Category: Web

興趣 0

興趣

今日就黎個小閒談啦,而個topic我相信大家都有興趣既![s26],大家唔知係咩呢?[s31],無錯喇,就係講下【興趣】喇!(P.S. 呢召自問自答係取自材自黃桂林先生的演講技巧,係LKM的朋友仔唔知仲有無印象呢[s63])。好,唔講廢話,講番正趣先!其實諗呢篇野,係由於尋日打波後心血來潮咁諗到!其實有時自己都會自我反省一下,因為咁可以了解自己多d[s29],一諗,就發覺自己實在有好多興趣!動靜皆宜,所以就想講下自己的興趣啦!呵呵[s23]首先講下【動】,由細到大自己都好動,而家都幾百厭,試過玩時係到周圍爬,一下唔小心就撞到個頭,跟住就當然血流披面啦[s33]!漸漸發覺一有自己鐘意做的野時就會係咁做,好似小學玩roller skate咁,個時日日都會走去踩番三四鐘,仲玩到幾pro下架,因為都玩到d花式呀嘛[s49]。跟住就開始踢波,雖然未至於日日踢,但一個星期點都會踢一次,到而家愛上左打波[s28],haha,其實我唔係唔鐘意踢波,但因為踢波的次數實在太少喇[s51],熱情少不免會減退[s10],而打波而家就差唔多每星期一次,爽呀!都係多得好友【阿朱】成日約~~呵呵![s26]講完【動】,又係時候講下【靜】喇!首先就當然係睇小說啦,唔記得左幾時開始接觸左【衛斯理】[s34]的小說後,就對佢極之喜愛,可以話廢寢忘餐不停係咁睇,到現時為止,都睇過超過九十本喇[s56]!希望有機會睇晒佢啦,不過我比較揀擇,淨係睇有number個d[s57]!另外,同樣唔知幾時開始就熱愛左整網頁呢樣東西!由幫【PBO】整個留言板,到而家整左呢個【小宗雜物房】,我都放左唔少心機,諗番起個時都幾瘋狂,除左係圖書館借左好電腦書(不過最少有一半無睇過[s43]),仲係網上搵左勁多相關資料黎睇,兼用左好多錢(對我黎講[s21])黎買電腦書,為求都想係呢個網站整得完善d(仲離好遠…[s51])!而家我仲想向原始碼埋手,因為有時靠dreamweaver係做唔到我想要的功能,唯有靠自己寫啦[s05]!係有呢個念頭的同時,得悉好友【鼻】係UST要學ASP,心裡多少都有d羨慕(雖然都知要交功課時係好慘同好辛苦[s54]),但不竟都係我的興趣,相信辛苦黎都係開心既!而家我唯有向輔學埋手,因為輔學開summer...

流量統計表 0

流量統計表

小宗雜物房又增添一個新成員,就係【流量統計表】,諗起呢個統計表,我真係諗到頭爆都諗唔惦!話說呢個統計表的format係同某個網站好似,咁我開頭唔識當然走去問下個製造者,唔問由自可,一問就灰到傻!為何?因為個作者用左一年時間先諗到,連他這樣的高手都要諗一年,我呢個識d小皮毛整成世都唔得啦!正當我想放棄的時候,竟然有人出手相助,佢俾左一個現承的統計表俾我,所以我就去理解佢呢個統計表的原始碼,明白後就修改再加左一些新的功能同外貌,就變成而家大家睇到個個喇~!其實我都唔知有冇版權的問題,但唔理喇~!haha不過個統計表的外貌唔係好靚,因為呢期都無乜靈感,唔打緊啦~~!有機會先改過去啦~~haha

相簿峻工 0

相簿峻工

今日,小宗雜物房又加添一個成員喇!登登登登!無錯,佢就係【小宗相簿】,我都整左好耐,雖然確實日期唔太記得,但最少都有兩個week架,諗起呢d日子,真係百感交雜!,有苦,有樂!但而家成功當然開心啦~~講下過程的感受先!苦:呢次突然話整個相簿出黎我都覺得有d意外,都可以話係俾我的一個挑戰!為何?因為整相簿係方間係無書教我整,完全係憑自己的想像同設計而成!而個相簿的系統比以往的設計都來得複雜,問題的產生自然多左好多,尤其係參數的傳遞,我真係俾佢攪到我發左自己幾次脾氣!想請教人又無人可以幫助,真係苦不堪言,鳴鳴….!完全明白到無助時的無奈!樂:唔駛講,當然係完成左個相簿啦!而參數的問題都俾我解決左!開心+興奮!係呢個時間我狂讀電腦書,有時覺得比我考試讀書仲勤力,不過呢d係興趣,係唔同d架啦,hahah!其實而家大家見到的相簿並唔係100%係我設計個個,我的設計係多d functions架,但無奈我實力有限,做唔到,唯有慢慢諗下啦!呵呵!最後,能夠完成自己的計劃,真係有好大的滿足感!現在,我又係時候停工喇,因為學已經開左,要專心讀書喇,不過我會繼續更新個網頁,只係進度會慢好多,希望大家唔好嫌棄小宗雜物房,繼續支持佢,有你地的支持,小宗雜物房就會生存下去~~~!得閑就留下言啦~~hehe

新版感想 0

新版感想

其實都冇打日記好一段時間,想打的時候發覺個index有時題,橫惦都冇人睇到就唔打住!而家fix左個問題後當然要寫番啦!話都係新版後的第一篇!基本上呢一次的新版我真係幾滿意,一黎幅圖真係好靚,再加埋我小小的加工,就變成【小宗雜物房】的麥頭喇!我諗呢張相都俾唔少客人留下深刻印像!至於下面的設計,其實唔多唔少都係以茶米和大樹的網頁而成,佢地係邊個?你係COOL LINK的WEB DESIGN就可以搵到!所以話呢,其實我唔係好勁,只係抄人姐,再加上身邊的朋友都冇整網頁的經驗,就自自然然覺得我好似好勁,但呢個絕對係美麗的誤會!講下近況先,最近我個FAULT攪左個FOOTBALL...

終於開張了 0

終於開張了

終於開張喇!心情難勉都緊張同感動,回想起兩個月前決心要整個HP出黎到而家個網頁終於面世,真係悲喜交集呀!悲就係過程中我遇到不少失敗,想做心中想做的野但又冇能力去做,做到出黎又唔靚;喜就係我都叫靠自己同一些台灣的良師幫忙,終於可以製成呢個網站! 講下呢個網頁先啦!其實呢個網頁同其他網頁唔同的地方,就係呢個網頁絕大部份的地方都係我自己製作,好少假手於人,而個滿足感就盡在於此,因為是一個真真正正自己的網站!由無到有,好似d父母睇住自己個仔長大咁!雖然有d誇張,但雖不中,亦不遠矣!哈!其實大家睇呢個網頁時都發覺到有d版面係比較靚,有d就比較樣衰!當然靚個d係後期製作,個時已經對Dreamweaver同Fireworks有一定程度的認識,所以做時都比較得心應手,都可以做出心中所諗的樣貌! 其實對我呢d【呃錢】接近零的人黎講,整網頁點樣setting、點樣connect個資料庫、點樣做個effect唔係最難,最難就係買樣整靚個interface,我有一期真係諗用乜q差顏色諗到發晒火,要我諗用乜顏色真係慘過食豆腐呀!個時有諗過叫d【呃錢】勁人做我顧問,但最後都費事煩到人而giveup左!好彩,世界上有樣野叫做”網頁素材”,大家睇到呢d...