<![CDATA[小宗雜物房]]>

<![CDATA[小宗雜物房]]> http://www.runningdog18.com/ zh-cn PBlog2 v2.4 小宗雜物房 http://www.runningdog18.com/images/logos.gif http://www.runningdog18.com/ 小宗雜物房 http://www.runningdog18.com/article.asp?id=981 <![CDATA[第一日的物理治療]]> runningdog18@gmail.com(小宗) Mon,26 Jul 2010 19:04:59 +0800 http://www.runningdog18.com/default.asp?id=981
對比上次物理治療已經半年時間，當然今次的治療師唔係上次個個。今次個男仔young好多。不過佢真係有好多病人，整個room有八成日都係佢的病人，仲要係九成都係膝頭韌帶有事，唔係普遍成咁呀？？

一來就俾佢就講番我的病情，基本上我都知。之後就教我做d運動，係要我係屋企做，避免我唔記得，我都要係到打一打先！

一) 伸直右腳並提高
Hold 10s；每組20下；做3組；早午晚各做一次

二) 屈膝並用力收縮大腿
Hold 10s；每組20下；做3組；早午晚各做一次

三) 從四個方向郁動右膝
每個方向12下；一個循環為一組；做3組；早午晚各做一次

四) 左腳屈曲壓右膝，手伸前惦腳尖
Hold 25s；5~8組；早午晚各做一次

五)敷冰
每日敷五次，每次15mins

呼~~一黎就要做咁多運動，總叫係我比較沉悶的生活中增添一些趣味~~哈哈~~~
最後就幫我敷冰再book埋期就走人喇~~~

星期四再做一次~~yeah！又可以出去走走，feel so good！

不過實在熱到流太多汗，下次要帶件衫去先得~~~哈哈~~~

+++++++++++++

多謝Tweety送來的防水貼紙，得夠用了！超感謝喔~~~~嘻嘻嘻

]]> http://www.runningdog18.com/article.asp?id=980 <![CDATA[康覆中]]> runningdog18@gmail.com(小宗) Tue,20 Jul 2010 21:12:22 +0800 http://www.runningdog18.com/default.asp?id=980
自身的感覺係康復進度良好，雖然每日媽子為我敷冰時都話我隻腳仲好腫，但我深信醫生俾得成廿日病假你，斷估唔會幾日都好番呀？所以都係要有耐性，慢慢就會好了~~

至於傷口痛唔痛，痛就一定會痛，尤其係朝早起身之時，可能因為訓左成晚，一起身血氣運行時就帶來劇痛，隨之而來就會個膝頭發熱腫漲。第一時間都係敷冰解決。舒服過後整日都會無咩問題，只係間唔中敷下冰等佢繼續消腫~~

話說今日同媽子出走去左PWH到BOOK Physio的期，順利完成。下星期一1530！之後再去處理保險的問題，去到二樓甚麼醫療紀錄組，一問之下竟然要先俾695蚊先可以幫你填個張claim form！無野呀嘛？仲要至少五星期先可以有得拎，係咪擺明玩野呀？隨時claim得1k但已經俾左695！仲要五星期後都唔知會唔會過左期限！都係問下agent先！

其餘d人最關心我係我係屋企有咩搞作：其實不外乎都係睇書睇戲睇電視睇股票上網等等。雖然電腦係長開，但我多數時間都係係sofa，因為sofa多位俾我放腳嘛~~~哇卡卡

其實都諗到另外d野去做，但而家行動不便唯有暫時放低，到遲少少行得走得就會做，yeah，期待！]]> http://www.runningdog18.com/article.asp?id=979 <![CDATA[回家真好]]> runningdog18@gmail.com(小宗) Sat,17 Jul 2010 19:05:26 +0800 http://www.runningdog18.com/default.asp?id=979

終於回到家中，不禁說句：回家真好！

估唔到係醫院只係短短兩日，但感覺上就過左好耐咁！可能整日都係床到掛~~哈哈

先講下手術情況，當天晨咁早0715報到，但都要等到1000先換衫推入手術室，係手術室都等左半個鐘先做！

係呢半個鐘就好似拍戲咁，因為你訓係病床，而你可以望的只有迷糊的天花板。雖然知道手術唔會對性命有咩危險，但都心情都好緊張，就不斷諗起好多野~~

都係一些往事，人和物不斷在腦中飛逝，感覺好奇妙。

入左手術室，先打左trip，之後就話吸氧氣，咁就中計。因為本來諗緊全身麻醉會點樣，誰知吸左三野O2就昏迷左！

ZZZZZZZZZZZZZZZZZZZZZZZZZZZZZZ

醒番就已經完成手術，時間為下午二時。可能麻醉未散，個人都呆呆地！上到病床，襯我仲未再訓之前先打電話俾媽子、小婷同公司，印象中好似send左幾個sms又再訓。

再訓都唔係訓好耐，起身時間都差唔多到探病時間。先多謝阿tim，因為撐住拐杖做physio都順便過黎探我，仲送上一堆食物俾我~哈哈~~我都祝你早日康復！

之後兩個現職護士的Ronald同Yui都黎左，多謝佢地為左我第一篤小便而做左好多野，好彩都成功！哈哈~~

講起呢一篤野，真係俾佢玩死！皆因麻醉的關係，令病人不能暢快咁小便！誰知我又超急，情況就如去睇一場五小時的電影，你一入場就急到爆炸，誰知戲院內並無廁所！WTF！

我係直情谷到流晒大汗，感覺真係PK，明明急到傻，但偏偏去唔到！最後我估真係谷爆左個屎袋，令佢只能籨唯一通道發洩！

唔好講笑，因為不能落床而要用鴨仔，一暢快完看看刻度，竟然超過1000mL！由此證明我真係被谷爆左！得罪過句，仲辛苦過做手術呀~~

到六點左右媽子同老豆就黎左，帶左好豐富的飯菜黎，可惜實在無胃口，最後都無食到。為左我，又令倆老辛苦了，對唔住呀~~~

同時間ayyy都黎左。誰知我一食飯，作嘔感澎澎聲黎，好彩拎定個袋，嘩啦啦一聲，嘔到痴左線！好彩得AYYY同倆老睇到，嘔的原因係麻醉藥的副作用，但倆老見到呢個情況，又擔心多了一重，罪過罪過！

不過嘔完就有番食慾，過左探病時間就可以食飯野了！

隨後Tweety到達，多謝佢盒車厘子。哈哈~~~

跟著朱鼻龜都到達，吹左幾句後因為太多人探病而被趕走，多謝晒，做兄弟我心領！

呢個時候又點小得小婷喎~~仲有美味的義美蜂蜜蛋糕！呢盒蛋糕成為我宵野同早餐的美好伴侶！多謝晒！

最後小婷都超時而到俾人趕走，多謝晒、亦辛苦晒！

+++++++++++++

第二日已經可以拆走喉仔，兼洗埋傷口，見到有四至五個傷口，都係微創的效果，傷口好細！亦可能係止痛藥的效果，並唔係太痛。醫生並教左要做兩種運動去幫助康復！好彩我做時都唔太痛，從中都感受到個手術都應該做得唔錯。

跟住就去左租一對拐杖，兼再照埋x-ray。下午有物理治療師教點用對拐杖。醫生甚至話如果行到就可以出院了，哈哈，不過我懶死唔走，住多一日。

夜晚媽子同老豆都黎左、估唔到連kennet都到埋，哈哈！多謝了~~

今晚只有索仔同小婷到，多謝晒，而Tweety都襯食飯時間過黎望一望~~哈哈~~~

由於索仔有車，就情商佢聽日車我返屋企，索仔爽快一口答應！而小婷都黎接我出院，呵呵~~真好~~

再次為麻煩到佢地而抱歉！

今日都唔可以叫順利出院，因為班護士hold住左塊板，令我同小婷呆等左幾個鐘，真係頂佢個肺！最後走人、俾埋錢，再同索仔同小婷食飯就回家去了！

唔使講返到屋企當然舒服啦，至少有電腦用。而且可以沖涼！feel so good！

短暫假期開始，暫定去到3/8！哈哈~~

在此除左多謝黎探望我的人，亦多謝所有sms、msn、電話、facebook、email慰問我的人，由於電話無電，不能逐個msg reply，小宗在此謝過所有好朋友！

多謝啦啦啦啦啦啦

附上手術後的相片

仲未消腫

短時間都要同佢相依為命

不過俾佢磨到起水泡，好彩我有手套！哈哈

]]> http://www.runningdog18.com/article.asp?id=978 <![CDATA[踏上康復之路]]> runningdog18@gmail.com(小宗) Wed,14 Jul 2010 23:24:58 +0800 http://www.runningdog18.com/default.asp?id=978

自從上年六月父親節當日整親個右膝，到八月尾再一次觸及患處。到聽日為止的期間接受左一連串的轉介、X光、MRI、物理治療、骨科覆診，以極速咁排左接近一年！

明天終於係我踏上康復之路的第一步！

ACL Reconstruction Surgery﹝前十字韌帶重建手術﹞

0715入院，醫生話我排第二個做，我估計九點左右應該都開始架喇~~~

暫時無咩緊張的心情，但都預計到聽日入手術室前一定會緊張！

不過我對手術好有信心！

祝福我吧！哈~

在此多謝所有好朋友的支持、無論係sms、email、msn、facebook等等！小宗收到晒！多謝！]]> http://www.runningdog18.com/article.asp?id=977 <![CDATA[LKM釣墨魚大作戰]]> runningdog18@gmail.com(小宗) Sat,10 Jul 2010 19:57:09 +0800 http://www.runningdog18.com/default.asp?id=977

全靠鼻仔落力做搞手，令我地呢班中學同學可以有機會再相聚。雖然我一向都分別佢地Keep in touch，但咁樣成班人一齊玩真係無試過！所以就算釣墨魚唔係我杯茶，但我都一定舉腳支持！

一共三十八人！雖然有一部份係攜眷出席，但出席的人數實在爆燈！

扮型中...實則睇五星級正妹！

天氣非常好，至少有靚靚的藍天

夏天西貢的人流比起旺角仲勁！
而我地就仲等緊遲到的人

齊人就上船喇~~~影下相先~~

我著左件國王的新衣，表面上係支持荷蘭，但內裡係支持德國~kaka
黃昏日落的西貢都係好靚~~~，不過要影得好就比較難了

點少得同岑醫生合照~~kaka

唔好講咁多，開餐！餓狗搶屎的情況出現！

超好味雞粥 + 雞翼 + 薑葱炒蟹 + 菠蘿腸

呢張好！

仲有肥美的白灼蝦同埋生菜(不過無影到)

係大家食飽之後就開始釣墨魚，阿jer好快咁就攻下三條，其他人就比較慢，不過間唔中都會有收鑊！

而小宗，係大家釣的同時就努力醫肚，哈哈，最後都係得我一個人開餐，哈哈~~~~

當然，小宗都有去釣墨魚，不過仍然保持優良傳統，就係一條都釣唔到。無計啦，小宗用左太公望釣墨魚的方法，真係有墨魚先奇呀~~哇卡卡~~

不過都好彩其他人都釣到，等我都可以影下！

錢嘉同牛腩麵釣到的墨魚，滿身通紅呀！

唔記得左呢條邊個釣~~哈可能都係錢嘉

不過釣到的人唔多，但相信大家都醉翁之意不在酒，最重要係開心嘛~~~~

計落計埋船家，應該都有三十條，所以最後炒黎食時大家都可以分到~~正呀~~

整個釣墨魚的時間都唔算特別長，可能我自己吹水多過釣魚，所以覺得時間過得好快~~~話咁快又回岸~~

最後當然會整張合照啦~~~多謝fit王相借SB900俾我，唔係都唔知點影喇~~哈哈~~~

]]> http://www.runningdog18.com/article.asp?id=976 <![CDATA[Housewarming@ Sam's home]]> runningdog18@gmail.com(小宗) Sun,04 Jul 2010 22:50:07 +0800 http://www.runningdog18.com/default.asp?id=976

唔知係咪大家預知我會龜縮一段時間，所以呢期的活動都特別多。今日的活動係去阿Sam屋企Housewarming，亦係我第一次黎黃泥頭呢個地方。

為處村屋，地方間隔果然係大d！第一樣吸引到人的地方係佢個酒櫃

係一個威士忌同雞尾酒的酒櫃！
調酒工具

威士忌

一個好大的廳

仲有好多game玩

不過我今日玩的係「種豆得金」的card game！
係一個要不斷lur人要card的遊戲，好正好好玩！
不過小宗掛住玩都唔記得影相，所以無計了~~哈哈~~
而且小宗成為大贏家，一共贏左三次，yoyoyoyo

今次的活動係順便同AYYY慶祝生日，食物好豐富！

有壽司、PIZZA、焗意粉

仲有由意大利入口的Risotto！

其實仲有遲整好的超好蜜糖雞翼同埋香腸，但小宗又唔記得影相~~哈哈

總之就好好味啦~~~嘻嘻

不過由於無位放我部機，所以我部機無大合照，睇黎我都要買番個八爪魚差婆傍下身先得呀~~

既然係生日，當然要有生日蛋糕啦！仲要配合埋世界盃的熱潮呀~~呵呵~~

我要男朋友！我要男朋友！我要男朋友！我要男朋友！我要男朋友！

]]> http://www.runningdog18.com/article.asp?id=975 <![CDATA[大埔海濱公園]]> runningdog18@gmail.com(小宗) Thu,01 Jul 2010 13:47:00 +0800 http://www.runningdog18.com/default.asp?id=975

自從旅行返來後都無再打過日記，打的都係旅行中的遊記，就咁就佔據左我整個六月份。「偷懶」左將近一個月，實在心癢癢，自2003年10月15日網站開將以來，累積日記已經超過九百篇，實在成為生活中的一部份。我相信我會繼續打落去，雖然我的文字好爛，但我會盡能力將我的生活同大家分享。

七一對香港黎講係一個特別的日子，唔同人有唔同人的活動，相信最多人都係會上街表達自己的訴求。而政治冷感的小宗得到小婷的首肯後就一同去左大埔海濱公園到hae下影下相，多謝小婷滿足左我想影相的心情~~kaka

不過天氣真係好熱，邊影邊滴汗，已經選左四點幾先去影，估唔到都仲係咁曬！
呢一次可算是第一次正正式式試影人像，一上手真係唔知點好，無論姿勢構圖色調都唔識點控制，真係要睇多d練多d先得！

整個行程都係用Nikon 35/1.8的鏡，以價錢黎講，呢支c/p值很高。不過影人像，都係想要50/1.4或85/1.4會比較好！但35/1.8以現在初階入門黎講都收貨既~~哈哈~~~

唔講咁多，去相！

呢張如果可以用長d焦距影會仲正~

嘻

呢張我鐘意

散景唔錯

呢個明顯用得太大光圈，no good！

扒地之作

浦下頭先

回歸塔，可惜現場唔夠光，又無閃燈，感覺差好多

正

最後影到七點走人，好滿足，希望下次可以再影！不過下次都應該有排了~~因為我將會係15/7就會入院做手術，比起原訂計劃早左兩個月，真好！畢業後五年，估唔到仲可以放暑假！但其實我都係想早d返工~~哈哈

說回正題，影完相後就去左食家鄉雞，估唔到會送支南非小喇叭，用黎支持德國就真係一流了~~YEAH！

]]> http://www.runningdog18.com/article.asp?id=974 <![CDATA[瑞士意大利之旅 - Day 12]]> runningdog18@gmail.com(小宗) Wed,23 Jun 2010 22:51:09 +0800 http://www.runningdog18.com/default.asp?id=974

2010年5月29日﹝星期六﹞
行程：Rome → Hong Kong
+++++++++++++++++++++++++

黎到行程的最後一日，雖然我地班機係1710先起飛，但我地都想行一行機場的免稅店，所以諗住食埋個Lunch就會提早去機場。

不過今朝我地都有行程，就係去許願池﹝Fontana di Trevi﹞。
本來都想早D黎到，因為唔想太多人，可惜最後都事與願違，黎到許願池已經爆多人，但都唔打緊，景點多人係必然的事實，哈哈~~

整個許願池比想像中大好多，背後仲有整座建築物

每隻雕像都栩栩如生，表情一流！

影完close up，自然係ultrawide出動的時間

多人到呢~~搵個位影相都難呀

黎個全貌

再黎張合照

由於我地只有朝早的時間，所以大家影到夠皮就閃人，去我地最後一個景點：人民廣場﹝Piazza del Popolo﹞

途中見到座好似國殤之柱的柱，上面都雕滿晒野！

到達人民廣場！

全貌

柱的四角都有石獅子坐陣

條條大路通人民廣場呀

石獅子

留左一陣就閃人返酒店lu

係返酒店拎行李之前，我地又去番尋晚個間餐廳，一樣咁正！哈哈

Lunch我地就飲coke

spaghetti

Parma Ham + Melon = 一流

pizza

雞？忘記了~哈哈

完成午餐後我地就拎埋行李去機場lu！去到都知班機delay，又delay，對KLM呢間公司真係失望。今次又係零件壞，最後仲要維修唔到，吹漲就係壞個個係ENTERTAINMENT SYSTEM，換言之大家係飛機上係無電影睇，但唔會影響飛行。佢就俾大家選擇，一係上機，一係等下班機。

真係Bullshit，根本唔會有人會等下班機啦講真，但問題係，班機並唔係每人有私家電視，只係走廊掛三部電視仔，根本班機就無娛樂架啦！搞埋D無謂野又delay左成個幾鐘！

最後佢就送番EUR15禮券俾每個人，可以買on board duty free的野！係呢一刻，我地的女士已經選定左要買d咩了！

就係價值EUR17的Godiva Amsterdam版的朱古力，換言之我地只係用EUR2就可以帶番屋企！

空中少爺一推車貨物車出黎，我地就即時招手叫佢埋黎，可惜佢地只有四盒朱古力，但都無所謂，因為都俾我地掃晒！哈哈

最搞笑的係，其他港人見我地咁醒目咁用左張禮券買左平野後又想買，可以執輸行頭慘過敗家。最後除左眼紅我地外，咩都做唔到啦！哈哈哈，連個空中少爺都讚我地醒目，哈哈~~

長達10小時的航程，其他人都係訓覺，我就睇左套台灣愛情小品【聽說】先訓，套戲好睇，我鐘意！

到達香港為1515，但又遇上行李delay，真係黑！香港的天氣好差，即時諗起瑞士的天氣，實在差太遠了~~

期待下次的旅程~~~

++++++++++++++++++++++++

返到香港，幾乎所有人都會問我三個問題
1) 好唔好玩？
2) 開唔開心？
3) 你鐘意瑞士多d定意大利多？or 瑞士靚d定意大利靚d﹝我覺得性質一樣﹞

頭兩題唔使講都知答案，不提也罷
反而第三個問題倒想回答一下！

基本上瑞士同意大利係兩個極端風格的國家：瑞士係以大自然的美景為主；意大利當然以古蹟建築物為賣點！邊個靚d就睇你的出發點了。
你鐘意購物但去左馬爾代夫就自然失望；你鐘意陽光與海灘但去左東京同樣想令你打J而死！
所以要根據你的目地而選揀正確的目的地。

而我今次旅行的原動力當然係瑞士猶如仙境的風景，不然今次的旅行不會有我的存在。
幸好整個瑞士行程除左頭一兩日，其餘時間天氣很好，我自己亦影左好多滿意的相片，亦令我現在打回遊記時亦不斷回味當時的感覺，feel so good！
Grindelwald中好似飄零燕的村莊、Jungfraujoch的偉大以及雪山上變幻無窮的天氣、Zermatt的Matterhorn的日出......
希望係n年後會再來瑞士~~

旅行前的資料搜集中我的確存有偏心比較冷落意大利這個國家，所以我腦中對意大利的資料遠不及瑞士。
可能因為咁，意大利的建築物給了我好多驚喜，美麗的日落亦深深印在我的腦中！平時只可以係書上睇到的建築物而家都一一呈現係眼前，感覺就疑幻似真一樣！那麼遠這麼近。
除左建築物，食物亦是令人留下印象的重要一環！pizza、pasta、house wine、steaks、gelato，一流！

再講鐘意邊個多d，魚與熊掌，點揀？
不過大家都咁精明，從我個d無水準的文字中應該都知道架喇~~
大家心照吧！哈哈~~~~]]> http://www.runningdog18.com/article.asp?id=973 <![CDATA[瑞士意大利之旅 - Day 11]]> runningdog18@gmail.com(小宗) Mon,21 Jun 2010 19:38:09 +0800 http://www.runningdog18.com/default.asp?id=973

2010年5月28日﹝星期五﹞
行程：Rome → Vatican → Rome
+++++++++++++++++++++++++

黎到行程的尾二個日，今日的天氣就無尋日咁好天，烏雲密佈，間唔中仲有d雨粉。不過都無損我地的心情，今日首要做的就係去全世界最細小的國家 - 梵諦岡﹝Vatican﹞。

雖然我唔係教徒，但都想感受下呢個全世界天主教徒的朝聖集中地，去一去聖彼得大教堂﹝Basilica di San Pietro﹞同埋聖彼得廣場﹝Piazza di San Pietro﹞。

雖然係另一個國家，但佢係處身於羅馬市內，基本上搭Metro就可以到達，非常方便。
我地一早知道呢個地方係超級多遊人，所以今朝都特早到達，去到都見到長長的隊伍，我地就邊排隊邊影相！

呢個廣場非常大，如果撞正彌撒日，一定會萬人空巷呀~

入教堂是不用俾錢的，但對衣著卻有所要求。

經過一個security check後就可以進入教堂。雖然人龍好長，但都唔算用左好多時間入到去！
途中有團日本團，但呢班友非常唔禮貌，插隊打尖乜都做齊，唔通日本人只係係日本境內先會守規矩？其中有條小pk係咁玩，仲要自己一野撞落我枝腳架到，痛到佢邊摸頭邊望住我，我自然回敬啤住佢，啤乜x野呀！哼~~

未入教堂，淨係門口玄關都令人好震撼！

教堂內部就更為令人目定口呆啦！

去相！

整個時間都係ultrawide的天下

呢張影得好~

隨後遊客越黎越多，我地都不再逗留，因為我地要攻頂鳥瞰整個羅馬市！意大利所有攻頂的教堂都要收費，分別於你想搭lift定行樓梯。其實就算搭lift都只係一部分，最後個上到最頂都係要行樓梯，當然，我地呢班老人家當然係選擇搭lift啦！搭完lift再行左幾百級樓梯就到了~~

景色果然一流，可惜係地方太細兼太多人！唔可以好隨心所欲咁影相！

聖彼得廣場無論點都要影番張！

可惜無位俾我影番張全景，實在可惜！

我地逗留左好短時間就走人了！落到地面，再係聖彼得廣場到影左陣相，呢個時候條人龍差唔多圍左整個教堂一圈，早黎果然有著數，唔係真係有排等呀！

天使與魔鬼的西風

整個旅程都好少同Ronald合照~~哈

本來我的行程係會去埋梵諦岡博物館，可惜大家的興趣不大，所以就轉戰去聖天使堡﹝Castel Sant' Angelo﹞同埋聖天使橋﹝Ponte Sant' Angelo﹞

我地只係經過聖天使堡並沒有入內，因為入場費要EUR8.75，太貴了。
睇下聖天使橋的雕像仲好，哈哈
其中一座雕像！

聖天使堡全貌

行完聖天使堡，我地先黎個LUNCH，好好彩係我LUNCH的時間突然黎場傾盤大雨，我地當然等到停雨先走人啦~~哇卡卡

下一站係拿佛納廣場﹝Piazza Navona﹞。
呢到有三個噴泉，除左有建築物睇外，仲有好多街頭賣藝者、畫家、賣A貨的黑人。

繼續下一站：萬神殿﹝Pantheon﹞

黎到見到有半座萬神殿都維修中，大煞風景！

呢座野免費入場，隨便影相。特色係屋企有個窿，可以俾日光射進來，可惜今日天氣唔好，唔係會見到一條光柱，可惜！

萬神殿基本都無咩其他野好睇，所以都係到此一遊就快快離開！

之後我地去左間Cafe坐低休息下，因為貪呢到有free wifi，我地可以上網online check in聽日回香港的機位！

再來就係好近鬥獸場的艾曼紐紀念堂﹝Monumento a Vittorio Emanuele II﹞

影張相先

好彩我地早黎到，因為我地入去不久就話夠鐘唔俾人再入黎。不過我地都因為太晏而不能攻頂了，不過入到黎都好好了！哈哈

可以近距離影到艾曼紐騎馬的英姿

由於夠鐘打祥，我地都走人了！之後就係港人最想去的地方，西班牙廣場﹝Piazza di Spagna﹞
點解？因為名店街正正係西班牙廣場嘛，哈哈~~

呢到永遠都咁多人，亦係賊仔的溫床。

名店街，團友們，燃燒你地的小宇宙，血拼吧！

由於大家想睇的野都唔同，所以大家都分開行，約定時間會合。我自己就真係零興趣，不過難得黎到，都要扮下有錢佬去睇下既~~kak

真係刺諷，係香港都無行過名店，反而第一次行係意大利！問你死未！

最後當然無收鑊啦。但Yui就有，不過計落都係平左11%，唔係想像中平太多！

大家行完就回歸了~~~今晚我地係酒店對面的餐廳到食，估唔到質素咁高，我地實在太遲先發現了~
而呢一餐，亦係我地成個trip最後的晚餐，食盡佢！呵呵

1L Red House Wine

食物相

合照~~yeah！

]]> http://www.runningdog18.com/article.asp?id=972 <![CDATA[瑞士意大利之旅 - Day 10]]> runningdog18@gmail.com(小宗) Sat,19 Jun 2010 16:42:57 +0800 http://www.runningdog18.com/default.asp?id=972

2010年5月27日﹝星期四﹞
行程：Florence → Rome
+++++++++++++++++++++++++

今日朝早都仲會留係美麗的Florence，下午就會搭火車往今個旅程的最後一站：羅馬﹝Rome﹞。朝早的活動只得一個，就係去尋日已經買定票要去睇的烏菲茲美術館﹝Galleria degli Uffizi﹞。

我地預約的入場時間為0915，為求慳錢，我地都係行過去。再一次途經領主廣場，突然見到地上係有標誌，尋日實在太多人所以無留意到，今日就可以影到了，哈哈！

到達烏菲茲，多人到呢，前面係成團日本團。無論係瑞士定意大利，成日都會見到日本人，睇黎呢兩個國家都係佢地熱門的旅遊地方，等於香港人熱愛的泰國一樣。

AYYY拚死買回來的入場券

由於整個烏菲茲美術館都係嚴禁影相，所以都無相片提供。呢間美術館除左畫之外，仲有唔少雕像。以我呢個門外漢所睇，D畫都大同小異，睇得多都好悶，而且歐洲的館非常唔貼心地所有介紹都無英文，令到我地想知多D畫中的內容都唔得，所以每一處都係到此一遊，行多幾間展覽室甚至覺得好眼訓，哈哈；反而睇雕像就唔，一來整個像立體係你面前，雖然唔可以摸，但都可以近距離睇個雕像的每一部份，的確，古代的藝術家實在係無與倫比的厲害，小宗尤愛人馬類的雕像，實在無懈可擊呀~

逗留左幾句鐘就閃人，返酒店拎埋行李就出發往羅馬了！