唔知乜盃銀牒決賽
作者:小宗 日期:2009-05-06
大逆轉之勝利
作者:小宗 日期:2009-01-12
左腳受重傷，暫時謝絕一切運動
作者:小宗 日期:2008-12-15
尋日代表division去踢決賽，其實狀態都唔好，一黎已經連返左七日工，仲要係返完早去踢，未踢已經眼訓到可以隨時訓著。本來以我的實力都無咩機會去踢，最多好似上次咁最後贏緊波先落下場踢五分鐘左右。但今日d主力個個都唔到，連我呢d大後備都可以踢正選就知啦~~哈
不過自己都知狀態唔好，所以都唔會博老命﹝其實我踢波都唔會搏，kaka﹞，加上竟然係打四五一，打我一個單箭頭，真係唔得佢死呀！我都唔記得打到邊時，應該係同人爭波時俾人踢中，咁就傷左！傷的地方係左腳外側，腳眼對落接近腳板底的地方。由於腳皮底腫左，唔可以受壓，所以唔可以正常咁行路，要行就要用前當行，即係好似凌空著空踭行咁！問你死未！講番場波，最後零比零，即時射十二碼。最後輸三比一。
打破入球荒
作者:小宗 日期:2008-12-06
話說我尋日返工早走，其實係official release左去踢波，代表division去踢！首先返工已經好so，我返1415，但由於踢1900，要早兩個鐘release你走，計埋meal break，一共三小時。所以1600就已經走人。真爽。
首先我係同另一個同事去踢，其實我而家咁多波踢都係靠佢，佢次次都係先斬後奏咁寫左我個名等我去踢波。今次同佢一齊去銅鑼灣紀律部隊個到踢。中間時間我地都係吹水，係我地係旺角諗住搭小巴過海時，個條小巴線原來個日係義載，為東華三院籌款。咁俾多幾車錢都係無所謂，誰知佢二話不說俾左一張紅衫魚，我真係呆左！其實我都唔係第一次見佢咁捐錢，但只有佢捐錢俾d擺明係II乞兒我先話鬼佢，因為佢咁做係無形中鼓勵班友黎偷渡黎香港搵食。
近況
作者:小宗 日期:2008-11-16
又好幾日無打日記，因為時間上的唔配合，唯有而家將呢幾日的活動打晒係呢篇日記到啦！
先講星期五，放假日子但下午去左做運動，就係比賽踢波！雖然而家踢波質素真係好差，但做下R仔都勝任有餘。今場的比賽真係峰迴路轉，先話俾大家知比數的改變過程：(前者係我踢個隊) 1:0→1:1→1:2→1:3→2:3→3:3。最後仲有一個反勝的機會，可惜我呢個完全無頭搥的前鋒空晒門前一頂出界。不過我都叫入左一球，應該係成年以內的第一球，真係可悲。一個唔識入波的前鋒，哈~~不過唔緊要，最重要踢得開心。
