http://www.runningdog18.com/ zh-cn PBlog2 v2.4 http://www.runningdog18.com/images/logos.gif http://www.runningdog18.com/ 小宗雜物房 http://www.runningdog18.com/article.asp?id=987 runningdog18@gmail.com(小宗) Sat,28 Aug 2010 12:48:51 +0800 http://www.runningdog18.com/default.asp?id=987

平常星期六的日子多數都同小婷外出，但既然小婷今日有節目，所以就相約左岑醫生去玩。嘻嘻

因為阿岑要返去大圍的舊公司完成埋d蘇州屎，所以就相約係大圍食個lunch~估唔到間餐廳都幾好！幾有格調~~哈~~

超級熱的洋蔥湯


阿岑的蕃茄鴨胸炒扁意粉


我的係鮮蝦莧菜炒扁意粉


味道都不錯~~~不過以咁既價錢，係要有咁既質數既~~哈哈~~~~~

好耐無浦頭的我，係時候要上下鏡喇~~哈哈~~~


食飽閃人已經天黑黑，一副將會落大雨的樣子，好彩阿岑今日有開車，免卻左好多麻煩~~我地今次行大埔道去美孚，沿途大雨到好似黑雨咁！仲要有驚險時候，話說大埔道多處地方都有積水，我地一同對頭車相遇時，隔離車會將水踐到我地到，形成好似係海洋公園玩滑浪飛船咁，成個擋風玻璃都係水，完全見唔到前面係咩景況！哈哈~~~好彩當時所有車都唔係行得快，所以都係短短一兩秒咩都見唔到姐~~無咩影響！哈哈

安全抵達阿岑屋企！展開我地馬拉松式的Wii超級瑪莉奧大作戰！

由World 3一直玩到 World 8 ，由兩點半玩到七點半，哈哈~~~正~~~可惜玩到xbox的網球，下次再戰~~~kaka

隨後我地又出左去旺角到食飯，一間出名食酸辣粉的地方

見到都辣呀


涼伴三絲 - BB辣


阿岑要的酸辣粉+大腸同雲耳小辣。結果辣到佢傻左~~哈哈


我就要酸辣粉+大腸金菇BB辣，係小宗接受到的辣度


以咁既價錢，食物質數又唔差，性價比實在係高！唔怪得咁多人幫襯，一個唔多大的樓面已經有十個侍應咁滯，自然有佢的理由。

不過小宗並唔太好辣，因為個種明明唔熱但成頭係咁滴汗的感覺實在奇怪！或者等冬天來食會更好~~哈哈

食飽就閃人，無謂阻人發達

食完辣野，當然要食飯d奶類產品保護下個胃，去左太子一間新開的Yogurt店到品嘗。

又係小宗出鏡的時候


小宗要左大杯兩種配料，阿岑要左杯標準一種配料，味道唔錯，但我覺得Yogurt味可以再多一些就完美~哈


食飽都九點半，各自回家去了~~~很開心的一日~~yeah~~~]]> http://www.runningdog18.com/article.asp?id=986 runningdog18@gmail.com(小宗) Thu,19 Aug 2010 19:36:25 +0800 http://www.runningdog18.com/default.asp?id=986

題目取自立軍係facebook用來形容呢次Housewarming的聚會，很有意思，所以借來一用。哈哈~~

無錯，Housewarming幾乎成為我地呢一輩一個新興的活動，畢竟大家都長大，亦漸漸有自己的家，自然又多左好多地方成為我地落腳的好地方~~哈哈~~

今次的主人係$+，先恭喜做左業主先~哈

一去到新家，唔使講一定要周圍影啦~~

第一個印象就係呢個馬場景~
而家正直抖暑，唔係就有機會有馬仔睇了


書房


$+親筆繪製的水樽 + Kinson的Royce朱古力


大廳


前身係工人房；而家係鋼琴的位置


廚房


Housewarming的活動之中，Card Game已成為主打！打機成為第二配角！

近期當打的遊戲首選一定係Wii的Mario~~~
小宗第一次玩，果然唔錯~kaka


係大家沉醉打機的同時，$+為我地整左好好味的雞翼~~yeah


而家每次Housewarming都會有新的Card Game玩，今次係一個名為「DIXIT」的遊戲。
簡單D黎講係一個猜測別人心意的遊戲！很不錯呢~

究竟出題者的心思係邊一張呢？


玩完一Round，最後我同鼻仔聯隊贏左~yeah~~

隨後因為Jimmy同Jer要先行離席，所以我地預早了慶祝~

先黎係Jimmy的Farewell，條友好正咁將會去法國南部讀書一年半！努力吧！


味道頗得的蛋糕~~

點少得合照！齊人！


Jimmy走後其實仲有一段時間先到晚飯，大家又再次各自為「戰」；小宗當然去玩Mario啦~~yeahyeah~


打大佬！


食飯時間到！既然大家都係第一次來臨$+新屋，大家都好有心咁送左d小禮物俾主人家~

先來係Tweety同立軍呢對恩愛夫婦送的玻璃檯墊(!?)



我地就好現實，不過最實際，送現金！哈哈


虹姐同離席左的Jimmy就送名貴床單


送得開心，收得更開心！最後當然係大家最開心的時間，就係開飯喇~~~~~

大排擋的外賣，唔錯架~~


又來合照


主人家的即影相片


飯後又係Card Game的時間，今次又係全新的三國殺遊戲。
不過小宗係公司見得太多、所以不感興趣，所以就自行走左去打機~~哈哈~~~


最後壓軸係Kinson的北海道3.6牛奶布甸，無論賣相同味道都一流！多謝


今日玩得非常開心，多謝各位~~~
]]> http://www.runningdog18.com/article.asp?id=984 runningdog18@gmail.com(小宗) Sun,08 Aug 2010 14:45:00 +0800 http://www.runningdog18.com/default.asp?id=984


期待已久的Toy Story 3 終於可以睇喇~~雖然而家先黎睇實在有d out，但有心唔怕遲！最重要係故事好睇！

今次的人腳都好充足，除左我同小婷、仲有AYYY、阿岑、鼻仔同龜仔~~~為左今次的電影，我特登係前日同尋日重溫Toy Story 1同2！所以今日再睇時對角色都非常熟悉~~很好呀~~加上睇粵語版，投入感大增！

睇完唔使講，故事實在一流，又多笑位。見到阿Ken同barbie的角色又係大笑、仲有巴斯的西班牙文同跳舞、三眼仔的聲線，點可能唔笑？

看畢，不禁詢問小婷喊位在邊？原來在最後一幕胡迪向遠走的安仔SAY GOODBYE！OMG，可能套戲太多時間都係笑，實在喊唔出！因此又被取笑做冷血~~哈哈哈~~

可能由細個都無玩具玩，所以對於要拋棄玩具實在無咩感覺！哈哈~~~



+++++++++++++

隨後鼻仔先行離席去做咕喱搬Server。我地五人就去食個早飯，去左7樓的潮館！唔錯的食物，又唔太貴，很好！

小宗很愛吃的韮菜花


冬瓜盅


滷水拼盤


海踅手撕雞


荔芋香酥鴨


好貴的蠔餅


其實仲有兩個甜品，不過掛住食唔記得影低~~罪過~~

每人只係82蚊，抵~~~

隨後龜仔返歸做功課，我地就移師去阿岑到打衞生牌！從此展開左一個絕地反擊的故事！
每人紅色籌碼(10) x3 + 黃色籌碼(5) x 5 + 綠色籌碼(1) x 10。

一打就pk，我竟然頭兩鋪都出統，賠到死！阿岑見我氣勢薄弱，即時開出規則：最快輸晒籌碼的人星期一睇戲要請食爆谷。

一包爆谷就可以試出人的醜惡！AYYY同小婷一聽到有爆谷食即時雙眼發光，連同阿岑組成聯合軍一齊攻我，非要我請食爆谷不可！

佢地除左用行動攻擊我之外，仲要用埋語言黎精神欺壓我！

係最倒楣的時候，小宗只係得紅黃綠碼各一個！即係得16，出統一鋪清一色就可以BYEBYE！

呢三條友以為自己已經贏左咁，仲要即時加碼話食套餐要埋汽水！WTF！

BUT！

人生最精采的就是這個BUT！

小宗忍無可忍，決定要出絕招！先要不斷唸唸有詞咁講咒語：「I don't care! I want to leave!」

要以煩到嘔的語句擾亂佢地的精神意志

先來一鋪清一色自摸！賺番每位8個

再來食阿岑一鋪清一色！再賺16個

二連勝，氣勢180度轉變，爆谷汽水又遠離我了~~~

HAHAHAHAHHAHAHAHHA

看到對面三條友面如土灰的樣子實在比打J更開心！哈哈~~~~~

時限為十二點，期間小宗再贏多兩鋪，埋單計數，雖然最終唔係最後勝利者，但最後以92個成為第二贏家！

而提出最多鬼主意的阿岑以3X成為輸家！可惜清唔到佢檯，其實都係時間問題~可惜！

最後都多謝阿岑車我地返屋企~~~辛苦晒了~~~

估唔到打衞生牌都咁好玩！呵呵呵~~~]]> http://www.runningdog18.com/article.asp?id=983 runningdog18@gmail.com(小宗) Wed,04 Aug 2010 12:08:35 +0800 http://www.runningdog18.com/default.asp?id=983

星期二剛剛覆完診，由於康復進度極度理想，由原本諗住可以放晒整個暑假的小宗，好快又要再上班去了~

既然仲有幾日日期，小宗當然唔會浪費。所以今日下午就約左大佬同柒兄出來high tea，其實除左聯誼外，小宗都係有私心，皆因柒兄幫我係書展買書，順便幫我拎埋武道狂的人物造型繪本、書籤同埋海報，實在好想拎上手看看，既然係咁，約出來聚聚就最好了~~哈哈~~

去左【俏皮娘】的任食High Tea，時間雖然兩小時，但絕對夠食有突！大家睇下主題相片就知~~
睇下柒兄的食量~~哇卡卡卡~~~~~~~~~~~~~~~~~~~~~~~~

喬老大的親筆簽名書~~


大佬合照~~


多謝柒兄的幫忙~~
書 + 繪本 + 書籤



遲d仲要有漫畫、game~正


海報好大張無影，但個樣就係同呢個一樣~~
武道狂的主要人物


有我的名字~~OMG！


兩小時係咁食，以每人只係五十蚊的價錢，我地叫的份量絕對賺番有突！真係飽到上心口！哈哈~~~
雖然味道唔係樣樣都咁好，但大家都係醉翁之意不在酒，總之大家都開心就得了~~呵呵~~~

散場就各自活動，我就閃左去沙田，皆因夜晚有另一個活動！之前JOIN左公司工會的籃球比賽，講起我地都夠傳奇~~

首先一共九隊波打聯賽，我地大部份時間都係榜末。完後季後賽8隊，咁第8種子係由聯賽最後兩隊打場附加賽決定！而我地贏左成為第8種子！

第8種子 vs 第1種子。雖然輸左但因為有問題產生而令到第1種子被取消資格，我地得而進軍4強！

雖然4強輸左但係季軍戰中贏左，成為第三名！我地都可以叫係傳奇了~~哈哈哈~~~

所以今次頒獎典禮有牌拎、有飯食~~多謝我地的領隊~~~

菜單，可惜要戒口無得食龍蝦~~


我地的獎杯同獎牌~


隊照~~


好似第一次拎的籃球獎牌，哈~~~~還好~~kaka


好想再打波呢~~~]]> http://www.runningdog18.com/article.asp?id=982 runningdog18@gmail.com(小宗) Fri,30 Jul 2010 23:14:01 +0800 http://www.runningdog18.com/default.asp?id=982

登凳~久休多時的小宗終於都出擊了！哈哈~~係屋企留得耐，都想出外走走，所以今晚找來小婷同阿岑出來食飯吹水！

地點都當然係近屋企的沙田啦~~好似好耐無出過黎咁，不過都無咩改變！由於唔使返工，都預早左出黎行個圈，本來係諗住睇電話，但D商實在太多人，想行埋去睇都難呀！所以最後都放棄左喇~~哈哈~~下次再睇~~

好快小婷同阿岑都到達！我地就出發去左小南國到食飯~~~順便玩下Kennet的新相機，佢買左咁耐都無咩點玩~~kaka

又睇正妹！kaak，罪證確鑿！


擔擔麵，不過唔辣！


糖醋排骨，可惜唔可以食太多~


唔記得咩菜圈tim，但味道一般我覺得！


小籠包，唔錯！可惜一夾就穿皮！


排骨湯麵！唔錯


小宗出入的良伴~呵呵~~


席間都係不斷吹水，講下岑仔今朝的開車驚魂記、書面上的0靚模寫真！遲d睇戲的日期時間等等~~~

雖然時間唔係好長，但都非常開心，可能我實在係屋企太耐了~~哈哈~~

最後都多謝阿岑車番屋企~~哈哈~~下次再聚~~~
]]> http://www.runningdog18.com/article.asp?id=977 runningdog18@gmail.com(小宗) Sat,10 Jul 2010 19:57:09 +0800 http://www.runningdog18.com/default.asp?id=977

全靠鼻仔落力做搞手，令我地呢班中學同學可以有機會再相聚。雖然我一向都分別佢地Keep in touch，但咁樣成班人一齊玩真係無試過！所以就算釣墨魚唔係我杯茶，但我都一定舉腳支持！

一共三十八人！雖然有一部份係攜眷出席，但出席的人數實在爆燈！

扮型中...實則睇五星級正妹！


天氣非常好，至少有靚靚的藍天


夏天西貢的人流比起旺角仲勁！
而我地就仲等緊遲到的人


齊人就上船喇~~~影下相先~~


我著左件國王的新衣，表面上係支持荷蘭，但內裡係支持德國~kaka
黃昏日落的西貢都係好靚~~~，不過要影得好就比較難了


點少得同岑醫生合照~~kaka


唔好講咁多，開餐！餓狗搶屎的情況出現！


超好味雞粥 + 雞翼 + 薑葱炒蟹 + 菠蘿腸


呢張好！


仲有肥美的白灼蝦同埋生菜(不過無影到)


係大家食飽之後就開始釣墨魚，阿jer好快咁就攻下三條，其他人就比較慢，不過間唔中都會有收鑊！

而小宗，係大家釣的同時就努力醫肚，哈哈，最後都係得我一個人開餐，哈哈~~~~

當然，小宗都有去釣墨魚，不過仍然保持優良傳統，就係一條都釣唔到。無計啦，小宗用左太公望釣墨魚的方法，真係有墨魚先奇呀~~哇卡卡~~

不過都好彩其他人都釣到，等我都可以影下！

錢嘉同牛腩麵釣到的墨魚，滿身通紅呀！


唔記得左呢條邊個釣~~哈可能都係錢嘉


不過釣到的人唔多，但相信大家都醉翁之意不在酒，最重要係開心嘛~~~~

計落計埋船家，應該都有三十條，所以最後炒黎食時大家都可以分到~~正呀~~


整個釣墨魚的時間都唔算特別長，可能我自己吹水多過釣魚，所以覺得時間過得好快~~~話咁快又回岸~~

最後當然會整張合照啦~~~多謝fit王相借SB900俾我，唔係都唔知點影喇~~哈哈~~~

]]> http://www.runningdog18.com/article.asp?id=976 runningdog18@gmail.com(小宗) Sun,04 Jul 2010 22:50:07 +0800 http://www.runningdog18.com/default.asp?id=976

唔知係咪大家預知我會龜縮一段時間，所以呢期的活動都特別多。今日的活動係去阿Sam屋企Housewarming，亦係我第一次黎黃泥頭呢個地方。

為處村屋，地方間隔果然係大d！第一樣吸引到人的地方係佢個酒櫃

係一個威士忌同雞尾酒的酒櫃！
調酒工具


威士忌


一個好大的廳


仲有好多game玩


不過我今日玩的係「種豆得金」的card game！
係一個要不斷lur人要card的遊戲，好正好好玩！
不過小宗掛住玩都唔記得影相，所以無計了~~哈哈~~
而且小宗成為大贏家，一共贏左三次，yoyoyoyo


今次的活動係順便同AYYY慶祝生日，食物好豐富！

有壽司、PIZZA、焗意粉


仲有由意大利入口的Risotto！


其實仲有遲整好的超好蜜糖雞翼同埋香腸，但小宗又唔記得影相~~哈哈

總之就好好味啦~~~嘻嘻

不過由於無位放我部機，所以我部機無大合照，睇黎我都要買番個八爪魚差婆傍下身先得呀~~

既然係生日，當然要有生日蛋糕啦！仲要配合埋世界盃的熱潮呀~~呵呵~~


我要男朋友！我要男朋友！我要男朋友！我要男朋友！我要男朋友！

]]> http://www.runningdog18.com/article.asp?id=961 runningdog18@gmail.com(小宗) Sat,15 May 2010 00:31:48 +0800 http://www.runningdog18.com/default.asp?id=961

今日係阿岑的牛一，既然佢鐘意釣魚，所以我地就一於成人之美。一齊黎個郊遊樂去左大埔大美督到釣魚

人數雖然唔多，但仍不失開心的氣氛！希望大家都會釣到魚啦~~

大美督釣魚場，收費唔算太貴，都算一個唔錯的活動~~~仲要好在唔使規定每人都要租借魚杆，所以我地只係租左兩支，大家輪流玩下！


第一個成功者為譚美~在此順個便祝新工順利。


睇下條魚幾生猛！


生日的阿岑又點可能釣唔到~~哇卡卡


隨後我地還番一支杆順便轉下地點，皆因除左阿岑，其他人對釣魚都唔算有特別大的興趣。反而係阿岑釣的期間，我地係後面吹下水影下相，個感覺仲開心！有山有水有好朋友，感覺真好。

穩膽三姊妹


死心未熄的阿岑再釣到魚，但之前佢已經食左兩次咋糊！哈哈，終於成功的感覺幾開心


小宗都唔好執輸，都要玩一玩！頭先未轉地點時試左三四五六七八次都釣唔到，點知呢一次一放入水唔夠十秒釣到！yeah！呢條應該係小宗第一次釣到的魚，開心~~見好就收，無再釣了~嘻嘻


合照~


隨後立軍同Tweety夫婦拎埋蛋糕到達、而阿Jer都趕到，人齊！

恩愛夫婦


蛋糕出動


生日快樂


釣魚組


到夜晚就去左食泰國野，由於光源好差偏好暗，所以都無再影了，食物相欠奉。不過由於我地坐係室外，小動物都特別多，唯一慶幸係今日天氣唔熱，唔係應該會幾辛苦！

至於食物，自己覺得幾好！

席間聽到各人的去向，亦聽到唔少阿岑工作上的「趣」事，個感覺真係好新鮮~~哈哈

期待下次的聚會！]]> http://www.runningdog18.com/article.asp?id=958 runningdog18@gmail.com(小宗) Wed,28 Apr 2010 21:54:38 +0800 http://www.runningdog18.com/default.asp?id=958

是日係虹姐生日，快E相約係佐敦的金山黎個飯聚。事前因為三四個人分別有其他事而不能出席，到最後變後五人，都可算是近期聚會最少出席人數的一次。

雖然人數比以往是少了一點，但熱鬧快樂的氣氛卻沒有減少，相反，仲多左tim，哈哈！

點解？因為有大踢爆嘛~呢d咁野事當然係少數人先可以做到啦！哇卡卡~~~~

先講食先~

坐低就見d手寫餐牌，d價錢基本上係索仔先識，皆因為佢聲稱小學學過，kakaka


煎墨魚餅，超香，味道很好


外貌好似牛肉乾的鎮江牛柳，還好


招牌雲x雞。比白切雞好味小小的雞，但好貴！


豉汁蒸帶子，新鮮好味


最後黎個辣酒煮花螺，超勁酒味，唔太好~


仲有一碟椒絲腐乳通菜，但唔記得影相，哈哈

最後Heidi拎出一件蛋糕，果然有心！哈哈

先黎張相先！


再黎合照，由於現場環境搵唔到人幫手影相，所以就無大合照了~~


最後虹姐施展五餅二魚的功力，分甘同味，大家都有得食，哈哈~~


整個飯聚的味道唔錯，但份量就偏少，性價比一般。飯後都叫有糖水送，唯有可惜的係，隔離檯有班粉人超嘈，其他檯的人都為之側目，實在令我地再傾耐d都唔得。

埋單後就轉戰食糖水，席間講起送花的問題。有人說出女仔係最想係office收花，因為可以威喎！真係咩？我倒覺得好尷尬，哈~~~

問到虹姐的意見，佢諗左陣就話：「不送花不是分手的理由！」大家呆左一秒後就爆笑，虹姐諗野的方向果然同其他人好唔同，哈哈哈~~~

最後見侍應催埋單就各自散水，下次再傾吧~~KAKA]]> http://www.runningdog18.com/article.asp?id=957 runningdog18@gmail.com(小宗) Tue,27 Apr 2010 21:34:51 +0800 http://www.runningdog18.com/default.asp?id=957

今次又係不定期同索仔出黎睇戲食飯的活動。約都約左兩個星期，都係因為我太多活動，唯有將個飯聚延遲。

既然去睇戲，當然就睇d新上畫的戲啦！問左柒兄的意見，Kick Ass自然係首選。其實係睇之前都已經好好奇，皆因係睇某套戲之前睇過條trailer，呢套明明係套英雄搞笑片，究竟有咩原因會令到成為三級片呢？睇完就知呢套戲雖然係搞笑類，但都充滿粗口同血腥。

雖然係咁，但呢套戲可觀性仍然十足！估唔到一個靚妹【紫天椒】會咁好打，尤其係個幕單獨百人斬實在甚有睇頭！



總之越睇越過癮，都推介俾大家睇啦~~kaka

睇完戲自自然然去覓食，索仔推介去左K11一間叫銀座梅林的吉列豬扒專門店到食。可能都夜去，整間店都無人咁滯，都好！可以吹下水！

兩種沙律汁 + 豬扒汁


小宗的吉列黑豚豬柳定食，超好味！


白飯同椰菜絲仲可以無限添食！


銀座梅林


索仔的吉列豬扒定食，本來係叫黑豚，但侍應介紹另一種豬﹝唔記得咩名﹞，價錢一樣，但脂肪比黑豚少。


兩種都試完，都係覺得脂肪多D的黑豚好味DD，哈哈~~

席間都知道左索仔的最新動向，總之工作要開心呀~~唔使講太多，總之就撐到底啦~~哇卡卡~~~
而我又講下去旅行的野，講東講西，可惜間店要打烊，明天又要返工，唯有下次再傾吧~~哈哈~~~~]]>