<![CDATA[小宗雜物房 - 攝影世界]]>

<![CDATA[小宗雜物房 - 攝影世界]]> http://www.runningdog18.com/ zh-cn PBlog2 v2.4 小宗雜物房 http://www.runningdog18.com/images/logos.gif http://www.runningdog18.com/ 小宗雜物房 http://www.runningdog18.com/article.asp?id=959 <![CDATA[Flipside 400 AW]]> runningdog18@gmail.com(小宗) Wed,05 May 2010 23:37:56 +0800 http://www.runningdog18.com/default.asp?id=959

話說我今個星期爆假，所以我就選擇左今日放一放假。基本上整日的行程我自己都編排好，所以都算非常充實！

起身hae左陣就先去做下運動先，今日好有興致咁去左游水，可能係閒日兼朝早的關係，所以入場人數勁低，我估整個主池的人數都唔夠十個人，每個人都好似包左場，可以任游都唔會有人阻到你，游時又唔怕踢到人或被人踢到！So free~~~

由於時間唔算太多，加上我嚴重龜速，最後只係游左25個直池就拜拜！游完其實唔係好累，不過好奇怪地明明無咩陽光都會曬到成個背脊都紅晒！經過圖書館還埋書就返去屋企了~~

下午同媽子黎個high tea就獨自出發往TST。今日係星期三，博物館免費開放；其實係不久之前我已經去過博物館，不過知道博物館有個新展覽係講香港的六七十年代，我自己就好有興趣，所以就襯今日就專情去睇！

去到，我頂呀！原來係得一個細小的地方講，仲要係九成都係展板，加兩部電視係到講番歷史。等我仲以為係有大型展覽，至少都有好多相或實物俾人睇下！我全部睇完都唔使十五分鐘，走得！

突然有好多時間剩，所以就去左隔離的科學館，因為有咩神州大地的野生標本，去到，首先係好多學生，免費，無計。但吹漲的係竟然呢個專題唔係免費！OMG！無奈，閃人！

之後行左去佐敦的九龍生活，因為知道呢到的相機背囊係全港最平！所以我二話不說就買左！哈哈~~~
YEAH~~~

買完就去左天水圍問阿濤借支閃，Nikon SB800。多謝阿濤~~

閃光燈的袋

SB800真身

之後再去家姐到拎番個gip，勁麻煩，又要等幫佢拎兩支結他返屋企！哼~

最後返到屋企都2100，累爆~~~食完飯就開箱文！

仲未開膠袋

Lowepro logo

側面

背脊開啟，夠晒保障。而且仲可以放好多相機野~~~

前面的袋比我想像中大，都可以放好多野

仲有腳架袋放腳架

仲有雨笠可以防水防塵，非常好呀~~哇卡卡

去旅行的裝備都買得七七八八了~~kaka

]]> http://www.runningdog18.com/article.asp?id=951 <![CDATA[進入微距的世界]]> runningdog18@gmail.com(小宗) Fri,19 Mar 2010 23:35:49 +0800 http://www.runningdog18.com/default.asp?id=951

已經好耐無同阿Roy阿峰佢地出去郊遊影相，是日因為爆假關係而拎左一日VL，既然係咁，當然要出去走走，影下相啦！估唔到是日之行，已經令我中毒了。

今次影相除左我地三人，仲加埋阿Tim同阿濤。今次除左阿峰，每人都有自己的新玩具：阿Roy買左Nikon的古董菲林機FM3A；阿濤就拎左我支Kit玩；阿Tim買左支死馬50/1.4；而我就最正，除左新買的T116外，仲有問拍檔借的天涯鏡18-200同埋阿濤支105VR Macro！

地點係嘉道理農場 + 流浮山白泥

唔講咁多，去相！

都算開得多花，但咩花的品種就唔知了

落葉

入口處

打蝶~~

逆光下樹葉的空間變成變漂亮的波波~~

又玩景深

ultrawide的優勢

進入微距的世界，很毒呀~~~~

可以見到平常唔會留意的東西

難得可以見到蝴蝶，原來要打蝶係好難架~~~

三條柒佬

逆光下的葉底

呵呵呵

支macro係咪好正呢？

其實除左影花，用黎影「人」都好sharp

途中見到班有錢的攝影愛好者，每人一支至少600/4，每支至少都70k。OMG

原來要影呢個光芒都好難，試左勁多張先得

真係好愛呢支105VR

既然現在擁有，唯有狂影

完成左嘉道理後，就返左去元朗食個超正的壽司的TEA，不過相片欠奉。隨後阿濤先行退席，其他人就向白泥進發了！去到估唔到除左日落都無野好影，係等日落時都係亂影，因為仲要差個幾鐘先日落呀~~嗚~~

泥沼

三槍在手的阿Roy

都落唔多日落時先係咁影

仲有情侶做model俾我地影，我估佢地都知我地影佢，所以狂擺d情侶pose俾我地影，哈哈

HDR

話咁快個太陽落山，因為太多煙霞，D顏色都唔係太靚

最後整張Panorama先！

+++++++++++++++

完成左今日的攝影之行，我就趕出去尖沙咀的住家菜到食飯，今次係MKT T8的Gathering咁，哈哈！

三菇扒時菜

腰果雞柳

我同Eric

優嘉同阿譚

鐵板牛柳粒

黃金蝦

豆角煎蛋

席間都係講公司的趣聞多，講番d往事真係好好笑！期待下次的聚會啦~~呵呵
]]> http://www.runningdog18.com/article.asp?id=947 <![CDATA[超廣角大眼晴]]> runningdog18@gmail.com(小宗) Fri,05 Mar 2010 23:14:57 +0800 http://www.runningdog18.com/default.asp?id=947

為左瑞士同意大利之行可以以更廣闊的角度去影低心目中想影的風景，小宗為自己的攝影家族增添了新成員。

Tokina AT-X 116 PRO DX ； AF 11-16mm f/2.8

其實一早對呢支野好有興趣，但一直都搵唔到契機去行動。尋晚係阿roy send左肥花有人放支116出來，正諗住同買家聯絡時，竟然又俾我發現有另賣家放同一支鏡，雖然價錢貴少少，但買左支鏡五個月都無，加上連filter，計落都比我買新鏡連filter平左$800~$900。抵，二話不說，即時聯絡賣家去睇鏡

結果就買下了~呵呵呵，好開心~~yeah~~

以盒黎講我都係覺得nikon型d

拎上手的感覺唔算好重！

11-16的焦距無可否認係短左d，但配合我支kit鏡18-105，其實都好夠用

仲有77mm大口徑，型！

隨街試影

]]> http://www.runningdog18.com/article.asp?id=925 <![CDATA[泥坑毒氣室]]> runningdog18@gmail.com(小宗) Tue,15 Dec 2009 22:41:51 +0800 http://www.runningdog18.com/default.asp?id=925

今日拎左日VL，朝早去覆診隻右膝，順便睇埋MRI Report，一如所料，醫生都係建議做手術，想早d做手術要靠其他book左做手術的人突然唔做先可以頂上外，最快都要排到下年九月，再計埋事後估計半年的物理治療後，我諗要到2011年中先會復出打波了~~

小別勝新婚，I WILL BE BACK！

下午同媽子去左High Tea後，就出左去MK的Nikon Show Room，簡稱泥坑毒氣室。裡面有一系列的鏡頭可以借俾你任試，我就去試左Nikon的人像鏡皇：AF Nikkor 85mm f/1.4D。即係今日的主題相片。

唔講咁多，去相。由於大光圈的關係，景深係超淺~~嘻

d顏色都好sharp

可以外借的鏡頭

可借無人俾我試影，令我試唔到人像鏡皇的威力。下次吧~~呵呵~~不過下次想玩小黑六多d~~今日太多人，廢事等太耐，所以只係玩左呢支鏡。

最新的旗艦級單反 - D3s

既然無正妹影，唯有影下個到的職員，唔錯的鏡！

影下影下，竟然有雌性動物行過，就拎左佢做背景~~嘻嘻

除左一系列的鏡外，現場仲有兩支超長炮神鏡長駐任人玩

分別係..........

睇唔清楚唔打緊，100% Crop俾大家睇~
AF-S NIKKOR 200-400mm f/4G ED

呢支野，估計要46K，呆了。所以只係配上D300s呢個APS-C的機皇

再黎呢支係配上Nikon的最新的旗艦級機皇D3s

又睇唔清楚？再100% Crop俾大家睇~~
AF-S NIKKOR 600mm f/4G ED

呢支野，估計要70K，低能。

玩完，係毒發身亡之前即時閃人。既然黎到呢到，自己去影下d聖誕裝飾，我支35/1.8都唔差呀~~哈。至少影時有個女孩突然入左我鏡頭，無理由唔影吧~~哈哈~~

]]> http://www.runningdog18.com/article.asp?id=919 <![CDATA[微距的世界]]> runningdog18@gmail.com(小宗) Thu,03 Dec 2009 12:54:43 +0800 http://www.runningdog18.com/default.asp?id=919

尋日屎忽痕拎左部D90返工，無他，因為最近知道有同事都係泥坑愛好者。而佢的興趣係微距的世界，因此佢有一支我其中一支好想入的微距鏡頭：

AF-S MICRO NIKKOR 105mm f/2.8G ED VR

既然有支靚鏡，當然要不恥下問可否借來一玩，換來的是對方的一口答應，實在很感動呢！該日lunch拿拿臨食完飯唔去訓就去玩鏡！

係時候進入微距的世界！Ready？ GO！

小宗的愛錶

小宗充滿塵埃的Keyboard

小宗唯一的定焦鏡

老細的其中一片盆栽，葉上的小毛仍然清晰可見

小宗其中一個的date chop

主題相片當然係小宗的相片~呵~~眼鏡有很多圈圈呢~~嘻嘻

起初很想買呢支鏡，但今次玩完後卻為我解了毒。很好，微距的世界真的很有趣，它會令你留意更多你平常忽略的事物，有機會一定要再問呢位影友再相借此鏡把玩一番~~]]> http://www.runningdog18.com/article.asp?id=916 <![CDATA[Nikon大三元]]> runningdog18@gmail.com(小宗) Fri,27 Nov 2009 22:31:01 +0800 http://www.runningdog18.com/default.asp?id=916
相片轉載於【黑麵flickr】

近日Nikon推出了一眾Nikon攝影愛好者期待已久的小黑六，Nikon大三元終於完整地合成一套了。

超廣角變焦：
AF-S NIKKOR 14-24mm f/2.8G ED

中段變焦：
AF-S NIKKOR 24-70mm f/2.8G ED

遠程變焦：
AF-S NIKKOR 70-200mm f/2.8G ED VR II

三者的變焦範圍由14mm去到200mm，三者都係恆定大光圈f/2.8！為一眾粉絲命名為【大三元】！

雖然三支神鏡是Nikon的三把神兵利器，但其代價是唔係一般人可以拿來把玩。

既然自己不會擁有，所以有機會一定要去毒氣室到把玩一番才是現在的王道！

哈哈哈哈！]]> http://www.runningdog18.com/article.asp?id=913 <![CDATA[香港故事]]> runningdog18@gmail.com(小宗) Sat,14 Nov 2009 23:18:56 +0800 http://www.runningdog18.com/default.asp?id=913

之前一早plan左搵日放工會去香港歷史博物館到參觀兼影下相，今日正好有空可以去一趟，真好！放工搭船到尖咀再慢步向博物館出發，去到附近先買左個麵包醫肚，再預備埋相機就開始今日的時光之旅~~

整個場地只有兩個展區：「百年中國」、「香港故事」。小宗睇到展區的大小都知道「香港故事」似番精采好多，所以我就先去觀看「百年中國」呢個專題展覽。

可惜由於呢個專題展覽唔可以攝影，所以呢到就無相可以提示！主要係講中國近呢百年的歷史，由袁世凱、孫中山講起、途中再講乜乜條約、物物革命，再黎文革、三面紅旗、再到近代中國，好似奧運同航天事業等等。

其實自己對中國歷史的認識好少，近代史會比較好少少。不過當睇故事咁睇其實都好有趣味，加上有大量的文物展覽，令到趣味性大增！比較印象深刻的係毛澤東同宋慶齡的蠟像，自己好似第一次睇蠟像，的確係做得好似！

係專題展覽逗留左90mins就離去。到今日的主角：「香港故事」。

整個展覽橫跨兩層，分為8 個區，基本上由地球的形成講起，講到九七回歸。

發掘出來的文物，爛到咁都可以回復原狀，勁

九龍城寨

去到初期的香港，博物館好有心思地將當時的社會風貌同人物製作模型，咁就令有更多東西好影。嘻嘻

盤菜

風調雨順

嘩，有人嫁女~~

天后廟內的公仔

中國神功戲

花旦做得維肖維妙

林則徐銷毀鴉片的現場

5號仔！如果我係個時有買到5號仔的股票，而家就發達了~~kaka

原來古時的元錠係咁既樣！同電視中有d唔同！

早期的雜貨店

當鋪後的景象！

當然石峽尾大火後，政府起左呢d徙置區，廚房係條走廊到！哈，石油氣的爐，我都曾經經歷過

鐵造的碌架床，我亦有訓過~~

器皿放在摺檯上，係我年代曾有的景象

制水的年代，不是我的年代

涼茶鋪

漫畫店？

期間我去左間懷舊戲院，裡面播緊粵語長片，咩片我就唔知，因為我志在入去小睡一會，哈哈！訓得真好！至於行到最後，我就睇埋一套香港歷史的片作為總結。

臨近出口，放著一張可算是滿有深意的相，係江澤民在香港回歸時送贈香港的字句：香港明天更好！

身在香港，我亦希望香港明天會更好！

]]> http://www.runningdog18.com/article.asp?id=911 <![CDATA[閒遊三家村]]> runningdog18@gmail.com(小宗) Sat,07 Nov 2009 23:34:39 +0800 http://www.runningdog18.com/default.asp?id=911

好耐都無再外出攝影，好好彩今日可以同富豪阿Tim同埋小富豪阿峰閒遊鯉魚門三家村。除左之前阿Roy講過呢個地方外，我都係網上見到呢到都好多人去影相。既然今日有機會，當然會到此一遊啦，唯一可惜係我地影齡最高的阿Roy不能出席，令我慘俾兩個Canon人仕的圍擊！

不過意外的是，三家村並唔係想像中咁多野影！哈哈，不過得有影相都係一件開心的事~~~

今日比較特別的是全程只用35/1.8定焦鏡，感覺不錯。

垂釣的小朋友

照明路燈？

其實今次影相都無咩特別主題，見到乜就影乜。

令人懷念的籃球場

難得見到有花，佢地兩人的小小白同小白IS都要出場了！不過我用支定焦大光圈都可以影到唔錯的景深效果！

最近想了解多d人像攝影，最好辦法就係影多d。今日就唯有用兩條佬黎做啦！

影得富豪Tim幾英！

點少得阿峰呀€~~~kaka

呢到可算是唯一一個最多野影的景點，就係一個燈塔！大家可以一看！

正想攻上燈塔時，發現到....

既然係咁，我都無謂爬上去了，之後轉戰隔離的大石層，看到一家三口在大石上釣魚，樂也融融。

我就扮孤獨咁坐係大石上望對岸的筲箕灣，腳下係洶湧的大海同大石

仲要見一個天煞孤女獨自坐在燈塔旁，經過我的鏡頭處理就變成今日的主題相片！唔錯！

唔記得講我最近托錢嘉買左土炮閃燈，平得黎又好玩！除左可以幫手補補光外，仲可以玩引閃！插左上機就係咁既樣！

其實我係覺得似鐘多過似閃，哈哈！

繼續往海岸線行，終點係天后廟。途中見到一棵鮮艷非常的花，紅得黎好假！哈哈

仲有一間破屋。被鎖，待拆。

見到一間小食亭，見到佢門口的推介餐牌都有d吃驚！大家請留意價錢！

土炮閃

一開八

睇黎呢到的居民都唔太多

村民的衣服都係隨街晾曬！

最後都換番支kit鏡影左兩張，因為阿峰買左塊Kenko Pro1D的CPL。既然大家的口徑一樣，當然要借來一玩！效果都有，雖然未夠阿Roy塊原廠CPL咁明顯，但係都收貨啦！

影完時間都係三點幾！時間實在太早，其實三家村最出名的係日落時的景象，但又無理呆等三小時，所以唯有等待下次了。既然時間尚早，可以快快同陪阿Tim買野之後返屋企食飯。真好！

富豪阿Tim最後都買左佢想買的野，唯一可惜係佢想要支閃買唔到！可惜！但係百記短短的時間裡面，竟然見證到兩支SB-900極速被買掉！真是非常可惡！

除左SB-900，竟然見到支Nikon人像鏡皇的85/1.4！天價的數字實在令人側目！真是一件可遠觀而不可褻玩的玩具。]]> http://www.runningdog18.com/article.asp?id=905 <![CDATA[移軸看沙田]]> runningdog18@gmail.com(小宗) Thu,08 Oct 2009 21:07:22 +0800 http://www.runningdog18.com/default.asp?id=905

係眾多鏡頭群裡面，除左大家日常知道的變焦、定焦、廣角、標準、遠距等等的常用鏡頭外。其實仲有其他玩味比較重的鏡頭。其中一款名叫魚眼，相信未玩過都會聽過呢個名詞，而其效果大家都唔會陌生。

而我今日想講的係另一種近年比較興起的鏡頭，叫做移軸鏡(Tilt & Shift Lens)。

移軸鏡的作用分別係【平移】同【傾角】，理論唔多講，主要係講效果。

先講【平移】，簡單黎講係將高的建築物拉直！如果大家試過去影建築物，為左要影低整個building的全貌，基本上要作出「低炒」的攝影角度，結果雖然整楝建築物都能夠影到，但會發覺建築物會向內傾，不能vertical咁企直。而【平移】就可以將建築物拉直！

再講【傾角】，亦是本日記的重心。簡直黎講係用超淺景深來將物件模型化。相信大家睇日記主題相片便會略知一二。

係咪好有趣呢？我第一次見到呢類相時便很有興趣玩。
再看一看移軸鏡的價錢！OMG！竟然要五位數字！使唔使咁貴呀~~正想呢類玩意唔係我呢D平凡人可以玩得起

BUT！

人生最精采的就是這個BUT！

呢個世界亦有樣東西叫作「Photoshop」。

結果，所有問題都迎刃而解。

現在要做的是看效果。其實要影呢類題材都有d限制，很多時影左d相覺得會造成很好的模型化效果時，發覺原來很困難。看來要練習多些了。多謝觀看。

第一城站

第一城站

威記前十字路口

沙燕橋

沙田中心

星巴克

]]> http://www.runningdog18.com/article.asp?id=894 <![CDATA[夕陽無限好]]> runningdog18@gmail.com(小宗) Mon,07 Sep 2009 00:00:18 +0800 http://www.runningdog18.com/default.asp?id=894

兩星期無惦過部相機，感受到佢不斷責罵我。所以襯今日有時間，決定帶佢出去呼吸下新鮮的陽光。

地點係烏溪沙。時間係黃昏。

去到時拎出相機時，突然見到有個阿嬋拎左佢隻寵物龜出黎散步，由於隻龜都幾大下，即刻吸引到唔少途人！我見主人都好鐘意d途人睇佢隻龜咁~哈

女主人