以我就選擇了更入的canteen﹝其實我都相信呢間都係大記的fd﹞

食左個三十大元的芝味焗牛脷飯配西湯餐包同咖啡！


賣相對辦！味道亦不錯！


醫好五臟六廟，亦係PolyU逛左陣！比起我個時，而家PolyU都變化了不少！

多了一個大天幕


幸好Landmark的鐘樓仍然存在！


「大學專用」的的士站


正門


+++++++++++++

第三站：香港歷史博物館

目的係睇專題展覽：香港貨幣


由於不能拍照，相片欠奉。幸好來時撞正一日兩次的導賞團，可以更了解香港的貨幣！

++++++++++++++

第四站：High Tea

逛完博物館，又係時候要品味咖啡！

來到近來幾受注目的Crema Coffee到試一下，連陳豪都來過！


這種生活就是我想要的生活！


坦白講，這杯Latte我覺得是不合格的！因為咖啡味實在太薄弱了，就算拉花幾靚都無用！


而這個muffin就絕對對辦，是我喜歡的感覺！


+++++++++++

第五站：尖東海旁

其實我原本想靜靜坐係海邊扮有型擺下Pose吸引一下好似妍希的單身美眉！

BUT

人生最晴天霹靂的就是這個BUT

整個海傍都給強國人狠●狠●地●強●姦●了！



充滿怨狠的我，唯有虎目含淚地離開這個地方，向著另一個更多國強人的地方進發

一個海港只有一個海港城！我不入地獄，誰入地獄？

衝呀~~~~~~~~~~~~~~~~~~

途中又玩起盲拍，這是唯一一張係影得好！哈


地獄，我來了！


殺無赦~~~~~~~~~~~~~~~~

++++++++++++++++

說真的，感覺真好！^^]]>

http://www.runningdog18.com/default.asp?id=1100 小宗 http://www.runningdog18.com/ runningdog18@gmail.com 2012-04-29T19:34:19+08:00 2012-04-29T19:34:19+08:00

不用說甚麼！

八十吋的投影電視！

世界上有一樣東西叫做霸氣，霸氣需要強大的金錢！

明顯地，這些機會不是屬於我的！

唯有，盡量享受別人的霸氣吧！

哈哈哈哈哈哈哈~~

]]>

http://www.runningdog18.com/default.asp?id=1099 小宗 http://www.runningdog18.com/ runningdog18@gmail.com 2012-04-21T22:26:53+08:00 2012-04-21T22:26:53+08:00

天文台又再一次表現佢明燈的本色，尋晚仲話今日狂風驟雨，但偏偏今日一滴雨都無！

不過無論天氣點，都影響唔到我今日同柒兄去聽《武道狂之詩》漫畫一週年座談會

由於時間尚早，同柒兄先去左老麥到打躉！估唔到杯【喜馬拉馬茶】都幾好飲，當然我都係飲咖啡啦！


早左到達大眾，可惜唔俾入場！唯有係書局逛！
見到一大堆《武道狂》，這就是傳說中的霸氣！


幸好入場可以坐第一排，可以無人阻住影相！


一早講左唔再買特別版的小宗，為左呢次座談會都破戒了~~


附送的卷軸很有心，是青城派的武功！很有氣勢吧！


座談會開始：原作小說的喬靖夫及漫畫的葉偉青


如果漫畫換成小說會更好！XD
\

是次座談會不太多人，講座的內容亦很好！正！

葉偉青團隊更畫了三幅親筆畫送給Fans
當然沒有參加出去表演【星追月】的小宗沒有很獎的可能啦~~~哈哈


相比起親筆畫，可以合照更難能可貴！


演講廳外設了位置簽名！當然滿載而歸。早知拎埋之前個幾期來簽啦！


簽完名就閃人，都無特別逗留！見肚子餓，和柒兄去左食high tea

先多謝柒兄相贈的台灣飲品，佢辨稱以解我相思台灣之苦！


再多謝柒兄請食貴格tea！

小宗第一次品嚐的太興冰陣奶茶，好味！


再來係雙拼粉麵！貴，但好味！


今次座談會還送了每人一個武道狂紙袋及三款磁石書籤一套！正


另外小宗參加了一個攝影比賽亦送了一套護膚套裝俾我，可惜對我來說是沒用的！哈哈
但願有機勝出比賽，贏部相機返來，哈哈~~~


唔講咁多，睇漫畫先~~~XD]]>

http://www.runningdog18.com/default.asp?id=1098 小宗 http://www.runningdog18.com/ runningdog18@gmail.com 2012-04-06T11:00:00+08:00 2012-04-06T11:00:00+08:00

一連五日的復活節假期展開﹝自己加多日VL﹞，第一炮活動就去釣魚！

坦白說我一向都係釣勝於魚，對釣魚零興趣的我樂於去影相多D！哈哈

今日天氣認真一般，不斷下著毛毛細雨，仲以為除左我地外，咁既天氣應該唔會有人好多人黎釣魚，出奇地又唔係喎！仲要有人黎BBQ，真係勁呀喂~

今日總結各人的收獲，女子組大勝！

先來V仔


我都唔知咩魚，哈哈


毛仔都有收獲！


阿岑為男子組爭番一口氣！


以PK為己任的AYYY竟然有兩條！仲要呢條紅色魚勁大條！勁呀


好似好好味咁！哈哈


我地成日的收鑊！基本上男子組四人除左岑外其他人零收獲！可惡！


除左我，睇下大家幾咁努力！哈哈


不過我為求釣到魚都不擇手段，就會我決定用終極絕招！

就係釣籃裡的魚！那有釣不到之理？

BUT

人生最沮喪就就是這個BUT

所●有●魚●都●唔●騷●我

最後

我仍然一條魚毛都釣唔到，唯一釣到的，是朋友們的大笑！

+++++++++++++

夜晚就去左食泰國野！個冬陰功好辣呀~~~
串燒好好味！正呀~~







]]>

http://www.runningdog18.com/default.asp?id=1097 小宗 http://www.runningdog18.com/ runningdog18@gmail.com 2012-04-05T22:46:17+08:00 2012-04-05T22:46:17+08:00

印象之中好像第一次使用團購得來的優惠。

先多謝Jenny。因為佢失驚無神買左張飲咖啡的團購優惠給我！

飲的不是普通的咖啡。

而是全世界最昂貴的麝香貓咖啡，俗稱貓屎咖啡。

幾貴？出面飲一杯貓屎咖啡索價二百幾！今次因為團購唔使一百蚊！

係品嘗貓屎咖啡之前，先要認識一下甚麼是貓屎咖啡。


基本上愛飲咖啡的人，都應該會聽過貓屎咖啡。

至於點解叫貓屎咖啡呢個課題我交俾google。我主力係品嚐呢杯貴到不得之了的咖啡！

小宗第一次飲expresso，就奉獻左俾貓屎咖啡，簡直覺得係榮幸呀！
厚厚的crema，配以醇香的咖啡香味，令人為之一振！


睇下我笑得幾開心！哈哈


Jenny，飲杯！


講下飲後感！
咖啡很香，質感亦很厚！果酸味比較重，亦有dd薄荷味，Aftertaste很長！

值唔值二百幾蚊一杯？

我可以肯定同你地講

總●對●唔●值！

呢到的講師講得好中肯，她亦覺得貓屎咖啡絕對唔值咁貴！因為這些不是補品、只是一種有很高享受價值的飲品，賣得咁貴只是中間的商人抬高價，成本同市價相差很遠。

BUT

人生最豪的就是這個BUT

呢種咖啡就猶如去馬爾代夫一樣，一生人點都要試一次！

好運地！小宗已經嚐試了！不過相信小宗係不可看見的將來可以再品嚐這種咖啡！哈哈

貓屎咖啡野生原豆


仲有咖啡樹，原來香港都可以種到！


杯盤狼藉
除左貓屎咖啡，佢地亦俾左成本只係一兩蚊的MOCHA俾我地作對比！
而中間兩個杯是裝了冰水，給我們清新一下味蕾！


說實話，這杯MOCHA都還可以。但一碰上貓屎咖啡，就好似南華碰上巴塞一樣！
結果可想而知！

雖然唔多唔少係我主觀性誇張，但這杯咖啡實在令人回味！

竟然有得賣CUPPA CAFE！我屋企仲有好幾包！哈哈


最後付上Jenny homemade muffin，正呀喂！


多謝晒~~~~~~~~~~^^

++++++++++++++++++

今日放工特地走去文化中心，因為想一睹陳可辛導演的展覽！

第一眼就睇到《十月圍城》的模型！


還有陳可辛的獎項！
香港電影金像獎！


台灣金馬獎


《如果●愛》周迅著的跳舞服裝，好靚呀~~


電影海報


駐足了十分鐘去睇專題影片！


還有【金枝玉葉】的個人照，哥哥個張真係好型！


不過諗諗下，其實陳可辛前期出名的電影我係未睇過，呢一次真係失禮晒~~~哈哈~~~
]]>

http://www.runningdog18.com/default.asp?id=1096 小宗 http://www.runningdog18.com/ runningdog18@gmail.com 2012-03-21T21:37:45+08:00 2012-03-21T21:37:45+08:00

呢幾日都要返早，放三點實在無所事事，所以最好週圍行！

咁0岩碰上同ayyy去睇【伊朗式分居】，係等佢的期間就週圍走！

第一步就係去左黃埔！

目的係為左一嚐出晒名的港式漢堡包！時新是也！


可以係全港最出名的搵食網誌得到超過八百個好評，相信一定有佢的特式！
看一看餐牌，唔使講出名左自己比以前貴左！閒日的四點左右時間，店內無人，很好！


小宗唔使講，叫左個魔鬼肥仔食物！
分別係：雙層芝士蛋漢堡包 + 炸薯條 + 凍檸茶


呢個漢堡包出晒名，不過比想像中細，味道坦白講只係一般，覺得名過其實！
而薯條難得係粗薯條，可惜凍的！唔合格！


食飽飽又週圍行！

以前讀poly，其實好近呢到，不過自己唔知點解好少黎呢到行！所以咪呢區非常陌生！
途經以前的讀大學的宿舍。係大學時間無住過hall，仍然係我讀大學的遺憾！


亂逛黃埔，覺得呢到係一個好地方！好多店鋪，要逛街都非常好！加上就來有港鐵，交通更無問題


另外地理上好近海，環境一流！


呢間好似係酒店！


好多人黎跑步


所以小宗就搵個地方坐底，望望海景、吹吹大海風、聽聽歌，做做功課！


這些就是我的功課了~~哈哈哈~~~


睇到夠鐘就搭車出旺角，同ayyy去左CPK到食high pizza

mexico salad


中東燒餅


意大利雲吞


來杯cocktail作結尾，正！


多謝AYYY！

食飽再行去電影中心到睇奧斯卡最佳外語片：伊朗式分居！

一套好特別的電影，整套戲沒有好人、亦沒有壞人；故事係由個人觀點、宗教的分岐而產生，最後苦左的永遠都係小朋友。小宗亦見識伊朗式的審理案件，只係唔知現實中係咪真！

最後電影留低一個Open question俾大家，究竟小朋友會揀邊個呢？實在係一個好難選擇的決定！

期待下一次的免費電影，不過暫時都沒有了~~哈哈]]>

http://www.runningdog18.com/default.asp?id=1095