今日拎左TO三個鐘去左大埔廣福村到踢波，基本我以為係其中一場IMMD盃賽的淘汰賽，但就算咩賽事我都係咁踢。就係贏輸唔重要，最重要唔好受傷。

完場後我才知道原來今場係唔知乜盃銀牒決賽。唔好俾個名嚇親以為好勁，其實就好似欖球比賽制度咁，一開頭輸左就只可以爭次一級的銀牒，而今場就係呢個銀牒的決賽。

查看更多...

Tags: immdimmd 踢波踢波

難得一日放假我又走左去踢波，自從個日傷左之後都無再踢波。都養傷左一段時間先無事。不過傷完再踢波點都係驚驚地。不過我都係志在參與，所以都無咩所謂。

至於我地隊波叫【Zero】，隊波真係好攪笑。因為我地輸贏都係踢得好開心，你踢得唔好無人鬧你，同樣亦唔會有人教你，總之你想點踢就點踢，最重要係踢得開心。呢方面絕對係我杯茶，所以係到呢都踢得好開心。

查看更多...

Tags: immdimmd 踢波踢波

尋日天文台講到係入冬以黎最低溫度，但我身處打鼓嶺的MKT，凍的確係凍，但未以於凍到不得之了。至少我的雙手都未凍過。今日繼續返早，突然被徵召過去STK到替一日假。咁我搭Pool Car去STK的途中經過零下一度的打鼓嶺。

的確好凍。

查看更多...

Tags: 小婷小婷 immdimmd DyClubDyClub

尋日代表division去踢決賽，其實狀態都唔好，一黎已經連返左七日工，仲要係返完早去踢，未踢已經眼訓到可以隨時訓著。本來以我的實力都無咩機會去踢，最多好似上次咁最後贏緊波先落下場踢五分鐘左右。但今日d主力個個都唔到，連我呢d大後備都可以踢正選就知啦~~哈

不過自己都知狀態唔好，所以都唔會博老命﹝其實我踢波都唔會搏，kaka﹞，加上竟然係打四五一，打我一個單箭頭，真係唔得佢死呀！我都唔記得打到邊時，應該係同人爭波時俾人踢中，咁就傷左！傷的地方係左腳外側，腳眼對落接近腳板底的地方。由於腳皮底腫左，唔可以受壓，所以唔可以正常咁行路，要行就要用前當行，即係好似凌空著空踭行咁！問你死未！講番場波，最後零比零，即時射十二碼。最後輸三比一。

查看更多...

Tags: immdimmd 踢波踢波 小婷小婷 受傷受傷

為期五日的Christmas Party Decoration Team終於完結。自問佈置得一般，不過點都好過無佈置既，唔多唔少都有聖誕氣氛。無奈的係，呢d裝飾左唔夠廿四小時的要全部拆走，令所有地方變回原狀。真係浪費人力物力呀。

由於主要的場地係canteen，我地係唔可以影響canteen的情況下去decoration真麻煩，所以要係星期四，正日之前個日開OT！個日返工的時間係0845~2315，足足OT左6個鐘，如果係計番錢你話幾咁好呢~~可惜！

查看更多...

Tags: immdimmd