http://www.runningdog18.com/ zh-cn PBlog2 v2.4 http://www.runningdog18.com/images/logos.gif http://www.runningdog18.com/ 小宗雜物房 http://www.runningdog18.com/article.asp?id=985 runningdog18@gmail.com(小宗) Sat,14 Aug 2010 21:27:16 +0800 http://www.runningdog18.com/default.asp?id=985

唔經唔覺已經去到第十個年頭，今年比較特別的係我地的正式慶祝日提前左兩日慶祝，但仍無損我地的開心的心情~~呵呵~~

由於是日要返工，所以慶祝活動由下午先開始。都好，至少小宗有多D時間休息嘛~~~~

最後到差唔多四點先會合，根據小宗的行程，第一站係去唱K！
其實小宗一向都唔熱衷於唱K，至少今年都無唱過~~
不過兩個人咁樣唱又真係未試過，感覺出奇地好！至少可以唱D超冷門的歌，又唔怕俾人話、唱得差又無所謂！
因此呢個Happy Hours就變左懷舊今曲日，可惜我地入場時間太晚，唱的時間好短！下次有機會再唱過吧！

係唱K呢個活動，小宗諗住送上三份禮物俾小婷，但因為時間寶貴，所以變左唱完先送~~哈哈

第一份：朱古力花！


第二份：小宗自製的Postcard


第三份：Forever Friend的B女


突然收到三份禮物的小婷都有d意外，最重要係送得開心，收得開心~~呵呵~~

其實今日的行程都非常簡單，並無咩特別的地方好去。不過重點唔係去邊，最重要係開心~呵~~

隨後去左iSquare到食飯，去左Key West到食飯。小宗的第二部曲開始~~

點完菜，小宗就送上第四份禮物~~

第四份：充滿零食的零食盒


為左延遲小婷知道我將會送10份禮物俾佢，所以又要講美麗的謊言話無禮物架喇~~~~~
小婷都半信半疑....但成日借d易偷望我個袋~~kaka

飯菜來了~

菠菜~~正


小婷的熱湯


risotto


carbonara


食到途中，小宗突然送上第五份禮物~~

第五份：向日葵小盆栽，充滿陽光氣息，放係公司最好！


送上第五份，聰明的小婷非常肯定咁同我講話我一定會送上十份禮物~~~哈哈
睇黎再講大話都無謂了~~
俾佢知道都唔係無好處，至少等佢心癢癢下嘛~~~哇卡卡~~~

食飽，附上第六份禮物

第六份：迷仔養魚套裝。放公司，0岩晒近期愛養魚的小婷



食飽再行陣iSquare，第三部曲已經靜靜走近....小宗原定計劃係去意大利蕃茄到食Cake，點知竟然有得買無得坐！唯有走人，好彩一轉角就見到Pappagallo，有甜品又有超多位坐，二話不說就坐底~~~

被攝的小宗~~哈


最後點左名為Precious Moment的甜品，加上小宗的DIY 慶祝旗幟，成為第七份禮物


整個的樣都好靚仔，點都要合照一張~


由於時間緊逼，小宗就送上重頭戲的禮物~

第八份：Agnes b 頸鏈：好靚仔喔~~~多謝v仔幫眼一齊買~~哈


襯到絕呀~~


既然係高潮位，小宗一野出晒所有禮物！

壓軸：第九份：小宗DIY Memory Collection Book
除左小宗寫左幾頁野外，其餘部份就要靠小婷去填滿佢了~~哈哈~~~


最後結尾就係心意咭，圓滿結局


十週年嘛，收十份禮物就good fit啦！一晚收到十份禮物的小婷當然既開心、又感動！哈哈~~~
見小婷咁開心，連小宗都開心埋一份~~~~呵呵~~

由於小宗為左呢十份禮物都嘔心瀝血左好多晚，所以都盡早離場返歸去了~~

十週年快樂~~呵~~]]> http://www.runningdog18.com/article.asp?id=981 runningdog18@gmail.com(小宗) Mon,26 Jul 2010 19:04:59 +0800 http://www.runningdog18.com/default.asp?id=981
對比上次物理治療已經半年時間，當然今次的治療師唔係上次個個。今次個男仔young好多。不過佢真係有好多病人，整個room有八成日都係佢的病人，仲要係九成都係膝頭韌帶有事，唔係普遍成咁呀？？

一來就俾佢就講番我的病情，基本上我都知。之後就教我做d運動，係要我係屋企做，避免我唔記得，我都要係到打一打先！

一) 伸直右腳並提高
Hold 10s；每組20下；做3組；早午晚各做一次

二) 屈膝並用力收縮大腿
Hold 10s；每組20下；做3組；早午晚各做一次

三) 從四個方向郁動右膝
每個方向12下；一個循環為一組；做3組；早午晚各做一次

四) 左腳屈曲壓右膝，手伸前惦腳尖
Hold 25s；5~8組；早午晚各做一次

五)敷冰
每日敷五次，每次15mins

呼~~一黎就要做咁多運動，總叫係我比較沉悶的生活中增添一些趣味~~哈哈~~~
最後就幫我敷冰再book埋期就走人喇~~~

星期四再做一次~~yeah！又可以出去走走，feel so good！

不過實在熱到流太多汗，下次要帶件衫去先得~~~哈哈~~~

+++++++++++++

多謝Tweety送來的防水貼紙，得夠用了！超感謝喔~~~~嘻嘻嘻

]]> http://www.runningdog18.com/article.asp?id=980 runningdog18@gmail.com(小宗) Tue,20 Jul 2010 21:12:22 +0800 http://www.runningdog18.com/default.asp?id=980
自身的感覺係康復進度良好，雖然每日媽子為我敷冰時都話我隻腳仲好腫，但我深信醫生俾得成廿日病假你，斷估唔會幾日都好番呀？所以都係要有耐性，慢慢就會好了~~

至於傷口痛唔痛，痛就一定會痛，尤其係朝早起身之時，可能因為訓左成晚，一起身血氣運行時就帶來劇痛，隨之而來就會個膝頭發熱腫漲。第一時間都係敷冰解決。舒服過後整日都會無咩問題，只係間唔中敷下冰等佢繼續消腫~~

話說今日同媽子出走去左PWH到BOOK Physio的期，順利完成。下星期一1530！之後再去處理保險的問題，去到二樓甚麼醫療紀錄組，一問之下竟然要先俾695蚊先可以幫你填個張claim form！無野呀嘛？仲要至少五星期先可以有得拎，係咪擺明玩野呀？隨時claim得1k但已經俾左695！仲要五星期後都唔知會唔會過左期限！都係問下agent先！

其餘d人最關心我係我係屋企有咩搞作：其實不外乎都係睇書睇戲睇電視睇股票上網等等。雖然電腦係長開，但我多數時間都係係sofa，因為sofa多位俾我放腳嘛~~~哇卡卡

其實都諗到另外d野去做，但而家行動不便唯有暫時放低，到遲少少行得走得就會做，yeah，期待！]]> http://www.runningdog18.com/article.asp?id=979 runningdog18@gmail.com(小宗) Sat,17 Jul 2010 19:05:26 +0800 http://www.runningdog18.com/default.asp?id=979

終於回到家中，不禁說句：回家真好！

估唔到係醫院只係短短兩日，但感覺上就過左好耐咁！可能整日都係床到掛~~哈哈

先講下手術情況，當天晨咁早0715報到，但都要等到1000先換衫推入手術室，係手術室都等左半個鐘先做！

係呢半個鐘就好似拍戲咁，因為你訓係病床，而你可以望的只有迷糊的天花板。雖然知道手術唔會對性命有咩危險，但都心情都好緊張，就不斷諗起好多野~~

都係一些往事，人和物不斷在腦中飛逝，感覺好奇妙。

入左手術室，先打左trip，之後就話吸氧氣，咁就中計。因為本來諗緊全身麻醉會點樣，誰知吸左三野O2就昏迷左！

ZZZZZZZZZZZZZZZZZZZZZZZZZZZZZZ

醒番就已經完成手術，時間為下午二時。可能麻醉未散，個人都呆呆地！上到病床，襯我仲未再訓之前先打電話俾媽子、小婷同公司，印象中好似send左幾個sms又再訓。

再訓都唔係訓好耐，起身時間都差唔多到探病時間。先多謝阿tim，因為撐住拐杖做physio都順便過黎探我，仲送上一堆食物俾我~哈哈~~我都祝你早日康復！

之後兩個現職護士的Ronald同Yui都黎左，多謝佢地為左我第一篤小便而做左好多野，好彩都成功！哈哈~~

講起呢一篤野，真係俾佢玩死！皆因麻醉的關係，令病人不能暢快咁小便！誰知我又超急，情況就如去睇一場五小時的電影，你一入場就急到爆炸，誰知戲院內並無廁所！WTF！

我係直情谷到流晒大汗，感覺真係PK，明明急到傻，但偏偏去唔到！最後我估真係谷爆左個屎袋，令佢只能籨唯一通道發洩！

唔好講笑，因為不能落床而要用鴨仔，一暢快完看看刻度，竟然超過1000mL！由此證明我真係被谷爆左！得罪過句，仲辛苦過做手術呀~~

到六點左右媽子同老豆就黎左，帶左好豐富的飯菜黎，可惜實在無胃口，最後都無食到。為左我，又令倆老辛苦了，對唔住呀~~~

同時間ayyy都黎左。誰知我一食飯，作嘔感澎澎聲黎，好彩拎定個袋，嘩啦啦一聲，嘔到痴左線！好彩得AYYY同倆老睇到，嘔的原因係麻醉藥的副作用，但倆老見到呢個情況，又擔心多了一重，罪過罪過！

不過嘔完就有番食慾，過左探病時間就可以食飯野了！

隨後Tweety到達，多謝佢盒車厘子。哈哈~~~

跟著朱鼻龜都到達，吹左幾句後因為太多人探病而被趕走，多謝晒，做兄弟我心領！

呢個時候又點小得小婷喎~~仲有美味的義美蜂蜜蛋糕！呢盒蛋糕成為我宵野同早餐的美好伴侶！多謝晒！

最後小婷都超時而到俾人趕走，多謝晒、亦辛苦晒！

+++++++++++++

第二日已經可以拆走喉仔，兼洗埋傷口，見到有四至五個傷口，都係微創的效果，傷口好細！亦可能係止痛藥的效果，並唔係太痛。醫生並教左要做兩種運動去幫助康復！好彩我做時都唔太痛，從中都感受到個手術都應該做得唔錯。

跟住就去左租一對拐杖，兼再照埋x-ray。下午有物理治療師教點用對拐杖。醫生甚至話如果行到就可以出院了，哈哈，不過我懶死唔走，住多一日。

夜晚媽子同老豆都黎左、估唔到連kennet都到埋，哈哈！多謝了~~

今晚只有索仔同小婷到，多謝晒，而Tweety都襯食飯時間過黎望一望~~哈哈~~~

由於索仔有車，就情商佢聽日車我返屋企，索仔爽快一口答應！而小婷都黎接我出院，呵呵~~真好~~

再次為麻煩到佢地而抱歉！

今日都唔可以叫順利出院，因為班護士hold住左塊板，令我同小婷呆等左幾個鐘，真係頂佢個肺！最後走人、俾埋錢，再同索仔同小婷食飯就回家去了！

唔使講返到屋企當然舒服啦，至少有電腦用。而且可以沖涼！feel so good！

短暫假期開始，暫定去到3/8！哈哈~~

在此除左多謝黎探望我的人，亦多謝所有sms、msn、電話、facebook、email慰問我的人，由於電話無電，不能逐個msg reply，小宗在此謝過所有好朋友！

多謝啦啦啦啦啦啦

附上手術後的相片

仲未消腫


短時間都要同佢相依為命


不過俾佢磨到起水泡，好彩我有手套！哈哈

]]> http://www.runningdog18.com/article.asp?id=978 runningdog18@gmail.com(小宗) Wed,14 Jul 2010 23:24:58 +0800 http://www.runningdog18.com/default.asp?id=978

自從上年六月父親節當日整親個右膝，到八月尾再一次觸及患處。到聽日為止的期間接受左一連串的轉介、X光、MRI、物理治療、骨科覆診，以極速咁排左接近一年！

明天終於係我踏上康復之路的第一步！

ACL Reconstruction Surgery﹝前十字韌帶重建手術﹞

0715入院，醫生話我排第二個做，我估計九點左右應該都開始架喇~~~

暫時無咩緊張的心情，但都預計到聽日入手術室前一定會緊張！

不過我對手術好有信心！

祝福我吧！哈~

在此多謝所有好朋友的支持、無論係sms、email、msn、facebook等等！小宗收到晒！多謝！]]> http://www.runningdog18.com/article.asp?id=975 runningdog18@gmail.com(小宗) Thu,01 Jul 2010 13:47:00 +0800 http://www.runningdog18.com/default.asp?id=975

自從旅行返來後都無再打過日記，打的都係旅行中的遊記，就咁就佔據左我整個六月份。「偷懶」左將近一個月，實在心癢癢，自2003年10月15日網站開將以來，累積日記已經超過九百篇，實在成為生活中的一部份。我相信我會繼續打落去，雖然我的文字好爛，但我會盡能力將我的生活同大家分享。

七一對香港黎講係一個特別的日子，唔同人有唔同人的活動，相信最多人都係會上街表達自己的訴求。而政治冷感的小宗得到小婷的首肯後就一同去左大埔海濱公園到hae下影下相，多謝小婷滿足左我想影相的心情~~kaka

不過天氣真係好熱，邊影邊滴汗，已經選左四點幾先去影，估唔到都仲係咁曬！
呢一次可算是第一次正正式式試影人像，一上手真係唔知點好，無論姿勢構圖色調都唔識點控制，真係要睇多d練多d先得！

整個行程都係用Nikon 35/1.8的鏡，以價錢黎講，呢支c/p值很高。不過影人像，都係想要50/1.4或85/1.4會比較好！但35/1.8以現在初階入門黎講都收貨既~~哈哈~~~

唔講咁多，去相！

呢張如果可以用長d焦距影會仲正~


嘻


呢張我鐘意


散景唔錯


呢個明顯用得太大光圈，no good！


扒地之作


浦下頭先


回歸塔，可惜現場唔夠光，又無閃燈，感覺差好多


正


最後影到七點走人，好滿足，希望下次可以再影！不過下次都應該有排了~~因為我將會係15/7就會入院做手術，比起原訂計劃早左兩個月，真好！畢業後五年，估唔到仲可以放暑假！但其實我都係想早d返工~~哈哈

說回正題，影完相後就去左食家鄉雞，估唔到會送支南非小喇叭，用黎支持德國就真係一流了~~YEAH！

]]> http://www.runningdog18.com/article.asp?id=956 runningdog18@gmail.com(小宗) Sat,24 Apr 2010 11:07:38 +0800 http://www.runningdog18.com/default.asp?id=956

今日的行程都非常豐富。首先朝早要返工，放工之後就走去考IO筆試，好彩今日要返工，皆因考試地點係離家起老遠的西環，但又離工作地點好近的上環，所以有得返工真係好perfect！

經歷左一個半小時的瘋狂煎熬，走時決定去MK到買野。其實都係買個背囊袋去旅行時用。去到先去CAM2一問，920。又貴左？心諗唔通又加價？即時走左去天祥到再問，960！WTF！明明上星期問都只係860，竟然加左一百蚊，唔係路呀嘛？再走去肥花到問，仲貴，竟然買990！低B！聽到呢三個價錢後我的決定係：唔買！又唔係必需品，無理由俾佢係咁加我都仲買，條氣唔順嘛~~~哼哼！大不了我買個背囊加內膽仲好！
或者睇下二手市場！

之後係SONY Showroom到等kennet拎番部機，再會合小婷就走人。餓了，決定去Spaghetti House都食飯，試下佢新推出個餐。

試緊機，玩下自定WB


Menu


帶子華盛頓周打湯，唔錯


芝士焗原隻龍蝦、帶子、雙子雙色麵。


坦白講呢個野貴就貴喇，但味道真係好一般，性價比係屬於低的水平，都唔建議大家去食。

韓美豬仔骨


兩種唔同味道的rib + 小量凱撒沙律 + 小量美國瘋薯。首先唔夠熱，敗筆；再黎味道又係一般，首其係韓式個個rib，燒到好乾，唔得。又係唔建議大家去食。

最後黎埋個餐茶就完成呢一餐。唔得。睇黎要停止黎spaghetti house一段時間了~~哈哈~~~]]> http://www.runningdog18.com/article.asp?id=954 runningdog18@gmail.com(小宗) Sat,10 Apr 2010 11:18:15 +0800 http://www.runningdog18.com/default.asp?id=954

星期六要返工的日子最快過，因為都係三個鐘頭貨仔，上陣網hae一hae就夠鐘收工。放工就去左MIX到用埋100蚊Coupon個豐盛的Lunch就回家~~

畢竟離夜晚會合小婷的時間仲有四五個鐘~~呵

返到屋企搞左陣旅行野夠鐘就出發，基本上今晚都無乜點行，只係係mk朗豪坊行左一圈就走左，最後選擇左係意大利蕃茄到食~唔錯喎

成櫃都係cake


意大利蕃茄


一人一個餐 = 主菜 + 湯 + 包 + cake + drinks


小宗的辣味蝦意粉


soup + bread


小婷的白汁帶子意粉


小宗加左8蚊的Latte~


到重頭戲的cake~

朱古力慕斯


綠茶蛋糕


小宗又破戒了，不過只係食左半個~kaka

]]> http://www.runningdog18.com/article.asp?id=953 runningdog18@gmail.com(小宗) Mon,05 Apr 2010 11:03:36 +0800 http://www.runningdog18.com/default.asp?id=953

一年之中最令人期待的假期到今日已經到達尾聲，五日之中有兩日要返到大陸拜山，基本上拜山唔係問題，但要留兩日就真係唔係講笑。床同廁所係一個好大的困擾，呢方面我稍後再講~

首先第一個印象已經唔好的係：竟然要0530起身，0600出發北上！WTF，使唔使早成咁呀？原因竟然係相信D無謂人話三個鏡都過唔到關而提早出發！到最後到達目的地時只係八點幾鐘...我都唔知係因為早出發了~~

由於時間尚早，唯有去飲個早茶，之後先再搭車返去。見到一班親戚，又去左阿婆到，途中都影左少少相既。除左我，仲有堂姊夫都有影~~

係阿婆屋前同埋合照，中間個個係堂姊夫個仔，年紀細我十年，但已經高過晒我地了~~哈哈~~


阿婆屋前鐵欄


屋的地址


雞爪印


探完阿婆後就先去拜山，途中見到勁多蝴蝶，真係以百隻計，不過係車到都無影到了~~除左蝴蝶，仲有同一數目的蒼蠅，厲害的係，呢D蒼蠅好似唔怕人咁，行到勁近佢地都唔會走開，諗起手上有支105VR就好了~~可惜~~

拜山的程序其實都好簡單，首先係清理墓邊的雜草，再黎預備食物、燒酒，點香再燒衣紙，最後點燃一大串炮仗來作終結。

回到途中就影左張合照，就係今日的主題相片。再影下周圍的建築物。

超過五十年的祖屋的屋頂


入到祖屋的閣樓，我諗都有十年無人上來了。

兩種唔同年代的電燈開關制


屋頂的防賊設備


一片荒廢的地方，仲有隻乾左的死老鼠，嘻


參觀完D陳舊物品後，就去左姑媽到食LUNCH~，仲見到一個一個月大的BB，好可愛呀


其實第一日的拜山活動已經完結。今日隨後的時間都係遊玩。接近黃昏時間就走左我堂家姐屋企，因為今晚會係到借宿一宵。回到我日記起初最關心的問題：床和廁所。

先說床，基本問題唔大，只係太硬，點訓都唔舒服。

廁所就比較恐佈了，我最唔明白點解大部份的廁所仲要係蹲廁。一個正常的人基本上用蹲廁係無咩問題，最多都係蹲到腳軟，但問題係我唔可以蹲得太耐，右膝吃不消。唯一方法係我盡量將重量放係左腳到，點知就出事了，完事後起身，就發現左腳服眼位痛痛地，隨後越黎越痛，到第二朝起身發現已經腫左，都係我太重了~~嘻。

講番第一日夜晚，係堂家姐到食左餐美味的家常小菜後，就拎左堂姊夫的武器來玩，估唔到佢咁好玩呢D野

係倭刀？野太刀？定係陽極刀？哈哈


受死！


答案只係普通刀，哇哈哈


除左刀，仲有雙截棍~~kaka


玩完d武器後，堂姊夫就車左我地去遊覽下周圍的風景，先去左我堂阿哥的新屋，雖然目前仲係裝修緊，但地方真係大得可怕，面積係二千呎！間主人房都有我間屋咁大呀！行左一圈，又俾我見到一個蹲廁的物體，奇怪就係主人套房的廁所係坐廁，但出面個個就蹲廁，即時打左個六折呀~~no good！

Anyway，都唔係我住，我唔會理咁多啦€~kakakaka

隨後就遊車河，遊下惠州市，第一次來，估唔到係咁繁榮，d建築物真係又大又靚，俾人的感覺係好宏偉，最衰我無帶相機，唔係影番一兩張相都好。不過唔打緊啦！下次返去再影過~~~~

事後先知原來就黎有咩縣比賽，所以要起好多運動設施出黎。勁呀！個繁榮程度實在令我大開眼界。有機會實在值得係到一逛呀~~

遊完車河就回家訓覺了~~

第二日仲去拜山，無咩值得好講，唯一好講的係臨走時去到火車站，竟然無火車飛買，咁多年來都係第一次，估計係廣州太多人上車，所以其他沿途各站都唔會有得位俾你上車。正以為要打道回府之際，即時當機立斷咁call的士回深圳，雖然係貴d，但至少唔使滯留大陸啦！

好彩順利回港，成身散晒，仲累過返工，呼~~~~

要好好休息了~~
]]> http://www.runningdog18.com/article.asp?id=952 runningdog18@gmail.com(小宗) Sat,27 Mar 2010 18:58:19 +0800 http://www.runningdog18.com/default.asp?id=952

之前連續兩個星期六都去左AYYY家到Plan行程同埋上網搵酒店，所以都無機會同小婷出下街過下二人世界。幸好之前個兩個星期plan的野都搞得七七八八，雖然仲未搵晒酒店，但都可以自己係屋企搵。

今日就出左去沙田閒逛，其實本來今日會出去影相，但無奈小婷抱恙，唯有等待下一次啦~~哈哈~~

逛沙田多數都係逛d有關旅行的野，好似係喼呀~厚褸呀、貼身袋呀等等的野，睇黎去旅行會用一大筆，但未出發前亦會用到一大筆~~哈哈~~~

至少我都用左一筆錢去添置左支新鏡啦~~哇卡卡

逛完後就去左一間係越南好出名的食肆，叫PH24到食野

如果食湯粉就會送上配菜，有香葉、銀芽、青檸、辣椒


生牛肉河 + 牛筋


生牛肉河 + 牛腩


小宗愛吃的九菜花


最後有小婷愛吃的蒜蓉包


味道同價錢都很好，可以再來~~]]>