集訓完成
作者:小宗 日期:2007-12-16
終於都過完十三個星期的集訓，感覺真係幾好，回想起來，整個集訓都唔係好harsh，所以過得都幾開心。黎緊就會開始正式實戰，希望我可以係工作表現得好d，盡快離開guard位，入去DO房幫手啦，畢竟我都係唔甘心於做一個IA既！
由入去集訓開始，自己都少打日記，因為實在太忙，返到屋企的時間都已經唔多，仲要勁多野做！好彩最後都無驚無險咁過晒。近期我地班的活動很多，我亦好樂意去參與，唔知點解，DY Club好似變左我地的鐵竇咁，都好！可以見到大佬之餘，仲可以為DY Club吸d新血入黎，希望對DY Club有幫助啦！哈哈~~不過最重要都係要靠佢食物的質素~~~呵
黎緊要post out，好多野要執要埋尾，好累呀~~~
幾時先可以訓一個大覺呢？
第十二週
作者:小宗 日期:2007-12-03
唔經唔覺已經第十二週，而今日亦考埋final exam，exam對我黎講當然問題唔大啦，因為阿sir放晒水，都無乜難度！所以尋日我仲去左打波，呵呵！打波的感覺真係美好！但真係覺得自己打波好停滯不前，如果可以控波控好d就好了！呵呵~~但無得強求了！
由於就黎走人，阿sir亦多左同我地講笑。某一日係到講我地班的人，佢竟然話我個樣囂得滯，唔熟我的人會好易誤會我，哈哈，其實呢個都係我一個缺點，但無辦法啦。但其實我真係唔覺得自己係囂的人，不過我自認我係一個串的人。「囂」同「串」好似一樣，但其實內裡的含意係唔同的！自己覺得「囂」係包含埋自以為是的成份，但我一定無咁做，我只係多口鐘意窒下人姐，哈哈！不過熟我的朋友都知我係咩人，所以我都唔會mind既！呵呵€~~~~~~~
星期三會去羅湖visit，之後會去食buffet當謝師宴，好期待呢~~~
玩過山車
作者:小宗 日期:2007-11-25
今個星期對我地呢班仲係受緊training的同事黎講係一個充滿激情同無奈的過山車星期。首先，我有一個同期的同事因為兩星期前同我一齊打波而受傷，導致右膝嚴重受傷，已經肯定佢不能同我地一齊passing out！真係可惜，我都唔知幾時可以見到佢，希望可以final exam個日見到佢啦！順便可以問佢還番兩百大元！哈哈！
其次就係我地班過左一個Bloody Wednesday，個日commander inspection後，我地班主任同副班主任好似發左狗癲咁係到亂吠，我地班俾人罵到狗血淋頭，而且仲有兩個同事俾佢地趕走，真係不得之了！最後我地班集體求情，佢地先可以暫時留低﹝不過事後我地估佢地係引我地全班求佢地！哈﹞！
不迥呢件事令我地全班都手足無措，因為實在唔知用咩態度去面對佢地！我自己就會盡可能樣認真D，費事有咩事就唔好啦！
+++++++++++++++++
繁重功課
作者:小宗 日期:2007-11-18
真係一時天堂一時地獄！今個week就係一個無敵的天堂，因為主要係上first aid，又唔使drills又唔使周圍走去上堂，係課室到玩下包紮就過一日，不過自己的技巧真係唔太熟，星期一朝早test真係有d驚tim！
講番天堂，最正就係每晚2230 lightout後就兩間房係到開戰玩mario kart！仲要玩team，每間房出戰四車！輸左就請飲汽水。自從經過沙巴之旅，我的技術受到嚴厲的訓練，雖然唔算好勁，但都可以打敗一眾同事，呵呵！不過其實大實力差唔多，所以玩上黎真係好正！i lovin' it！
但經過天堂，黎緊就係一個無敵的地獄，第一就係黎緊有兩個test，仲要有勁多功課做，今日先做左兩樣，仲有兩樣未做！我一定要係聽朝做好，因為夜晚要去溫書，唔得閒做其他野！
+++++++++++++
重回住宿
作者:小宗 日期:2007-11-11
過多一陣又要返入去屯門，重回我的住宿生活，今次為期係三個星期，黎緊都第9 week，時間過得真係好快呢！呵呵！剛剛過左個mid-term，黎緊算係honey week﹝因為有四日淨係上first aid﹞，所以要好好enjoy生活，而且final exam的時間又逼近，所以未來的日子都應該幾辛苦且幾忙，但過埋呢幾個week，我就就出班預備真實的實戰了。呼~~都驚驚地tim！哈哈！
黎緊開始要著制服了，有機會著好就照下相，到時upload俾大家睇下啦！
好了，要預備出發，星期五再見吧~~~
