<![CDATA[小宗雜物房 - 文化之旅]]>

<![CDATA[小宗雜物房 - 文化之旅]]> http://www.runningdog18.com/ zh-cn PBlog2 v2.4 小宗雜物房 http://www.runningdog18.com/images/logos.gif http://www.runningdog18.com/ 小宗雜物房 http://www.runningdog18.com/article.asp?id=974 <![CDATA[瑞士意大利之旅 - Day 12]]> runningdog18@gmail.com(小宗) Wed,23 Jun 2010 22:51:09 +0800 http://www.runningdog18.com/default.asp?id=974

2010年5月29日﹝星期六﹞
行程：Rome → Hong Kong
+++++++++++++++++++++++++

黎到行程的最後一日，雖然我地班機係1710先起飛，但我地都想行一行機場的免稅店，所以諗住食埋個Lunch就會提早去機場。

不過今朝我地都有行程，就係去許願池﹝Fontana di Trevi﹞。
本來都想早D黎到，因為唔想太多人，可惜最後都事與願違，黎到許願池已經爆多人，但都唔打緊，景點多人係必然的事實，哈哈~~

整個許願池比想像中大好多，背後仲有整座建築物

每隻雕像都栩栩如生，表情一流！

影完close up，自然係ultrawide出動的時間

多人到呢~~搵個位影相都難呀

黎個全貌

再黎張合照

由於我地只有朝早的時間，所以大家影到夠皮就閃人，去我地最後一個景點：人民廣場﹝Piazza del Popolo﹞

途中見到座好似國殤之柱的柱，上面都雕滿晒野！

到達人民廣場！

全貌

柱的四角都有石獅子坐陣

條條大路通人民廣場呀

石獅子

留左一陣就閃人返酒店lu

係返酒店拎行李之前，我地又去番尋晚個間餐廳，一樣咁正！哈哈

Lunch我地就飲coke

spaghetti

Parma Ham + Melon = 一流

pizza

雞？忘記了~哈哈

完成午餐後我地就拎埋行李去機場lu！去到都知班機delay，又delay，對KLM呢間公司真係失望。今次又係零件壞，最後仲要維修唔到，吹漲就係壞個個係ENTERTAINMENT SYSTEM，換言之大家係飛機上係無電影睇，但唔會影響飛行。佢就俾大家選擇，一係上機，一係等下班機。

真係Bullshit，根本唔會有人會等下班機啦講真，但問題係，班機並唔係每人有私家電視，只係走廊掛三部電視仔，根本班機就無娛樂架啦！搞埋D無謂野又delay左成個幾鐘！

最後佢就送番EUR15禮券俾每個人，可以買on board duty free的野！係呢一刻，我地的女士已經選定左要買d咩了！

就係價值EUR17的Godiva Amsterdam版的朱古力，換言之我地只係用EUR2就可以帶番屋企！

空中少爺一推車貨物車出黎，我地就即時招手叫佢埋黎，可惜佢地只有四盒朱古力，但都無所謂，因為都俾我地掃晒！哈哈

最搞笑的係，其他港人見我地咁醒目咁用左張禮券買左平野後又想買，可以執輸行頭慘過敗家。最後除左眼紅我地外，咩都做唔到啦！哈哈哈，連個空中少爺都讚我地醒目，哈哈~~

長達10小時的航程，其他人都係訓覺，我就睇左套台灣愛情小品【聽說】先訓，套戲好睇，我鐘意！

到達香港為1515，但又遇上行李delay，真係黑！香港的天氣好差，即時諗起瑞士的天氣，實在差太遠了~~

期待下次的旅程~~~

++++++++++++++++++++++++

返到香港，幾乎所有人都會問我三個問題
1) 好唔好玩？
2) 開唔開心？
3) 你鐘意瑞士多d定意大利多？or 瑞士靚d定意大利靚d﹝我覺得性質一樣﹞

頭兩題唔使講都知答案，不提也罷
反而第三個問題倒想回答一下！

基本上瑞士同意大利係兩個極端風格的國家：瑞士係以大自然的美景為主；意大利當然以古蹟建築物為賣點！邊個靚d就睇你的出發點了。
你鐘意購物但去左馬爾代夫就自然失望；你鐘意陽光與海灘但去左東京同樣想令你打J而死！
所以要根據你的目地而選揀正確的目的地。

而我今次旅行的原動力當然係瑞士猶如仙境的風景，不然今次的旅行不會有我的存在。
幸好整個瑞士行程除左頭一兩日，其餘時間天氣很好，我自己亦影左好多滿意的相片，亦令我現在打回遊記時亦不斷回味當時的感覺，feel so good！
Grindelwald中好似飄零燕的村莊、Jungfraujoch的偉大以及雪山上變幻無窮的天氣、Zermatt的Matterhorn的日出......
希望係n年後會再來瑞士~~

旅行前的資料搜集中我的確存有偏心比較冷落意大利這個國家，所以我腦中對意大利的資料遠不及瑞士。
可能因為咁，意大利的建築物給了我好多驚喜，美麗的日落亦深深印在我的腦中！平時只可以係書上睇到的建築物而家都一一呈現係眼前，感覺就疑幻似真一樣！那麼遠這麼近。
除左建築物，食物亦是令人留下印象的重要一環！pizza、pasta、house wine、steaks、gelato，一流！

再講鐘意邊個多d，魚與熊掌，點揀？
不過大家都咁精明，從我個d無水準的文字中應該都知道架喇~~
大家心照吧！哈哈~~~~]]> http://www.runningdog18.com/article.asp?id=973 <![CDATA[瑞士意大利之旅 - Day 11]]> runningdog18@gmail.com(小宗) Mon,21 Jun 2010 19:38:09 +0800 http://www.runningdog18.com/default.asp?id=973

2010年5月28日﹝星期五﹞
行程：Rome → Vatican → Rome
+++++++++++++++++++++++++

黎到行程的尾二個日，今日的天氣就無尋日咁好天，烏雲密佈，間唔中仲有d雨粉。不過都無損我地的心情，今日首要做的就係去全世界最細小的國家 - 梵諦岡﹝Vatican﹞。

雖然我唔係教徒，但都想感受下呢個全世界天主教徒的朝聖集中地，去一去聖彼得大教堂﹝Basilica di San Pietro﹞同埋聖彼得廣場﹝Piazza di San Pietro﹞。

雖然係另一個國家，但佢係處身於羅馬市內，基本上搭Metro就可以到達，非常方便。
我地一早知道呢個地方係超級多遊人，所以今朝都特早到達，去到都見到長長的隊伍，我地就邊排隊邊影相！

呢個廣場非常大，如果撞正彌撒日，一定會萬人空巷呀~

入教堂是不用俾錢的，但對衣著卻有所要求。

經過一個security check後就可以進入教堂。雖然人龍好長，但都唔算用左好多時間入到去！
途中有團日本團，但呢班友非常唔禮貌，插隊打尖乜都做齊，唔通日本人只係係日本境內先會守規矩？其中有條小pk係咁玩，仲要自己一野撞落我枝腳架到，痛到佢邊摸頭邊望住我，我自然回敬啤住佢，啤乜x野呀！哼~~

未入教堂，淨係門口玄關都令人好震撼！

教堂內部就更為令人目定口呆啦！

去相！

整個時間都係ultrawide的天下

呢張影得好~

隨後遊客越黎越多，我地都不再逗留，因為我地要攻頂鳥瞰整個羅馬市！意大利所有攻頂的教堂都要收費，分別於你想搭lift定行樓梯。其實就算搭lift都只係一部分，最後個上到最頂都係要行樓梯，當然，我地呢班老人家當然係選擇搭lift啦！搭完lift再行左幾百級樓梯就到了~~

景色果然一流，可惜係地方太細兼太多人！唔可以好隨心所欲咁影相！

聖彼得廣場無論點都要影番張！

可惜無位俾我影番張全景，實在可惜！

我地逗留左好短時間就走人了！落到地面，再係聖彼得廣場到影左陣相，呢個時候條人龍差唔多圍左整個教堂一圈，早黎果然有著數，唔係真係有排等呀！

天使與魔鬼的西風

整個旅程都好少同Ronald合照~~哈

本來我的行程係會去埋梵諦岡博物館，可惜大家的興趣不大，所以就轉戰去聖天使堡﹝Castel Sant' Angelo﹞同埋聖天使橋﹝Ponte Sant' Angelo﹞

我地只係經過聖天使堡並沒有入內，因為入場費要EUR8.75，太貴了。
睇下聖天使橋的雕像仲好，哈哈
其中一座雕像！

聖天使堡全貌

行完聖天使堡，我地先黎個LUNCH，好好彩係我LUNCH的時間突然黎場傾盤大雨，我地當然等到停雨先走人啦~~哇卡卡

下一站係拿佛納廣場﹝Piazza Navona﹞。
呢到有三個噴泉，除左有建築物睇外，仲有好多街頭賣藝者、畫家、賣A貨的黑人。

繼續下一站：萬神殿﹝Pantheon﹞

黎到見到有半座萬神殿都維修中，大煞風景！

呢座野免費入場，隨便影相。特色係屋企有個窿，可以俾日光射進來，可惜今日天氣唔好，唔係會見到一條光柱，可惜！

萬神殿基本都無咩其他野好睇，所以都係到此一遊就快快離開！

之後我地去左間Cafe坐低休息下，因為貪呢到有free wifi，我地可以上網online check in聽日回香港的機位！

再來就係好近鬥獸場的艾曼紐紀念堂﹝Monumento a Vittorio Emanuele II﹞

影張相先

好彩我地早黎到，因為我地入去不久就話夠鐘唔俾人再入黎。不過我地都因為太晏而不能攻頂了，不過入到黎都好好了！哈哈

可以近距離影到艾曼紐騎馬的英姿

由於夠鐘打祥，我地都走人了！之後就係港人最想去的地方，西班牙廣場﹝Piazza di Spagna﹞
點解？因為名店街正正係西班牙廣場嘛，哈哈~~

呢到永遠都咁多人，亦係賊仔的溫床。

名店街，團友們，燃燒你地的小宇宙，血拼吧！

由於大家想睇的野都唔同，所以大家都分開行，約定時間會合。我自己就真係零興趣，不過難得黎到，都要扮下有錢佬去睇下既~~kak

真係刺諷，係香港都無行過名店，反而第一次行係意大利！問你死未！

最後當然無收鑊啦。但Yui就有，不過計落都係平左11%，唔係想像中平太多！

大家行完就回歸了~~~今晚我地係酒店對面的餐廳到食，估唔到質素咁高，我地實在太遲先發現了~
而呢一餐，亦係我地成個trip最後的晚餐，食盡佢！呵呵

1L Red House Wine

食物相

合照~~yeah！

]]> http://www.runningdog18.com/article.asp?id=972 <![CDATA[瑞士意大利之旅 - Day 10]]> runningdog18@gmail.com(小宗) Sat,19 Jun 2010 16:42:57 +0800 http://www.runningdog18.com/default.asp?id=972

2010年5月27日﹝星期四﹞
行程：Florence → Rome
+++++++++++++++++++++++++

今日朝早都仲會留係美麗的Florence，下午就會搭火車往今個旅程的最後一站：羅馬﹝Rome﹞。朝早的活動只得一個，就係去尋日已經買定票要去睇的烏菲茲美術館﹝Galleria degli Uffizi﹞。

我地預約的入場時間為0915，為求慳錢，我地都係行過去。再一次途經領主廣場，突然見到地上係有標誌，尋日實在太多人所以無留意到，今日就可以影到了，哈哈！

到達烏菲茲，多人到呢，前面係成團日本團。無論係瑞士定意大利，成日都會見到日本人，睇黎呢兩個國家都係佢地熱門的旅遊地方，等於香港人熱愛的泰國一樣。

AYYY拚死買回來的入場券

由於整個烏菲茲美術館都係嚴禁影相，所以都無相片提供。呢間美術館除左畫之外，仲有唔少雕像。以我呢個門外漢所睇，D畫都大同小異，睇得多都好悶，而且歐洲的館非常唔貼心地所有介紹都無英文，令到我地想知多D畫中的內容都唔得，所以每一處都係到此一遊，行多幾間展覽室甚至覺得好眼訓，哈哈；反而睇雕像就唔，一來整個像立體係你面前，雖然唔可以摸，但都可以近距離睇個雕像的每一部份，的確，古代的藝術家實在係無與倫比的厲害，小宗尤愛人馬類的雕像，實在無懈可擊呀~

逗留左幾句鐘就閃人，返酒店拎埋行李就出發往羅馬了！

到達Rome已經1513。到達酒店後check in + settle down後就往第一個景點：鬥獸場﹝Colosseo﹞出發！

羅馬中央車站！

我地係搭Metro去鬥獸場，基本上一出Metro就會見到，非常方便！入內當然要俾入場費啦，價錢為EUR12，可以去三個地方：分別係鬥獸場﹝Colosseo﹞、巴拉丁山丘﹝Monte Palatino﹞同埋古羅馬廣場﹝Foro Romano﹞。

排隊中....

入到去就看到整個鬥獸場內部，基本上都係一堆爛石廢堆。平時睇書或雜誌睇到都好似好大咁，但係入面睇就唔會有呢個感覺，呢個鬥獸場的歷史我當然唔知，最有印象都係李小龍係【猛龍過江】最後同個鬼佬的決鬥場所，哈！

唔使講呢d景點一定會有好多旅客！

中間的地方，以前應該係d犯人同野獸決鬥的地方？

another angle

合照

整個鬥獸場可以分上層同下層遊覽，上層的景色會更正斗。

半全景，哈

係鬥獸場會見到君士旦丁拱門﹝Arco di Costantino﹞

既然間門票包埋另兩個地方，我地又點會放過，只係時間唔夠，不能所有地方都去一去，看一看。
整個巴拉丁山丘﹝Monte Palatino﹞好大，要行晒都用左唔少時間

古代市場的遺址

正，我鐘意

長腿叔叔，連支腳架都可以睇到，正！

正當我地去古羅馬廣場時先知太晏而close左，唯有係上面睇啦

離開了

途經鬥獸場，拍下全貌，配上藍天白雲，一絕。

鬥獸場與我們，成為主題相片~哈

鬥獸場側面的風貌

由於今日所去的景點唔多，就算去左都唔俾影相，所以唔算太多相，好彩仲有幾張自己滿意的相，很好！]]> http://www.runningdog18.com/article.asp?id=971 <![CDATA[瑞士意大利之旅 - Day 9]]> runningdog18@gmail.com(小宗) Thu,17 Jun 2010 23:34:08 +0800 http://www.runningdog18.com/default.asp?id=971

2010年5月26日﹝星期三﹞
行程：Florence → Pisa → Florence
+++++++++++++++++++++++++

由於知道意大利的火車班次成日都唔準，所以原定計劃係聽朝先去Pisa後直接去Roma會改為今朝先去Pisa，因為去Roma的車票一早上網訂左，不能有所延誤。

去Pisa係Regional火車，基本上都唔需要特別訂位，所以我地都係即時買飛再去上車往Pisa！係搭去Pisa的一小時車程中，個check飛哥哥竟然話我地未chop車票而當我地搭霸王車，要罰我地每人EUR40，我地當然群起反抗啦！有咩理由車票都買左，點解仲要話你搭霸王車，都唔知咩理由！與其驚人搭霸王車，倒不如好似香港咁整D入閘機啦！呢個制度好似係整黎專罰遊客咁，可惡！

最後都係要罰，不過係五個人一共罰EUR40！頂

落車後見到Chop票機，大家都將憤怒發洩一下！
小宗面對Chop票機：「接受我憤怒的居爾一拳吧！」

要行去出晒名的比薩斜塔，都要行十五分鐘，幸好沿途風景都好靚仔！

到達目的地，途中都多到不得了！
Landmark：比薩斜塔

黎個近照。都可以俾錢上頂，但實在太貴兼每次得30人可上，性價比太低，都係係下面影下相仲好！

其實整個斜塔都係維修緊。

I'm a rock star！

居爾一拳真係唔可以講笑！

合照！其實我地背後有好多遊客，剛好遮到~~哈哈

斜塔附近都有幾個建築物，都係d雕像同教堂！

一次過影晒四樣建築物！Ultrawide，你好野！

其實係Pisa都唔算逗留左好耐，因為來回車程都要兩個鐘，為左稍後的行程，我地都快快咁返去Florence喇！返到去本來諗住去好出名的烏菲茲美術館﹝Galleria degli Uffizi﹞到睇，點知去到實在多人到嘔，唔怪得所有旅遊書都話要預計，好彩我地有神勇的AYYY，唔知佢用左咩技能可以入去到幫手買左聽朝的入場票，勁呀！

既然聽日先睇，我地就轉睇其他景點了！

先去係烏菲茲美術館隔離的領主廣場同埋舊宮，都有好多雕像同建築物俾大家欣賞，再配埋超藍天同白雲，真係好靚呀！

而Ronald同Yui因為想行名店街，所以我地就分道揚鑣自己行了

柯西摩一世的騎馬像！

大衞像的仿製品。

獅子像，氣勢逼人

黎個大包圍

之後就行去百花聖母教堂﹝Basilica di Santa Maria del Fiore﹞同埋鐘樓﹝Campanile di Giotto﹞，因為我地諗住去攻頂嘛！

百花聖母教堂都處於維條狀態，有d破壞氣氛！而左邊個條柱就係鐘樓

合照！

呢座野都唔野少，84.7米高，上到頂要行441級樓梯！
攻頂條路好窄，仲要one way，我問阿雞支腳架就係因為要攻頂而留下好多紋身，哈哈

不過上到頂的風景真係靚到不得了，絕對值得一上，可以飽覽整個Florence中心地帶的全景！

隔離的百花聖母教堂都可以攻頂！

整張全景俾大家睇下

係上面玩左一段時間就落番去，因為仲有幾個景點要行，我地仲要襯日落前去到米開蘭基羅廣場﹝Piazzale Michelangelo﹞到睇日落。

先去左聖十字教堂﹝Chiesa di Santa Croce﹞，不過都無入去，只係影左d合照，到此一遊就算了！

合照

再跟住要去行舊橋﹝Ponte Vecchio﹞，呢座野的特色係橋的兩傍都有屋型的建築物！
本身座橋就無咩好行，係橋中反而見到河邊有人踢波，真係正呀

屋型的橋！哈哈

最後的目的地就係去米開蘭基羅廣場﹝Piazzale Michelangelo﹞，全世界的資料都顯示呢到的日落係靚到不得了！難得黎到Florence，天氣又咁好，那有不去之理？

越黎越接近黃昏日落，時間係2003。

under一級，再tune wb。越黎越有味道了

為求要d建築物的detail，唯有放棄個日落

我愛的剪影

magic hours出現

我敢擔保，係現場睇比睇相更靚百倍！

全景！靚呀

一個好dirty的大衞像

呢張感覺好好，成為主題相片

我地留到2045就走人，搭巴士返到火車站再覓食。去左某間好似好貴的餐廳

難得呢一間有oliver oil同黑醋，一讚

每餐必有的Red House wine

意粉

Florence名菜之一的牛肚

Sliced beef

麵包

正呀！今日無論行程景色同食物都係一絕呀~~Good！]]> http://www.runningdog18.com/article.asp?id=970 <![CDATA[瑞士意大利之旅 - Day 8]]> runningdog18@gmail.com(小宗) Tue,15 Jun 2010 23:24:04 +0800 http://www.runningdog18.com/default.asp?id=970

2010年5月25日﹝星期二﹞
行程：Venice → Florence
+++++++++++++++++++++++++

雖然Venice係世界聞名的美麗水都，但我地都唔係留好耐，尋晚7點先到達，今日五點鐘就會走人。朝早check out再寄存行李，之後就拿拿臨出去遊覽了~~

出名的遊客區果然唔同d，d遊客真係多到好似遊旺角咁！淨係買海上巴士都排左一段時間！由我地酒店到上船車站途中有好多小商店，好似香港的女人街咁，都算多野好影~

威尼斯出名的面具，超多款式，手工都好靚，不過我無買到~哈

而Venice係比較殘舊的城市，睇d建築物就可知一二

呢種橋係Venice都好常見

成功上到船後就好快咁企係船邊，可以方便大家影相嘛~~我地的目的地係當地最出名的聖馬可廣場﹝Piazza San Macro﹞，當中會有教堂、鐘樓同總督府圍埋一齊。

沿途的風景：水道

建築物的前面都會有類似碼頭的地方方便人上船

仲有好多不知名的古代建築物

到達落船後仲要行一段路先會到聖馬可廣場，沿途都係有好多面具好睇

如果可以撞正威尼斯嘉年華會的話，大家就會見到周街的人都會帶住面具周圍行，呢個都係呢個地方的特色！
總覺得呢個面具笑得好奸！哈哈，但我鐘意~kaka

到達！！

前係總督府；後係教堂

鐘樓

都要張合照既~~~

其實呢到都幾似曾相識，因為係深圳世界之窗見過嘛~哈哈

係意大利都比較少用腳架影合照，因為大家都怕多賊仔，不過黎到又唔多見有d陌生人接近我地，所以我地都放心落腳架影相！

小宗黎到好喜愛影面具~kaka

被黃道十二宮的鐘所吸引

黎意大利其中一個特別的地就係，勁多不同的鳥通天飛，仲要超級唔怕人，只要有食物佢地就會瘋狂！

連我都可以近距離咁影佢地~~~

俾佢發現左~~kaka

見到咁樣，都係唯有影低佢

其實呢個廣場都唔多野睇，我地都係逗留左一陣就走人，而下一站都未有咩特別好去處，所以我地都係周圍閒遊就算，並決定食完lunch就返去酒店附近到行，因為個邊更多野買，哈哈

超級貴的槓多拉，咪搞喇~~我去澳門坐過，唔會再坐~~嘻

之後去左間超貴的餐廳，唔怪得之無咩人啦！哈哈，貴都唔係重點，重點係質素一般！

價錢HKD35的330mL的可樂

倒落杯到可以倒三次，感覺上會抵D，自欺欺人！哈

食物！

無論瑞士或者意大利，買數碼產品都零舍貴過人。所以一入餐廳放低相機，d侍應或老闆都會投以好好奇的眼光望我地的相機，尤其係Ronald部「無敵兔」，基本上係殺晒所有人的羡慕目光呀~

呢間餐廳個侍應仲賴好人話幫我地合照，但其實係想玩相機姐~~動機太明顯了~~哈哈

食飽就搭船回酒店，又見到一個好靚仔的面具！成為是日主題相片！

Venice出名買玻璃產品，但要認清楚唔係「Imported glass」，要買就買Murano Glass，質素同設計都靚仔好多，當然，價錢都貴好多呀~~哈哈

Murano出品，一隻都要120蚊HKD！

隨後都係閒遊，自己都無買到野，而小婷同AYYY都買到心頭好。見時間差唔多，我地就回酒店拎番行李出發去火車站，預備向文藝復興的發源地Florence出發~~

去到Florence又7 點幾，check in埋都8點幾，拿拿臨去食飯就回酒店休息。

而呢一餐，應該係整個意大利之旅中最正的一餐，無論價錢同質素都係一流！惦呀

合照~~哈哈

House wine，食左咁間，呢間最好！

即場整的炭燒Pizza，一流

Risotto

只係二百幾蚊HKD的T-Bone Steaks，仲要係750g，超大塊！
肉味夠、又juice、仲要係炭燒！一絕呀~~

side dish的菠菜

最後點少得意粉

呢一餐除左好味外，仲有個型仔意大利哥哥serve我地，一見到型仔，AYYY又癲左了~~~
]]> http://www.runningdog18.com/article.asp?id=969 <![CDATA[瑞士意大利之旅 - Day 7]]> runningdog18@gmail.com(小宗) Sun,13 Jun 2010 20:59:01 +0800 http://www.runningdog18.com/default.asp?id=969

2010年5月24日﹝星期一﹞
行程：Zermatt → Milan → Venice
+++++++++++++++++++++++++

今日就係要離開猶如仙境的瑞士，事前plan行程搵資料時睇到，Matterhorn的日出係好正。所以今日我就決定早起身去會一會去。

前一晚上網check左sunrise時間為0545，自己就0500起身，0510出發。因為去睇日出的最佳位置離我地間appartment都有一段距離，所以預早出發會好d！

拎齊腳架、相機、閃燈就出發喇！

去到橋位，以為得我自己一個去睇，點知途中已經見到一團日本團都好早起身一齊去睇日出，足以證明呢個日出係有睇的價值！好笑的係，呢團日本團都係上左年紀的人，我估都係退休團個d！

時間為0521，個天已經開始白，但街景都係仲黑

有腳架，點都要自拍一張既~

時間：0544，日出開始。日光會將Matterhorn由頂開始慢慢照到火紅色！

時間：0548。

時間：0555。

時間：0602。短短15鐘的時間已經將個整個Matterhorn照到紅晒！
Yeah，雖然天氣好凍，但感覺一流，的確值得一看！

回到大街都無人，kakaka，又係影d平常唔可以影的時候了~

問你死未！

回到Appartment只係0620。其實我揀今日去睇日出係因為今朝我地要晨咁早就要離開瑞士。由Zermatt去意大利的Milan都要三個幾鐘車程。下一班車要等兩個鐘，所以今次係不可能遲走！
返到去AYYY都起左身了~我就預備定早餐一陣可以上車食！

好順利咁趕上火車，向我地第二個國家 - 意大利進法

再見了，瑞士。有機會再聚吧~

+++++++++++++++++

到達意大利Milan，其實我地只會係呢到作一個短暫停留，到稍後的時間我地就會搭火車去水都Venice。

黎到Milan，當然要去歐洲三大教堂之一的米蘭大教堂﹝Duomo﹞啦！

教堂每一個位的雕塑都做得好仔細，呢個shot係影度門上的雕刻！

我地係有入教堂行個圈，但內裡係禁止影相，雖然都有唔少遊客都唔理去影，但我地都好守規矩無去影，大家想知內裡咩樣就要自己上網搵了~~哈哈

全貌。

大教堂隔離就係艾曼紐二世商場﹝Gallelia Vittorio Emanueke II﹞

影番張相先

起初以為係名店街，但發覺原來係另一個好老遠的地方，加上我地仲未食Lunch，計落時間唔足夠，所以都無諗住去了~

既然唔去，就再睇下其他野。比起瑞士，意大利真係另一風格的國家，天氣比瑞士熱好多、遊客同當地人都係勁多。講起當地人，佢地好多都係高大威猛的西裝友~~哈哈
古老的建築物直情睇到你唔想睇呀~~哈哈

黎到意大利，點少得食Gelato呀

臨走前再途經大教堂，再影多張相

其實係Milan只係逗留左四個鐘左右，其實都覺得足夠有餘了~~
我地再搭火車往Venice...

Venice果然係出名的遊客區，d人多到好似去左MK咁！而我地的酒店離火車站都要十分鐘路程，由於仲拉住個GIP，行起上黎仲辛苦！加上Venice超多橫街小巷，真係會令人迷路呀！好彩我地都好順利咁搵到我地的酒店。

但間酒店俾我地的感覺就真係一般，首先第一樣係講大話，因為我地book完後佢地send個email黎話俾我地知佢地有一間新開的酒店可以俾我住，黎到先話無！頂佢個肺！

不過呢個唔重要，重點係間酒店竟然係無Lift！抬gip抬到我呀~

不過Venice的酒店真係好貴，難得呢一間比較平就算啦！哼~

settle down完見天色仲未黑就出去行個圈了~

門口通訊器

黃昏美景

之後都無再行，因為時間都到晚上九點，都係去食飯為妙~

意大利 cappuccino

海鮮意粉

怪味湯~~no good

中間個堆係鱈魚沙律，還不錯

呢到係一部份的食物，但味道同價錢我都覺得比瑞士來得好~~聽日再去食好d~
]]> http://www.runningdog18.com/article.asp?id=968 <![CDATA[瑞士意大利之旅 - Day 6]]> runningdog18@gmail.com(小宗) Fri,11 Jun 2010 23:34:31 +0800 http://www.runningdog18.com/default.asp?id=968

2010年5月23日﹝星期日﹞
行程：Zermatt﹝策馬特﹞
+++++++++++++++++++++++++

第二日留係Zermatt，天氣仍然無比倫比的美麗。今日的行程其實好簡單，朝早會去一個比少女峰更高的雪山；下午就會閒遊Zermatt小鎮。

經過上一次上少女峰有高山症的滋味，今次非常醒目地預早食定藥，在此都要多謝Ronald為我地預備了充足的藥物，唔係我就慘了~哈哈

由於去上雪山的車站離酒店都有一段距離，所以行去車站時都可以順便睇到Zermatt的風貌。

名我就唔知，總之靚仔就得

教堂

海獺

經過一個小店，買d特色小手信都算平。店主係一個老婆婆，知道我地係咁幫佢買野係咁話我地係good girl, good boy，哈哈

長征之四人

Zermatt著名的防鼠屋。話說以前係係貨倉，為左防止老鼠侵入而整高整間屋！

差唔多到達車站了，又睇到供偉的Matterhorn﹝馬特洪峰﹞

行山指示牌

到達車站，時間為早上1110，即係香港的1710左右

登山纜車

我地的目的地係Kleine Matterhorn﹝小馬特洪峰﹞，海拔為3883m。係一個歐洲的滑雪勝地，一年365日都可以黎滑雪！途中要係Furi同Trockener Steg轉車~

越黎越上，越可以近距離睇到Matterhorn

防止遊人亂咁行

到達最高點，可能係食左藥的關係，身體狀態完全無問題！呢到的風景就無少女峰個到咁靚仔，雖然高係高d，但可能離雪山太遠，無左個種壯觀感！當然一望無際的雪山景都會收貨既~
而且最重要係，呢到無少女峰個到咁好可以踏足雪地，感覺即時打左三折啦！除非你去滑雪，否則只能夠係觀景台到睇風景！

呢到仲豎立左一個耶穌像！

呢到除左風景，得呢個像可以影下，哈哈

合照

3883米~呼

係到逗留左唔係好耐，皆因都唔多野睇。所以都唔建議人來，除非真係無野做兼又多錢啦~~哈哈，畢竟有左少女峰的震撼，呢到實在不能入目~哈

之後落山，再行回Appartment。途中影下呢個會令自己回心微笑的景象。

向著太陽的花朵

Appartment樓下的家貓

原定計劃中，下午係會上另一山到健行。不過大家都想係Zermatt到閒遊兼Shopping，自然要改變計劃啦~呵~

維肖維妙的木柱

朱古力，不過都無食到

今日係留係瑞士最後一日，所以大家都盡力用晒自己的CHF，皆因CHF唔同EUR，其他地方用唔番！唔使講，小宗都用到一毫都無啦~~哈哈~~

由於聽日要早起趕搭早車往意大利，所以今晚就早d煮食飯早d休息。

經過大家的努力，又可以食到香港風味的食物

先黎合照

瑞士風味的肉醬千層麵

蕃茄炒蛋

豆豉鯪魚+生菜

香煎午餐肉

唔知咩西湯~哈哈

]]> http://www.runningdog18.com/article.asp?id=967 <![CDATA[瑞士意大利之旅 - Day 5]]> runningdog18@gmail.com(小宗) Wed,09 Jun 2010 22:17:08 +0800 http://www.runningdog18.com/default.asp?id=967

2010年5月22日﹝星期六﹞
行程：Grindelwald → Zermatt﹝策馬特﹞
+++++++++++++++++++++++++

黎到Grindelwald的第三日，亦係我地告別呢個「世界上最美麗的村莊」的日子，今日的天氣仲要係無敵咁好！整個雪山都俾你飽覽無遺，正呀！

我地食完個非常滿足的早餐後，就依依不捨咁去check out，仲係留言冊到留下我地的大名，哈哈！希望日後會有香港人可以睇到啦~~哇卡卡！

由Grindelwald去Zermatt雖然有火車到達，但都要轉三次車先可以黎到，時間為三小時左右。所以，整個上午都係火車中渡過。

Zermatt絕對係一個旅遊熱點，因為平時搭火車時人流疏落，但呢一程去Zermatt就超多遊客，我地五人要有位坐就要分開坐。其實我地上車時都有d吉位，但歐洲人似乎對霸位呢個行為視之為平常。事緣我地見到一對應該係瑞士的老夫婦，佢地二人竟然霸佔四個位，ok，fine，平時無咩人時都唔會有人介意你地用多d位黎放自己野，但衰左架車勁多人，我地見到有位時當然要求座位啦，誰知男個個老屎忽竟然一口拒絕俾位我地，因為佢要放自己野，真係頂你個肺！歐洲人大晒呀，真係無道德呀！

不過我地唔會俾佢影響心情，由於火車出現delay，我地最後都遲左一個鐘先到達。首要做的當然係搵酒店check in放低行李啦。我地會係Zermatt留兩晚，好幸運咁俾我搵到一間好平的appartment，所以呢兩晚我地可以自己去超市買野食返屋企煮，咁就可以慳番唔少錢了~~

我地settle down後事不宜遲出去玩了~

Appartment外貌

Zermatt的大街

天色好到不得之了~

火車站對出的大空地

途中見到當地的的士，由於Zermatt係一個環保城市，嚴止所有汽油推動的汽車行駛，的士我估都係行電多~哈哈

Zermatt係歐洲的滑雪勝地，一年三百六十五日都可以黎滑雪，呢到有好多個車站可以上唔同的雪山，而Gornergrat係其中一個最出名既~~
雖然我的行程中係計劃會上呢個山並進行健行活動，但礙於大家都想閒遊Zermatt而取消左~
有機會就下次再來吧~~哈哈

雖然無去到Gornergrat，但我地都照行程前往Sunnegga paradise，既可以睇Zermatt最出名的Matterhorn﹝馬特洪峰﹞，又可以有湖可看！

前往Sunnegga登山纜車站中看到的大鐵橋

到達車站

一個我估傾斜度有45度的登山纜車

到達後又係見到好多雪山，不過呢到的地就差過Grindelwald好多了，其實都可以估計到既！事關今日係呢個Sunnegga第一日重開，之前係因為淡季兼未溶雪所以關閉左。呢一日重開，d花花草草都仲未生番出黎，如果遲多一個月黎，我估呢到都會綠草如茵~~~

雖然無左草地，但景色及天氣仍是一絕！

合照

世界聞名的三角朱古力的logo - Matterhorn﹝馬特洪峰﹞

為求加藍個天的顏色，再將曝光調低一級~
藍係藍左，不過地面的detail就無左了~哈

送張Panorama全景相俾大家~~好正呀~~

隨後就事不宜遲去搵我地要搵的湖，其實係Zermatt有好多湖都可以睇到Matterhorn的倒影，但由於我地時間唔多兼現場指示唔多，我地只有去左一個叫Leisee的湖！

去其他湖要再搭其他纜車，但由於太多積雪而仲未重開。
仲未開的纜車就咁放住係到~~哈哈

其實我地黎到後都見到呢個Leisee湖，但由於個面積太少而被我地忽略，當知道呢個就係旅遊書中講出名的Leisee湖，我地都有少少失望。一來估唔到咁細，二來周圍的環境實在太荒蕪，連人影都唔多見呀。

落去Leisee湖之前就Close-up再影個Matterhorn

雖然個湖好細，但望個景都係好靚

呢張自己好滿意！

我地係呢個湖仔都玩左好耐，影的相都好多！如果無風就更好了，因為可以清楚睇到Matterhorn的倒影！

我地影左唔少人像，成隊crew咁

呢張係其中一張~哈

由於呢到的尾班纜車係1720，我地都無機會再行去其他地方了。
臨走前影既~yeah

落番山後的唯一活動就係行超市，因為今日係星期六，超市的收工時間為1900，但重點係，聽日星期日超市係會唔開！咁問題就嚴重了，如果今日唔去入貨，聽日整日的食物同後日的早餐都唔可能有得食了！而家仲有差唔多兩個鐘，都足夠我地買食物同埋買手信，最後大家都買到自己所需，很好呢！

整個雪櫃都係瑞士名牌雪糕，嘻

買完回到appartment，由於我間屋無咩風景，所以就借用Ronald屋的風景了~一樣咁靚仔~

回到appartment，大家就預備晚餐了，今晚真係超級豐富！

五香肉丁生菜

超市買的pizza，appartment中有焗爐，所以煮咩都無問題了

呢碟好似係公仔麵？定係意粉呢？死，我無咩印象，只記得係好味，哈哈

超市買的湯包

重頭戲係原隻焗雞！味道比起餐廳好味一千倍，既入味又滑兼平，諗起都想食啦

合照，飲杯~~~

]]> http://www.runningdog18.com/article.asp?id=966 <![CDATA[瑞士意大利之旅 - Day 4]]> runningdog18@gmail.com(小宗) Mon,07 Jun 2010 23:19:58 +0800 http://www.runningdog18.com/default.asp?id=966

2010年5月21日﹝星期五﹞
行程：Grindelwald → Jungfraujoch
+++++++++++++++++++++++++

行程黎到第四日，亦係整個瑞士之旅的重點項目之一，就係登上有「Top of Europe」之稱少女峰﹝Jungfraujoch﹞。真係想想都興奮呀~~

其實起身之時望一望窗外，看見一片矇矓都非常擔心。皆因如果天氣太差，上到去少女峰都係無咩好景好睇，與其要用CHF122上一個沒有風景好睇的雪山，倒不如留待下次再去吧。

雖然係咁，但係我地都無放棄，因為知道少女峰上會Live Webcam，所以二話不說即時上網睇下上面的情況，一睇，嘩嘩嘩，竟然係藍天有陽光！唔使講當然要一睹佢的蘆山真面目啦！

不過上雪山之前都要去食個美味的早餐，呢間酒店真係不是省油的燈。之前資料搜集時都睇到好多意見話呢間酒店的早餐絕對係惦！唔講咁多，睇相！

多款麵包、包裝多士或自己DIY烘多士都得

多款凍肉、仲有果汁，其實遠處仲有好多果Jam俾大家揀！

多款茶包任君選擇

老闆仲會親自為你調較咖啡，我每朝都飲一杯呀！哈哈

大家食飽後，就出發前往少女峰！途中先要到達我地尋日有到達的Kleine Scheidegg，呢一站係上少女峰的必經之地！

尋日超大霧，今朝反而無咩，可見上面的天氣應該好好！

上少女峰的火車真係非常多人，除左自由行的旅客外，仲有好多日本韓國團登峰，整個車箱都逼滿人，搞到我連位都無得坐！可惡！俾成HKD 8XX都要企，真係貴啦~

途中有兩個觀景台，火車會停十分鐘俾大家影相睇雪景！
我見到已經嘩嘩聲！

經過52分鐘的時間，終於抵達少女峰，氣溫係-5.2度。人生第一次感覺零下的溫度，雖然身體好凍，但心情卻時前所未有咁High！

係出去戶外之前，我地先去左一個名為冰宮的地方，

裡面整個都係由冰所造，非常非常的凍，但除左凍，都無咩好睇！只係有d冰雕睇下。

中途的冰隧道！

之後再上樓梯預備出戶外，不過途中小宗同Ronald都開始感到不適，唔使講都知係高山症！
病徵係頭痛、頭暈同作嘔。小宗三樣都有齊，仲要係無間斷咁發作，雖然痛楚輕微，但都係唔舒服。
隨後要做的就係食藥、休息、慢動作。休息過後，Ronald就無事，但我就唔好彩仲係頭痛。

小宗見只係輕微頭痛，所以都唔怕出外玩。

一出戶外，真係會High到狂叫！雪山的震撼真係令人感到大自然的偉大，同時亦覺得人的渺小。
面對如此美麗壯觀的大自然，就覺得絕對不枉此行！

雪山 + 藍天 + 白雲，問你點頂？

與少女峰合照

幾咁多遊客

跳跳跳

少女峰，你係得既！

Close up 少山峰

受死吧！

係咁高都見到直升機

高度係3571m

之後上左一個更高的觀景台，但呢到除左高，都無咩特別，因為都唔可以近距離接觸到雪嘛~

工作人員正在清理積雪

我地見無咩好睇，又落番地面再往外走！

出左山洞後就有一大片雪地任你行了~~
太陽高高掛！

遠望落去就係冰川了。近邊緣都會有鮮艷的欄繩，防止遊客行出危險區，相中個堆人係到玩雪板！我地都有玩，正！不過相就唔post呢到了！

除左我地呢d平常的遊客外，仲有好多full gear的人黎滑雪！

看圖識字，小心

難得黎到雪地，點少得訓雪地呀！Yeah！

整個雪山戶外活動中，除左雪山令人印象深刻外，大自然喜怒無常的天氣都令人一世難忘。大家睇相就見到藍天白雪好靚仔！但其實身處當中時係好大風，d雲移動得好快，一時間會萬里無雲、一時間又會多雲大風，行行下會見到一大舊雲跑過來，將你方圓幾米的野完全遮住、令你只可以見到白矇矇一片，伸手不見五指的狀態，但又會突然消失於無形。當中的變化真係難以形容，只有身處當中親身感覺先係最正！

係我高山症持續發作的情況下寫左兩張postcard，其中一張寄番公司的postcard竟然今日先收到，問你死未！但另一張寄番屋企就老早就收到~奇怪！

走前都影下少女峰火車！

搭火車落番去Grindelwald已經天朗氣清了~
整座eiger山都可以望到了

一落山我的高山症都煙消雲散，見仲有時間大家都出外閒遊Grindelwald猶如仙境的風景！

小宗頗愛的剪影相

仲有好多浦公英

見天黑就返去食飯喇，今晚我地係DIY，食中餐！
公仔麵、香腸、生菜、五香肉丁、雲吞等等，多謝Ronald咁遠咁從香港帶黎，真係特別美味呀！

Macbook Vs Netbook

最後小宗仲整左兩個Panorama相，希望大家鐘意~哈

]]> http://www.runningdog18.com/article.asp?id=965 <![CDATA[瑞士意大利之旅 - Day 3]]> runningdog18@gmail.com(小宗) Sat,05 Jun 2010 15:07:58 +0800 http://www.runningdog18.com/default.asp?id=965

2010年5月20日﹝星期四﹞
行程：Grindelwald → Kleine Scheidegg → Wengen → Murren → Lauterburnnen → Grindelwald
+++++++++++++++++++++++++

今日的原定行程係要上整個旅程的重點 - 少女峰，但由於網上的資料顯示，少女峰的天氣聽日會比較好。所以我地決定將調轉今明兩日的行程！

黎到風景如畫的瑞士，當然要以行山呢個方式來親親瑞士大自然~~~

起身就搭火車由Grindelwald → Kleine Scheidegg，由於呢一段係私營鐵路，持Swisspass都只係有75折，但都要CHF24蚊，真係好貴呀！

出發！

車箱的窗都特別大，方便遊客觀賞風景

其實今朝的天氣都唔係太好，仍然係好大霧，又大半個雪山被遮住

上到Kleine Scheidegg，海拔2061m，非常大霧

呢一站係上少女峰的必經之地，所以朝早係充滿旅客！

大霧到連酒店都睇唔到咁滯

連火車行的路軌都特別d

有車從少女峰落番黎Kleine Scheidegg

係到影左一大堆相後就開始行山，其實一開始都比較驚，因為太大霧，前路都望唔到咁滯，加上仲有d雨，整段路程都無其他行山，好似俾我地霸晒咁！哈哈

不過係行山前，我地都黎張合照先~

行左幾步路已經見唔到整個車站

PBO！

如果天氣好，可以整個路程都望住雪山黎行，而家只可以祈望再晏D等D霧散多D~

間唔中都可以窺見到藍天

阿爾卑斯山的花卉

有火車陪住我地行~

行中途又黎合照下，今次同Ronald~

跳跳跳~~

飛燈效果~

繼續行行行，其實整條路都係落山，難度係適中，路長10km左右，預計行4hrs。

雖然週圍都無咩人，但好彩只有一條路，所以都唔怕迷路。

而且間唔中都有路牌指示，所以都好安全！

行到咁上下，就漸漸見到Wengen了！時間都用左四個鐘。

霧都散左好多，期待已久的藍天白雲都出現了，整個人都非常興奮！哈哈哈

平時應該有登山纜車上黎，但暫時未開！

What a beautiful scenery！

繼續行已經見到遍地黃花的草地！
「靚景先決 = 藍天+白雲+小屋+草地+流水+黃花+雪山」

我地大家都影左唔少相，我都試影下人像先！

整個Wengen都係呢種大型黃花！

OMG！靚爆！

合照

其實行山只係今日的行程的一半，所以我地唔好再逗留太多時間，拿拿臨趕去下一個景點！

我地由Wengen搭火車去Lauterburnnen，持Swisspass免費。再來就搭巴士去Stechelberg，因為我地的目的地係半山的Murren。黎Stechelberg的目的係為左搭登山纜車往Murren，中途要係Gimmelwald到轉車，估唔到呢一程係持Swisspass係免費既，抵番呀！

呢一段其實都好斜，由Stechelberg的910m → Gimmelwald的1363m → Murren的1638m

係咪好激動呢？有畏高的人都應該會心跳加速！