Tag: POP預覽模式: 普通 | 列表

正式畢業

作者:小宗日期:2008-04-04

萬眾期待的Passing Out Parade 終於係尋日已經完結，話晒都操左八日，點都想係正式當日操得好d！但點知發生一樣唔好的事！

就係一向都懶懶閒的squad commander竟然係正式show time到發台瘟，竟然係march-off到聽錯三次音樂，攪到成日都要轉pace，我地成隊就因為咁，全隊操到亂晒，真係羞死人！

anyway，完成整個pop整個人都好開心！如果係剛剛出班到操pop，個感覺相信會仲好！不過都好多謝【小婷】同【媽子】山長水遠黎睇我表演，多謝【小婷】送的燦爛的向日葵，真係衷心多謝佢地，希望有朝一日，我做到IO再請佢地黎睇我表演多一次！

媽子與小宗

Tags: POP POP

分類:工作情況 | 固定鏈結 | 評論: 0 | 引用: 0 | 查看次數: 491

迎接畢業

作者:小宗日期:2008-04-02

唔經唔覺返左去屯門操pop己經第七日，聽日就係等左好耐的POP！今日仲要full gear咁操一次，但發覺著完tunics後操真係比想像中難，本來大家心情都幾好。點知操完校長係到九up話我地成班都操得唔好，令佢好失望。不過自己都無咩點理佢！

之後最後仲要快版咁操多一轉，仲要失驚無神俾squad commander話我dressing位置有問題？攪到成條rank都唔齊！What the hell？我係企係第一個file架，我係by the right睇齊隔離squad架，如果係位置唔0岩都關我事啦，隔離企錯位我都唯有跟佢！正一低b仔，自己平時叫command已經差，仲好意思話人，收皮吧！

每人只係得兩張飛，攪到無辦法叫多d人去！而聽日我就叫左媽子同【小婷】去睇，除左數碼相機，仲有DV，希望可以錄到啦！話晒我都係係第二排第一個位，好易搵到我出黎！

好，要預備聽日的POP，有咩明天再講

Tags: POP POP

分類:工作情況 | 固定鏈結 | 評論: 0 | 引用: 0 | 查看次數: 520

終於放假

作者:小宗日期:2008-03-29

呼，七日的地獄之旅終於完結，真係累到死呀滯呀！原本阿sir話要加操，但最後都係fake我地，哈！真好！可以係屋企休息下，最後自己休息番兩日，好好令我疲累的身軀得到休息！

講番個會操先，其實整個rundown大家都己經知道，但我地個squard都係操得好核突，哈，我能有甚麼辦法呀？班友都無心去操既！所以唔靚都預左了！無計！

可能阿sir吸收左上次pop的經驗，所以今次真係好斬釘截鐵咁講話無飛就一定唔會俾佢地入黎！咁每人得都係兩張飛，所以都幾麻煩了。不過都係到時先算啦！

難後今次會操可以見番成班course友，不過唔知點解，今次俾我的感覺真係有d大不如前。平時熟個班、0岩咀型個班仍然都係好好傾；0岩吹水個班比以前更加唔0岩咀型。尋晚大家都好開心咁出去飯聚打邊爐，但勁攪笑係，雖然係一班人(13人)出去，但去到都係各自各玩，女仔自己一班係到吹水，另一班男仔就只係顧住自己打機，我就當然同另一班唔打機的人狂吹水啦！我到最後都忍唔住同隔離好傾的fd講，難得出黎飯聚梗係吹水架啦，只係打機，有無攪錯呀！

Tags: POP POP 421 421