今日仍然睇三色台的旅遊節目，看到主持人那常常掛感恩的說話在咀邊就想起我家姐，不期然成日拎佢兩個去比較！今晚睇時就突然產生左一種疑惑，究竟主持人的宗教係咪基督教呢？﹝我一直都以為佢係﹞

因為佢去到任何一個寺廟都好感動，我唔理佢係真感動定做戲！但佢去到一個應該係另一個宗教的廟都話感恩？不是吧？而家都係期待阿燦個集！

不過講勁都唔夠我家姐勁，只要係其他宗教的廟或其他甚麼紀念館，都一定唔會入！哈哈！如果佢識個主持人就一定好投契！

++++++++++

查看更多...

Tags: 電視劇電視劇 宗教宗教

前幾日屋企發生一件趣事，事緣家姐正想食橙，正在撕去橙皮的同時從媽子口中得悉呢d橙係曾經係清明拜過神！家姐聽到後即時掉低個橙，話唔食就閃人返房！原因係個橙拜過神

睇晒整個過程的我真係O晒口，真係覺得佢誇張到死！自己都忍唔住串左佢兩句！話以後留飯俾佢既都要拜下神先，又話間屋都拜過神，有種就唔好住！之後佢又係例牌咁自言自語勁細聲咁駁你，等你聽唔到無得再駁佢！

有時我真係唔知佢究竟係虔誠定係造作，不過無論係邊一方面，都令我地全家人感到唔多舒服﹝我骨子裡係覺得佢造作多﹞！因為佢絕對令人感受到佢的眼中只有基督，其他所有人唔該行開一邊！其實對我個人黎講無咩所謂，但身為父母的就感到非常難過！其實咁做有冇違背基督的精神呢？

講宗教的問題就到此為止，因為一講就會俾大家feel到我好主觀地不滿我家姐的行為，哈哈﹝其實熟我的，一早就知我係好不滿，哈哈﹞！或者，係我家姐的問題，並唔關宗教的事！哈

查看更多...

Tags: 宗教宗教