預覽模式: 普通 | 列表

無間道III‧終極無間

作者:小宗 日期:2004-01-03

尋晚同【大佬】去睇無間道，事前已經聽過朋友的評價，但其評價都係負面居多[s02]！但其實自己未睇之前都覺得唔會好似佢講得咁差[s22]，所以都抱住有少少期望的心態去睇！睇完‧又唔係我朋友講得咁差，可能我朋友期望太高先令佢失望啦！[s14]

呢套戲劉德華的角式係最難演繹，因為佢係一個忠奸不分兼有精神病的人，但佢演得好好[s63]，令人睇到有心寒的感覺[s37]；其次係梁朝偉，說真的，呢次梁朝偉演的角式並唔深刻[s38]，感覺上佢演第一集時好好多；再講黎明，佢的感覺就好似演雙雄咁，好COOL[s23]，好冷靜，有一種深藏不露的感覺！最意外就係估唔到KELLY的戲份係咁多[s44]，仲多過剩番個三個影帝。整體黎講都OK，但唔好再有第四集喇~~HA[s24]

Tags: 電影

分类:娛樂聚會 | 固定链接 | 评论: 0 | 引用: 0 | 查看次数: 134

除夕回顧

作者:小宗 日期:2003-12-31

話咁快又到一年的最後一日，雖然呢一日我仲要返學，但都過得唔錯！基本上呢年都算過得幾開心[s26]。返學考試有驚無險[s21]，雖然GPA跌左唔少，但最少唔駛retake﹝唔計剛剛考過個試，雖然知道死硬，但唔出結果都係唔知嘛[s14]﹞！

另外有同班fd去泰國玩，又有同PBO去camp！但感覺上已經有人開始fade out[s02]，不過呢個係必然的事實，只係時間上的問題[s47]！所以我都唔會覺得有咩感覺，因為我覺得只是他們的問題。[s31]

至於其他同學朋友，除左熟個d仲有聯絡外，其他個d真係見到就見，見唔到都唔會有所謂[s07]！幸好大家都有日記或留言版之類的野，咁我都可以間唔中留下狗毛[s23]！

查看更多...

Tags: 回顧

分类:有感而發 | 固定链接 | 评论: 0 | 引用: 0 | 查看次数: 146

巨星殞落

作者:小宗 日期:2003-12-30

今朝返學時同學講起先知道樂壇一代巨星梅艷芳小姐不敵癌魔逝世，享年四十歲[s06]！我聽到時心裡都有一絲的難過，雖然我都知道佢唔會長久，但亦冇諗過突然會快成咁！不過佢畢竟係上一代的巨星，我對佢的感覺、感情並不會像老一輩的人來得深同難過！但對於佢的離去都感到婉惜[s18]！因為我覺得以四十歲的年紀逝世未免實在太過短暫[s02]！實在有太多野想做而未做到，所以應該應該有時間及時行樂，過得開開心心！[s26]

今年的演藝界真係一個慘痛的一年[s36]！今年相繼去逝的演藝名人有羅文、哥哥張國榮、作詞人林振強、小黑柯受良、仲有梅艷芳！對我黎講，除左林振強之外，其他個d都還算知道佢地係邊個，突然間咁多人的離去俾我的感覺係好可怕[s02]，希望來年各人可以身體健康，開開心心咁過活，珍惜眼前人[s26]

Tags: 死亡

分类:有感而發 | 固定链接 | 评论: 0 | 引用: 0 | 查看次数: 132

CSN23‧X' mas Party

作者:小宗 日期:2003-12-29

今日係好朋友【Tweety】生日，祝佢生日快樂，食多d野，太瘦唔好睇架~~[s26]

尋日同一大班網友去左港島太平洋酒店開christmas party，首先當然要多謝攪手的【死蠢‧能能大師】[sor]，冇佢大家都冇得玩！佢亦攪得好成功，佢個米奇女皇look當然艷壓群雄呀~[s29]

再次就多謝【大佬‧青蛙仔】，多謝佢份聖誕禮物[s28]，知你身體仲未好，要多d休息呀！知唔知？[s14]

查看更多...

Tags: 網友 聖誕

分类:娛樂聚會 | 固定链接 | 评论: 0 | 引用: 0 | 查看次数: 142

聖誕快樂

作者:小宗 日期:2003-12-25

又到一年之中最令人開心的聖誕節，小宗在此希望大家聖誕快樂，身體健康，開開心心[s26]！

尋晚平安夜，小宗同三五知己出左去玩，去的地方都係尖沙咀個頭[s15]，上年我都有去呀，但今年去的感覺又唔同左，感覺上今年的人好似冇上年玩得咁癲，再加上警方封左好多路，又逼大家沿同一路徑行，感覺上好似行百萬行咁[s25]，不過都有一個好處，就係有秩序，所以感覺上都係好既~~[s34]，不過小宗我都係唔太鐘意太多人的地方~~好彩都係一年一次姐~~HA

其實年年平安夜都係咁過，唔知大家係平安夜會點過呢？又係好似我咁同班FD出去玩同慶祝？定係會留係屋企睇電視渡過呢？~~Anyway，都希望大家開開心心啦~~[s05]

Tags: 聖誕 PBO

分类:娛樂聚會 | 固定链接 | 评论: 0 | 引用: 0 | 查看次数: 140