今晚食完飯諗住去跑步，點鬼知運動場俾人租左唔俾入，所以我就諗住轉戰錦泰，點知跑左一陣就覺得對腳好累，睇黎都係星期日跑完仲未復原，所以都唔再跑！乘機去左馬鞍山遊樂場到做下馬鞍山阿伯啦

無錯，就係扮阿伯去左睇人踢波，真係睇到心郁郁好想去跑，幾時先book到場踢？係一個謎！

之後去左公園到做下運動，估唔到自己都做到四下引體上升，哈，真係不得之了，之前做gym一下都做唔到架嘛，唔通我大力左？定係我輕左呢？哈哈

最後坐左係到望下個天空，係到漫無目的咁亂諗野！感覺真係好自由，好鐘意咁既感覺！發覺自己好少可係夜晚中望下自己的屋村。

查看更多...

Tags: 跑步跑步

今朝因為地濕，攪到無去打波，因此造就左我可以訓耐d，哈！真好！起身做左陣公司野後就去左睇尋日拎的渣打十公里的選手包，發覺今年的場刊比上年多野睇左，好彩今年的起跑的時間係七點，比起上年的五點遲左兩個鐘，呵呵！

下午hae左一段時間後，到接近黃昏時間就去左運動場跑步！仲以為好多人去跑步，但原來又唔係好多，不過都好，咁我唔駛左穿又插啦！不過因為有人book左踢波封左幾條線！

做完熱身去跑，真係成年無去跑過！發覺除左體重有進步外，乜都唔惦呀！諗起尋日係旯bbq時【alan】話佢跑一百米快過我，開頭都覺得無咩可能，但而家真係唔敢講喇！哈

最後自己跑左十圈，不過唔知咩時間，因為我無錶，而運動場又無鐘！但都知道自己跑得好慢下，我會係星期日前跑多一次，今次要跑遠d先！

Tags: 跑步跑步

今晚同【阿文】去左睇上左畫好耐的【黑社會】，起初仲以為上左畫咁耐應該無咩人睇，點知又唔係喎！都幾咁多人，可能因為星期二戲飛平掛！不過入場時竟然俾人查身份證，證明自己仍然幾後生！哈

睇完，驚喜唔算太大，比較攪笑的係，整套片並唔係粗口滿飛！至於暴力血腥，可以話完全唔覺，講到咩食匙羹，我覺得好似食糖咁！哈，可能我諗住會見到d人爆頭流腸啦！哈哈！

其實睇時有個想法，乜而家仲有呢d「有龍頭先係大佬」的事架咩？好似有d兒嬉咁！不過套戲感覺上好多野都無交代咁，應該要留番下集！不過我都係鐘意伊健的古惑仔多d！哈哈

同埋我覺得講呢d黑社會的戲，點可能少得張耀揚呢個人！佢個格咁型，十足十係黑社會啦~~哈！

查看更多...

Tags: 電影電影 跑步跑步

尋日去左菱電工程到interview，其實有時係咪大公司真係有樣睇！點睇？就係睇佢張application form，大公司的application form永遠都係水蛇春咁長，連你祖宗十八代都要問埋咁，不過呢資料係可以唔駛寫既！

填完，再做written test，問我HKIE 的Scheme A對我未來工作發展有咩得益！諗左一陣，學【Winning之神】話齋，真係想寫：Useless！哈！老吹左一段野俾佢啦！之後入到房，俾兩條題目你，要你做presentation！頂！不過都過到骨既！哈哈~

最後就係in喇，仲以為會全英文，點解係全中文，咁都好d！哈！不過講講下小宗唔覺意中左佢計，事緣個女人問我呢期搵咩工，咁我都係講bs、manufacturing同aircraft，點鬼知佢對aircraft勁有興趣，係到狂問我呢方面的野，咁佢問得多，我就不自覺講得多，點知佢就話我對呢方面最有興趣，當時我當然話唔係啦，話對bs都好有興趣，但明顯地佢唔多信我囉！﹝雖然事實上我而家對aircraft係有興趣d既﹞！自己中左人計，死左都無得怨啦！哈哈

不過今次傾得好開心，同個女人有講有笑！哈，就算唔成功都無咁灰啦！繼續努力~呵呵~~

查看更多...

Tags: 見工見工 RyodenRyoden 跑步跑步

陽光的天氣又再次降臨，又係小宗去運動的好時光！不過今日係棄水取地，黃昏時閃左去運動場到跑步，一黎為左自己下運動，二黎為左準備下年去跑渣打10km，三黎(the most important)係自己可以去減下肥！哈哈！

不過小宗真係唔係跑長跑的材料，跑左兩個圈已經腳仔軟，吹脹的係自己己經唔係跑得快，只係快過d師奶少少。我的天，點可能一次跑25個圈呀，真係腳斷都有份！我仲想係一個鐘之內跑完！睇黎再黎多個double就差唔多~哈哈！最後跑左九個圈就收左皮，留番星期五再去跑過~哼~

本來今日的心情都ok，點知收到大學生的最大債主‧政府寄黎的還錢通知書！我頂，工都未有點還錢俾你呀！咪玩啦！還的錢話多唔多，話少唔少！都係一個負擔，仲要還到2010年先還完！灰左！我要返工~~~~~~~~~~~~~~~~~呀

近日upload左個自傳第一章‧小pk時代，人流同回應的反應都幾好，真係多謝大家，其實第二篇我仲未打，所以呢幾日都唔會post出黎，我估計下星期會upload第二篇架喇！哈~其實小學篇的資料都搵齊，只係未organize姐。而家反而係到諗中學篇可以點打好！哈！要問番d中學中學拎料先~kakakak

Tags: 跑步跑步