瘋狂OT
作者:小宗 日期:2007-06-14
繼續瘋狂系列
，呢期真係瘋狂OT
，無論係地盤或者公司都要OT，當然
，係地盤的OT係指我放工要返公司做野，係公司就當然唔駛講啦！
點解係咁OT
，因為下星期放假囉，所以D野唔可以等我返黎做
，要我放假前攪好！因為呢期又要做Payment
，所以好多野要攪，加上某地方又要起貨
，所以又要做又悶又煩的t&c！
幸好，今晚都俾我攪好
，可以放心去放假。聽日要做t&c，即係可以唔駛留係公司，終於可以唔駛ot了！呵呵~~
近日判頭個foreman見工成功
，成為我的同事，不過係過澳門，而且職級高過我一級
！哈，真係風水輪流轉。唔知幾時我先轉到工呢？
天光瀨尿
作者:小宗 日期:2007-06-06
今日係近期令我好緊張的日子，無錯，就係入境處ia的final in
，晨早已經起預備去，點知去到荃灣竟然等左勁耐車都無車，真係激死
！見時間已經無乜點剩，唯有搭的士啦！搭的士真係好快，本來要四十分鐘的車程，變左二十分鐘就ko左
！不過就要付上一百二十個大洋，無計了！
入到去已經有六七個人坐係到等，我自自然然都等左好耐先有得in！
三對一，俾人車輪戰係咁問！開頭都算ok
，但中段開始，題目越黎越艱難
，自己已經答得有d混亂
！到最後用英文對答，亦係最死部份
，真係一pet屎咁！無計了，已經知道無行了！
咩題目就不便講，總之如果自己係個interviewer，都覺得唔會請自己
！哈，anyway，都叫一個經驗
。開頭in完真係幾灰
，除左佢地問得深外，自己準備唔夠都係一個要點
，加上太耐無in過，技巧都生疏好多，係咁食螺絲！
再赴菱電
作者:小宗 日期:2005-11-04
尋日睇戲時收到菱電的電話叫我去2nd in
，開頭以為佢請左我tim，因為佢上次講左話唔會有2nd in，不過都好，有2nd in即係機會已經大左！雖然對bs的興趣唔夠飛機工程咁多，但有得做當然做啦，唔理得咁多！
下午去到，今次除左HR個姐姐外
，仲有一個Engineer，佢都應該幾大粒，係到連珠炮轟左我十幾條問題，真係有d吃不消的感覺
，好彩的係，佢問的野全部都同technical的野無關
！咁其他問題都可以吹水過去，呵呵！整體表現都唔錯，
有消息就會下星期會call我~~looking forward呀~呵呵~
++++++
十一月的季節又係影畢業相的時間，好多個星期六日都要去影相
，唯一可惜係打波的時間會少左好多。直到而家自己整套袍都未著過
！哈哈，星期日就要去影，真係要試下先！影左畢業相，就可以upload一d上網俾大家睇！畢竟個相簿都好似甩空左好耐~哈哈~~
輕鬆見工
作者:小宗 日期:2005-11-01
今日又去左見工
，雖然份工係做BS，但自己對呢方面的興趣已經比之前減左！所以今次都叫係頹去見工，仲要1800先去IN，真係乜MOOD都無晒
！in的情況唔多講，只係知道佢想請的人要好勁的AutoCAD
，心諗，如果佢要請Fresh Grad，睇黎都無咩希望。當然佢要即時test你玩AutoCAD啦！結果點已經呼之欲出，唔駛再講。
呢份工應該係我最近最後一次見工了。等Haeco，呵呵
過得海，當然唔少得去左中央圖書館行個白鴿轉啦
！去的目的為左搵d飛機工程的書黎睇！但可惜勁少有關呢類書可以借，有個d都係參考書，頂！反而英文書就幾多下，但英文個d真係睇個封面都想訓覺，無謂借啦！
+++++++++
Tags: 見工
中計身亡
作者:小宗 日期:2005-10-29
尋日去左菱電工程到interview，其實有時係咪大公司真係有樣睇！點睇
？就係睇佢張application form，大公司的application form永遠都係水蛇春咁長
，連你祖宗十八代都要問埋咁，不過呢資料係可以唔駛寫既！
填完，再做written test，問我HKIE 的Scheme A對我未來工作發展有咩得益！諗左一陣，學【Winning之神】話齋，真係想寫：Useless！哈！老吹左一段野俾佢啦！之後入到房，俾兩條題目你，要你做presentation！頂！不過都過到骨既！哈哈~
最後就係in喇，仲以為會全英文，點解係全中文，咁都好d！哈！不過講講下小宗唔覺意中左佢計，事緣個女人問我呢期搵咩工，咁我都係講bs、manufacturing同aircraft，點鬼知佢對aircraft勁有興趣
，係到狂問我呢方面的野，咁佢問得多，我就不自覺講得多
，點知佢就話我對呢方面最有興趣
，當時我當然話唔係啦，話對bs都好有興趣，但明顯地佢唔多信我囉
！﹝雖然事實上我而家對aircraft係有興趣d既﹞！自己中左人計，死左都無得怨啦！哈哈
不過今次傾得好開心，同個女人有講有笑！哈，就算唔成功都無咁灰啦！繼續努力~呵呵~~
