抽插大會
作者:小宗 日期:2007-03-08
今日係三八婦女節
，但對我黎講都係好普通的一日！基本上今日都無做過野咁滯！
朝早返公司就閃左去上堂
，仲要係討厭的安全堂，悶到真係可以訓著呀！
上完堂就執野走人
，趕住去西貢收貨！去到收晒貨就等船！
本來以為好快攪好，點q知除左我，仲有四行人要運貨
，最後攪到三點先開船！去到再搬埋貨上車攪好都四點半
！之後就俾建築佬捉左上去開會，真係激死！
上到見到咁多人，一睇就知係抽插大會，我地個冷氣仔好醒咁熄電話走人
！之後傾個完工期，永遠講個期都會俾人ban，真係火都黎
，唔通我話應承你聽日俾電你咩，梳西又未做，蛇又未放，講野都唔feasible，低b！哈，之後個建築大佬激到爆
，就急call我老細落去，好呀！聽日就有好戲睇！哼哼！
突破自己
作者:小宗 日期:2007-03-06
今日LUNCH收到【大佬】的來電
，原來星期日跑的十公里出左成績
，自己就比上年快左四分鐘左右
，比我想像中少tim
，不過係今年無練過的情況下跑出咁既成績
，自己都幾滿意！希望下年可以突破60分鐘啦！呵呵~~
至於其他一齊跑的朋友，都係【Winning之神】最快
，睇黎佢應該要挑戰半馬了
！而【龍仔】，係佢未盡全力之下，比我慢幾秒
，睇黎佢下年應該會有好大進步
！而【大佬】的成績都比上年好，大家都有進步，真係可喜可賀！呵呵~
++++++++++
近期地盤真係多野做到嘔，到到都話要起貨
，不斷俾人逼要起貨，真係壓力大呀
！不過人又唔夠，做的野又咁多
，無計啦！比起新黎的師弟，我同佢都係差唔多慘！
十公里賽
作者:小宗 日期:2007-03-04
今日又係一年一度的渣打馬拉松比賽，我呢d業餘人仕當然唔敢越級挑戰，能夠挑戰到自己上年的紀錄已經覺得好好！
今朝約埋【龍】一齊去
，去到尖咀join埋【大佬 + 阿俊】，最後連【Winning之神】都黎埋！一齊浩浩蕩蕩出發！
今年比上年遲兩個鐘起步，所以天都光晒！人數比上年仲多，開跑到西隧前已經見到有人行，真係不得之了！同埋覺得好多人都唔係為左跑，而係為左去影相！其實各人參加的目的都唔同，但明知賽道咁窄，行就死開一邊啦
，仲要無端端急停去影相，真係唔得你死呀！除左跑步外，仲要扭雪糕筒咁！勁鬼麻煩！
其實一開跑只係同【龍】拍住跑，去到西隧就唔知點解唔見左佢，我估佢都應該跑到老遠，不過自己都可以keep到均速去跑，感覺良好！
成為主角
作者:小宗 日期:2006-02-15
渣打馬拉松已經告一段落，不幸地有人因為跑馬拉松而賠上寶貴的性命
，我的感覺係，做事要量力而為，不用咁搏命
！不然受傷害的，都係自己！
哈哈，以我黎講，成績都還可以！
基本上同我預計差唔多，時間都係一個鐘多d，
以我負磅咁重的身軀去跑，都算唔錯了！因為咁，下年的目標係55分鐘！希望得啦！哈哈！或者，去練下跑會好d！其實更重要的，應該去減下磅，哈
另外，【大佬】尋晚仲係網上搵下有冇人放左d馬拉松的相上去！竟然係一個網上相簿到搵到，仲要有一張係我同【Winning之神】做主角
！我睇到時都好興奮，哈
！因為我同佢個時係見到有人影相，即時放慢腳步做晒動作去等佢影，哈哈！個時我仲以為佢係大會的攝影師tim！
哈不過唔緊要，最緊要有相俾大家睇，呵呵！
尋找小宗的故事！
想睇原裝相同埋其他馬拉松的相，請按呢到
Tags: 馬拉松
１０公里
作者:小宗 日期:2006-02-12
今日係小宗挑戰自己的大日子，晨咁早四點起身預備去比賽！搭頭班馬鐵，車上全部個d都係去跑步！個個的樣都好似信心十足，真係好攪笑！
去到文化中心join埋【大佬】放埋行李後理應可以預備去跑！點知遇到個遲到大王【Winning之神】，攪到時間勁唔夠，連熱身都無熱就去跑，都好驚因為咁而跑傷！而【大佬】因為唔同組所以遲我半個鐘出發！
起初跑都覺得幾輕鬆，可能自己都唔係跑得快啦，另外比賽氣氛都令人跑得起勁d既！跑到西隧入口，已經見到有人係到行，哈！唔駛咁快呀嘛
？仲有排捱喎！
西隧呢一段真係幾惡頂，又落斜又上斜空氣又唔多好！感覺上好多人都係邊段跪低左
。雖然自己跑得好慢，但都keep住跑完呢程，呵呵！
