寒冷天氣
作者:小宗 日期:2008-01-19
呢期都天氣又凍番，返工就仲凍，加上仲要落雨，真係凍到雙手長期處於冰冷的地步呀！不過呢期返工真係勁悠閒，因為返工個的canteen轉手，要停止一個月，所以呢期要派人出去買早餐同午餐，唔知點解我就做左呢個工作，其實自己無咩所謂，senior叫你做咩咪做囉，又唔會阻我收工！
咁整日除左買野食，都係坐係到hae，間唔中有突發事要你幫手就幫手！無野做就去睇報紙同打乒乒波！哈，今日就咁過去，爽呀！
++++++++++++++++
月尾因為生日的關係，所以活動都增加！可以見到平時的老朋友，其實真係一件樂事。有時諗番，覺得成班朋友係中學時識，經歷大學同出黎社會工作後竟然仲可以keep in touch！真係好難得！所以真係要珍惜每次出席的機會，每次出席都係好開心！呢d朋友真係一世的，我深信。
網業峻工
作者:小宗 日期:2005-07-05
呼！千呼萬喚，等左好耐的【江湖好友】終於都開張喇
！從此正式講今次網頁的所有工程都整好喇，真係可喜可賀呀
！不過話時話，呢次個朋友區其實係求其左少少，算啦！實在無靈感！
其實覺得唔靚的原因，可能有d朋友係無相啦，攪好好似千瘡百孔的feel
，所以我又決定，就算係d陳年舊相只要有你個樣我都會cut出黎post上去！yeahyeah！咁點都好過得個窿啦，right？
至於d感想，其實自己都諗左好耐，因為有d人係朋友，但要講咩感想時真係有d困難
，因為諗唔到講乜好！至於有d，想鬧下佢，但又唔想鬧得太盡
，當然俾我講d唔好野的朋友，我相信你地唔會介意睇我先打
，如果係介意
，咁我要講句唔意思，只怪我對你唔熟悉，唯有要delete你個名喇
，kakakak，如果係介意就同我講啦~~~hehehehehhe，但唔見左個名就唔好投訴喇
。
講開朋友！又要講講【大佬】創立理論的【朋友容器】
。【朋友容器】係指每個人都有一個類似花瓶的容器，佢裝的就係你地的朋友，交情越深的朋友，就會沉落瓶底，相反亦然。當有朋友加入，自自然然有朋友fade out
！這是一個不變的事實！大家可以諗諗自己由中學到大學中，有冇遇過呢d事？中學的好朋友，上到大學後就大家好少聯絡，呢d中學朋友就慢慢升向瓶頂，甚至可能已經溜走了。我自己已經試到咁的情況，真係令人沮喪。
