<![CDATA[小宗雜物房 - 未分類日記]]> http://www.runningdog18.com/ zh-cn PBlog2 v2.4 小宗雜物房 http://www.runningdog18.com/images/logos.gif http://www.runningdog18.com/ 小宗雜物房 http://www.runningdog18.com/article.asp?id=988 <![CDATA[菲律賓魔仗]]> runningdog18@gmail.com(小宗) Sun,05 Sep 2010 22:33:14 +0800 http://www.runningdog18.com/default.asp?id=988

今日中午時候突然叫到柒兄的來電，告知下午二時有《武道狂之詩》喬老大同《金錢師》黃洋達的武術比賽，此武術係喬老大一向學開的「菲律賓魔仗」Philippine Kali。既然自己又得閒，又可以親眼見一見喬老大同阿達的真面目，諗左一陣，決定赴會！

好彩有去，唔係就錯過了咁精彩的Kali比賽/表演，在此多謝柒兄推介！

去到體育館活動室，觀眾唔多，眾工作人員都預備了場地，已經見到喬老大了~。
入口處有放到有關呢個武術的簡介~


預備好場地後，首場係由喬老大 vs 魔仗宗師，呢個係表演賽，但從中都可以睇到宗師真係好勁！


比賽用的保護裝備


由於呢個武術比較冷門，所以事前喬老大都為大家簡介下【菲律賓魔仗】係咩來頭~


講解完就開始比賽，

比賽開始~~fight！


喬老大無參加正式比賽，所以佢就做計分員/裁判


終於等到樣貌似足閻羅王的阿達出場，淨係睇個樣都嚇死人~~kak


ready？fight！


係咁易講下少少規則，每次比賽有兩round，每round 2分鐘，中間休息1分鐘。打頭打身打手打膊頭都會得分，但如果雙方同時擊中對方就會無分。

唔好睇小呢短短的兩分鐘，其實真係累到pk！


你睇阿達個樣就知，哈哈


第二round！去盡佢呀


比賽進程去到一半，又係到表演時間。今次變成係喬老大同Kali導師Andy示範
喬老大手上就係魔仗，d 紋都唔同d


Kali導師 Andy


除左仗外，仲有好多武器的格鬥技


雙仗表演


幫忙戴護具


志在參與的阿達，無端端要打多好幾場，完成後佢斷氣都似~kaka
打完後要爆下粗洩憤~~笑爆~


最後季軍戰係阿達贏左~~恭喜


冠軍戰了~~阿達仲要生鬼地做埋軍師


激戰左兩個回合，冠軍誕生左


冠亞季都黎張合照~~


完場後喬老大仲主動黎多謝我地觀戰，仲有合照tim~yeah~~~~超開心~~~



最後都要多謝柒仔帶我黎到睇比賽~~多謝~~呵呵~~~

]]> http://www.runningdog18.com/article.asp?id=899 <![CDATA[聖衣神話 - Part II]]> runningdog18@gmail.com(小宗) Sun,20 Sep 2009 23:16:03 +0800 http://www.runningdog18.com/default.asp?id=899

今日係屋企無咩特別野做，只係睇左兩套舊戲，分別都係三色台同有條線到睇。，其實無咩野做的時間我就想去影相，而且最近學玩緊兩種影相後製，所以本來想出去影相黎再玩後製，可惜天氣太熱令我好唔想出去。

唔可以出去但又想影相，咁可以點？就決定左再砌幾隻聖衣神話黎影呵呵~~~

冥界三巨頭 VS 人馬座

先砌三巨頭，話說在開頭，我其實分唔到個三巨頭邊個打邊個。只係認得咩樣，咩名咩星座都唔知。嘻嘻

第一隻



本來想每砌完一隻都影，但發覺太waste時間，畢竟要砌一隻都要用一段時間。所以最後砌晒三隻先再影！

終於砌完


呢隻的姿勢都幾搞笑


玩下景深


再黎close-up



最後壓軸當然係人馬座啦~~好型呀！受我一箭！


開始一對三的場景！


逐個擊破！GOGOGO





最後黎個人馬座CLOSE-UP作ENDING~~~


多謝各位~~呵
]]> http://www.runningdog18.com/article.asp?id=895 <![CDATA[聖衣神話]]> runningdog18@gmail.com(小宗) Thu,10 Sep 2009 22:14:34 +0800 http://www.runningdog18.com/default.asp?id=895

唔知大家仲記唔記得前幾篇日記中講左其中一個兒時想實現的夢想就係想儲齊聖鬥士星矢的聖衣。

經歷左咁多年，由以前重到死的超合金，再到中間港產的膠衣，直到最年最hit，手工亦最仔細的聖衣神話。

雖然我一隻聖衣神話都無買過，但我阿哥仲好努力咁bid d平貨聖衣神話。最新兩隻係海鬥士的海魔女同埋魔鬼魚

海魔女個個真係好正！砌上去的感覺都好好，最正都係佢吹蕭個動作真係一流！

砌完都忍唔住影番幾張相，影時發覺如果我有支105 f/2.8 macro你話幾好呢~~呵呵





除左呢兩隻，仲有冥界三巨頭！有機會再砌俾大家睇~~呵呵~~


好，繼續玩下玩具先~~嘻嘻]]> http://www.runningdog18.com/article.asp?id=891 <![CDATA[兒時的空頭支票]]> runningdog18@gmail.com(小宗) Thu,27 Aug 2009 22:45:38 +0800 http://www.runningdog18.com/default.asp?id=891

由於不能承受每天二十大元的誘惑，小宗選擇了一條比較迂迴和費時的路線上下班。每天路經的地方很多，由步行到馬鐵，在大圍轉搭東鐵，再在紅磡轉搭令人氣憤的西鐵到尖東，並步行到天星碼頭來個渡海之旅，最後在中環八號碼頭抵著陽光和滿臉汗水勇往直前到一號碼頭的工作地點。

尤其在下班的時間，本地人、國內同胞、台灣正妹、金髮美女和其他膚色的人把天星碼頭逼到水洩不通。在一堆本地人當中，除了下班趕著回家的人外，出乎意料最多的竟然是努力叫途人捐款義賣的人或其他國際救援組織人員不斷捉著途人講解該組織的運作和理念等等。

有一天，小宗亦「有幸」成為某國際援助組織會員的招攬對象。如果來招攬我的人是一個正妹，我或許會心軟聽聽他們說甚麼，可惜不是，小宗唯有禮貌地以一號微笑來結束這次招攬。

繼續回家的路途，腦中突然靈光一閃，突然有種似曾相識的感覺，唯有再努力在記憶資料庫裡尋找，找到後不禁搖頭苦笑自嘲一番。

記得以往還是以學生的身份自居的小宗，受到電視藝人出訪探望貧苦村民的影響，覺得那些貧苦兒童很值得別人幫助，所以曾暗自決定當自己踏足社會，賺到錢後一定會助養一些孩童。諷刺的是，當時思想還未成熟的我竟然第一時間是想將未來所賺的金錢是給助養兒童而不是養育我的父母，真是不孝。

時光飛逝，當小宗由學生變為工程師，再由工程師變為一個小小的公務員，賺取了薪金，可惜一直都這事拋諸腦後。直到現在突然記起這個從前的決定，實在令人很困窘。坦白說，暫時的我並不會參與這個計劃，但願未來的日子我能夠實踐這個決定。



從這個助養計劃，又令我突然想起一些兒時的往事。還記得在孩童的年代，身為草根階層的小宗並沒有特別的玩樂遊戲，唯一沉迷的只有每個星期六深夜播放的【聖鬥士星矢】。當中主角星矢說的「同一招對聖鬥士是無效的！」直情直轟我的腦袋，還要諷刺地星矢偏偏只用上天馬流星拳就能擊敗其他聖鬥士。看了動畫，那有不想買聖衣玩具之理？

當中亦決定了在未來一定要儲齊十二個黃金戰士，並要將他們放在家中的櫃內炫耀一番。以現在的聖衣神話來說，一個平均三百多元，如果一個月買一個基本上是沒有問題。但可能現在熱情冷卻，不用說三百多元的聖衣神話，就算是十五元一個扭蛋figure我都不願付出。



無論是助養計劃還是星矢玩具，不能實踐我的決定根壓兒都是錢的問題。

為甚麼薪金越多，錢的消失速度就越快。

是我的錯覺嗎？


]]> http://www.runningdog18.com/article.asp?id=866 <![CDATA[【殺手，無與倫比的自由】到手]]> runningdog18@gmail.com(小宗) Sun,05 Jul 2009 16:56:45 +0800 http://www.runningdog18.com/default.asp?id=866

期待已久的九把刀新小說終於發行。有幸得知朱仔七一過去台中四日，立時懇求幫忙幫空運呢本新鮮熱辣的小說俾我。至少係香港要到七月廿二日的書展先有得買呀~~~真係十分感謝朱仔的幫忙。

除左可以快人一步睇到新書外，仲可以用比香港平好多的價錢買到，更加令人開心。

對上兩本九把刀的書都係非小說類，實在睇到我頭皮發麻。係時候要止一止血了。還有一本在香港書展等緊我.....

唔講咁多，特打呢篇日記向【柒兄】炫耀一番。kaka。

到手！


首刷限定的蟬堡。香港書展仲有特定的蟬堡tim。


絕配。


最後多謝朱仔的幫忙同埋手信，感謝！]]> http://www.runningdog18.com/article.asp?id=856 <![CDATA[武道狂 vs 殺手]]> runningdog18@gmail.com(小宗) Wed,17 Jun 2009 18:46:51 +0800 http://www.runningdog18.com/default.asp?id=856

期待已久的書終於出版，此乃香港作家喬靖夫最新大作：《武道狂之詩》 卷三 《震關中》。

恕我直言，我未睇都知道呢本書一定好好睇！

亦有幸購買到喬老大的簽名版，雖然就算沒有簽名我亦會即時將它買下，但有簽名就是一個bonus吧！


上圖來自柒兄無名日記

「劍走龍蛇，氣吞河嶽。拜見武當掌門」！！

+++++++++++++++++++

六月底亦有我欣賞的作家九把刀出新書！亦係期待已久的【殺手系列】，上次的個本殺手已經要追溯到上年一月了。

而他亦確定下個月的書展中重臨香江，如果係閒日，我諗今次無緣再見佢了。畢竟我期待佢的作品遠多於佢的本人，哈哈~~~

《殺手：無與倫比的自由》

上圖來自柒兄無名日記]]> http://www.runningdog18.com/article.asp?id=837 <![CDATA[含笑半步癲]]> runningdog18@gmail.com(小宗) Mon,27 Apr 2009 22:20:07 +0800 http://www.runningdog18.com/default.asp?id=837

我的admin拍擋終於放完佢的悠長假期，佢去左我喜愛的台灣。真係搞到我手郁郁呀！

估唔到的係，佢都買左手信俾我。當然都係因為我同佢拍擋的關係啦，不過無所謂，有禮物收我都會好開心。

手信係好出名的「含笑半步癲」。

「傳說中的含笑半步癲，是以蜂蜜、川貝、桔梗、加上天山雪蓮配製而成。不需冷藏，也沒有防腐劑，除了生性猛烈之外，味道還很好吃！實在係居家旅行，整人自娛，必備良品！」

我收到時以回心微笑作為報答，實在很正！亦係很好的手信呢~~呵~~





內裡其實係獨立包裝的正方型朱古力。而且朱古力混合了爆炸糖，除左有味道、亦有很好的口感！唔錯！

順便可以睇下原裝正版的「含笑半步癲」的廣告~~嘻嘻

]]> http://www.runningdog18.com/article.asp?id=800 <![CDATA[儲齊了沒有？]]> runningdog18@gmail.com(小宗) Fri,06 Feb 2009 23:05:42 +0800 http://www.runningdog18.com/default.asp?id=800
﹝From 九把刀無名相簿﹞

熟悉我的人也知道我很愛看書。特別鐘情於台灣的小說之王九把刀。

今天在他的網站看到了這張圖片，心裡不禁問一問自己：「這些書我儲齊了嗎？」

答案是還沒有的。

除了中間兩本暫時只有台北國際書展才有得賣的小說外，還有一本他的畢業論文《依然九把刀》和一本畫冊《短鼻子大象小小》

而我一向很落力推銷九把刀給我身邊的朋友，所以到現在還沒有看到所有九把刀的小說在我的書櫃上形成一個壯觀的畫面。

還記得起初在我沉迷九把刀的時候，小婷曾不明白地說：「以前讀書時你愛讀書，反而投身社會後才愛上？」

天啊！套用九把刀在《這些年，二哥哥很想你。》中的一句話：「我不是喜歡讀書，我只是喜歡看書！」

其實我不是清一色只愛九把刀的書。雖然某些九把刀的書我不只看了一次，但其實很多作者或品種的書我也愛看，像喬靖夫、雲海等等，當然要多謝柒兄的相借才能可以看啦，這些也是好書，很好看呀。哈哈~~

想知道小宗看了那些書？可以看看我的書櫃呀~

小宗的網上書櫃 - http://www.anobii.com/runningdog18]]> http://www.runningdog18.com/article.asp?id=778 <![CDATA[當機二十四小時]]> runningdog18@gmail.com(小宗) Mon,29 Dec 2008 00:44:29 +0800 http://www.runningdog18.com/default.asp?id=778
【Powered By PJBlog2 v2.7 Build 05】

無錯，PJ就係我所講的國內勁人。話說最近發現了國內以PJ為首的一堆Program勁人改良了整個PJBlog的結構，推出一個新Version【PJBlog3 3.0.6.170】最終版。小宗有見及此就download左個update版去update本網站，看看有甚麼改善了。

當然，小宗一定會backup定，有咩閃失都可以用番舊個version嘛！backup完亦避免有新的留言忘記backup，所以亦決定將站暫時閉閉，等待小宗將新版本的PJBlog才放上網。而在27日小宗放假時亦全力盡快搞好個網站，免得個網站闗閉太久。

結果，小宗成功在自己的電腦完成了update的工作，誰知upload上網站後竟然發生有問題！oh my god！竟然有呢d咁既問題！真係唔知點解，完全唔知點解決！小宗唔理咁多，即時upload番舊version，點知又有問題，佢竟然唔俾我開番個網站！真係頭痕！再睇一睇個source code，原來係cookies作怪，但我唔知d cookies save左係邊，最後唯有更改source code，將要驗証cookies的code skip左佢，終於可以見番個網站！唉~~~~

但我唔會咁易放棄，等我放假時我又會再攪攪個網站！真係死心眼！kaka]]> http://www.runningdog18.com/article.asp?id=752 <![CDATA[我的網上書櫃]]> runningdog18@gmail.com(小宗) Thu,30 Oct 2008 20:47:19 +0800 http://www.runningdog18.com/default.asp?id=752

今日想同大家推介一個對讀書人非常有用同有趣的網上工具。無他，就係網上的書櫃。某一日經好友柒兄的介紹，我二話不說即時加入呢個書櫃作為我閱讀的紀錄板！大家有興趣可以去看看我的書櫃，雖然書不算太多，但我會盡力豐富我的小小書櫃。

aNobii - 我的網上書櫃

係咁易將我記得已睇左的書放入書櫃，除了估計到係倪匡同九把刀獨佔鰲頭外，估唔到其他連我自己都唔記得的作家都有。我自問讀書領域甚窄，看書並不是為了進修中文水平而是自娛，所以中文水平一直都停步不前，其實幸好有柒兄間唔中推介一些好書給我，不然我是甚少會看一些自己都不知好不好看的書，畢竟有人看了給了你短評後就更好。除了，九把刀。哈~~

說回我的書櫃，因為我偷懶沒有將已看的整套【衞斯理系列】全部放在書架上，但其他的書也有一百本，自己也估不到竟然有這個數目。真好。

如果大家都有這個網頁的書櫃，不妨add我做書櫃朋友吧！我很樂意的！呵呵]]>