捱過一關
作者:小宗 日期:2007-07-19
，辛苦左一個星期都係睇今日！個auditor1100黎到，例牌都係睇d文件野
，條友對我整的文件有讚無彈，呵呵！但佢都唔係睇得好detail
！所以好多文件都無乜點睇，真係白費左我的心血！
！話我小氣又好乜都好，唔通真係可以咁無責任心？
又要俾說話人聽？真係可惡到極！
瘋狂躁底
作者:小宗 日期:2007-06-13
今日唔知點解好躁底
，心情亦非常之差！仲要面對住一班乞人憎到死的判頭
！真係命都短幾年！攪到今日狂講d有骨的說話俾佢地聽，活該啦你地！
返工真係唔開心
，真係唔知返工為乜！而且真係好累，睇黎真係要抖下差下電
！幸好下星期放下假去玩下，忘卻工作！盡情去玩，十分之期待呢！
不過經過今日，我都有反省下自己
！就算唔開心都唔好表露出黎
，因為咁可以免卻好多不必要的麻煩！因為開心又咁過，唔開心又咁過，無理由成日都要唔開心。
雖則我知講就易，好多時都係控制唔到自己的情緒咁down
！點算好呢？暫時知道等個地盤差唔多起貨就會好好多
！不過仲要係等，都唔知幾時了
！
Tags: KSC
情緒低落
作者:小宗 日期:2007-06-02
又到週末
，呢期返工突然出現情緒低落症！無他，因為判頭唔生性，又俾人追到甩褲，矛頭又指向我
，唉！真係好苦！雖然判頭係唔生性，但地盤builder玩野又真係令人氣憤！竟然有五六個地方都要開工做野，仲要野野的距離都係好遠
，試問判頭邊有咁多人去做呀
！唔通真係要請好多人咩
，請咁多人，判頭好有機會會蝕，最頭來咪又係劈炮唔做！
唉，真係左右做人難，公司接呢單咁既死人project應該唔夠價
，唔係使鬼咁慘咩
！呢期返工真係好難過，亦好難堪！攪到個人的情緒真係好低落
！返到如同受罪咁，唉！
不過我都應該要放開d
，皆因錯不在我！要打要鬧都無辦法，而家日日不斷忍受
，真係唔知自己要忍到幾耐，亦唔知自己幾時會爆發！為左生活，唔通真係要放樽鹽？
好想轉下工作環境呢！
Tags: KSC
魔盜王參
作者:小宗 日期:2007-05-30
尋晚又同PBO去左睇【魔盜王3】，之前聽過口啤都唔係咁好，所以都唔算有好大期望，但睇落去又唔係想像中咁差，亦唔係想像中咁悶
，只係劇情有D亂，某D位唔太知佢講乜
，所以都係奉勸各位一句，睇番第二集先去睇第三集！
重點都係睇靚女姬拉麗莉同埋周潤發，果然係無令人失望！呵呵！而主角的阿jack，仍然係好攪笑，表達佢精神分裂的手法都係好正斗
！三小時完全唔覺得咁耐喎，呵呵！正~
+++++++++
今日返工可以話近期最唔開心
，亦係最辛苦的一日！平時俾建築追、俾建築鬧都無所謂！但今日發覺連自己的判頭都唔係同你坐同一條船
，幫你做下野都係唔肯。幫的只係做司機車d野，咁都要托我手肘？
驚喜交集
作者:小宗 日期:2007-05-22
近期返工真係幾苦，因為除左公司地盤兩邊走外，仲要呢期落大雨
，心情已經唔算太好，仲要係好狼狽！真係慘呢
！加上又係搬野，都唔算叫自己一個搬既，但大部份時間都係啦！其實我同判頭都係唔明，又唔係自己的野，既然係另外一間判頭的事
，點解唔叫佢地黎搬？佢地大X晒咩！
其實我自己都勁唔想搬
，但老細叫到，點都要做！係搬時
，成日濕晒，成手成腳都係泥
，係個一刻，我真係係到諗，我讀書讀到大學畢業，出到黎做野係咪要做呢D野呢
？我唔係睇唔起做搬運工人，因為其實做呢個俗稱「埋碼」呢個動作都係一個好好的學問，點可以利用一條布條去吊野呢？但問題係，我的身份係絕對唔應該做呢D野，都唔係第一次
，已經係N咁多次
！呢間公司好野，我一定會記住間公司點對我！
老細係電話同我講：「公司請到你，真係勁好！」
我的心諗：「我只係差一個機會姐！」
+++++++++++++
