暫別住宿
作者:小宗 日期:2007-10-13
又回到家中，幾過三星期的留宿生活，由今日開始要暫別了！因為實在有太多新班入去，所以宿位係非常緊張，因此，無乜可能住夠十三個week，但我絕對係鐘意住宿多過係屋企，無他既，因為係宿真係方便好多！未來一個月都要來回搭車返屋企了，真係想搵幾日可以閃去身處屯門的家姐屋企住，哈！
其實我都唔係唔使再住，因為到下個月中又安排到返入去住，又係為期三個月！到時課程應該無咁緊，到時就可以多d時間玩喇！kaka！
+++++++++++++
裝修完的屋企執野都七七八八，但我張書檯仍然好亂，真係要諗下要買d乜野可以將我的野放得好d！因為我都係想我張書檯係靚靚仔仔。究竟仲可以買d咩呢！哈哈！
忙於執屋
作者:小宗 日期:2007-07-29
今日係星期日
，我無去打波，雖則其實今日係無旯，但就算有都唔可以去打
，因為太后一早已經下左聖旨唔准出街，要留係屋企執屋
！點解？因為屋企將會黎個極地太翻身，為期兩個月
，所以要將D有用的物品PACK好再搬去新屋。
我今日1300開始執，到2000先完結
。我首先去消滅堆積N年的月結單、ATM提款單等等！真係除之而後快呀。再來係攪D私人物品
，最後就當然係執好我的漫畫，攪左幾粒鐘先完全PACK好箱，
再搬去樓下租番黎的屋。最後的時間都係攪D唔等使的野，執下執下就2000
，但都係執左七成左由！最少個d雪櫃、梳化、洗衣機、電腦、電視等等完全無郁過！未來兩日都有排搬了！
如無意外應該星期二就會移居新屋
，但上網設備就要等到星期五先會ok﹝如果和記班蛋散無放飛機
﹞，所以聽晚過後我就要暫別網上的世界了！
所以有咩重要事，請打電話俾我吧！呵呵！
Tags: 裝潢
