Love the Life you Live, Live the Life you Love!! ---這是我的生活態度

相簿峻工 0

相簿峻工

今日,小宗雜物房又加添一個成員喇!登登登登!無錯,佢就係【小宗相簿】,我都整左好耐,雖然確實日期唔太記得,但最少都有兩個week架,諗起呢d日子,真係百感交雜!,有苦,有樂!但而家成功當然開心啦~~講下過程的感受先!苦:呢次突然話整個相簿出黎我都覺得有d意外,都可以話係俾我的一個挑戰!為何?因為整相簿係方間係無書教我整,完全係憑自己的想像同設計而成!而個相簿的系統比以往的設計都來得複雜,問題的產生自然多左好多,尤其係參數的傳遞,我真係俾佢攪到我發左自己幾次脾氣!想請教人又無人可以幫助,真係苦不堪言,鳴鳴….!完全明白到無助時的無奈!樂:唔駛講,當然係完成左個相簿啦!而參數的問題都俾我解決左!開心+興奮!係呢個時間我狂讀電腦書,有時覺得比我考試讀書仲勤力,不過呢d係興趣,係唔同d架啦,hahah!其實而家大家見到的相簿並唔係100%係我設計個個,我的設計係多d functions架,但無奈我實力有限,做唔到,唯有慢慢諗下啦!呵呵!最後,能夠完成自己的計劃,真係有好大的滿足感!現在,我又係時候停工喇,因為學已經開左,要專心讀書喇,不過我會繼續更新個網頁,只係進度會慢好多,希望大家唔好嫌棄小宗雜物房,繼續支持佢,有你地的支持,小宗雜物房就會生存下去~~~!得閑就留下言啦~~hehe

幸福 0

幸福

今日係小宗在世的第廿一個年頭,係呢一日裡,令我感受到萬分的幸福,最甚者首選當然係【小婷】啦,佢今年用左一個不但令我既開心又興奮,而且係畢生難忘 + 非常感動的方式同我慶祝生日,仲要之後出奇不意送多兩份禮物,呢一刻的感覺已經深深印在我的腦海,每一次諗起我都深深感受到那份幸福的感覺,我實在很多謝你呀除左佢,其實仲有好多人,排名不分先後,多謝【大佬】的狗牌、可愛【歐陽】的月曆、【阿東】的生日蛋糕、【阿ray】的生日熊、【Ronald】的哭笑都得的公仔……樣樣我都好鐘意!多謝各位[sor]!當然仲多謝各位用唔同方法同我講生日快樂的人,又係排名不分先後,有pbo各人、快e人各人、5E/7C各人、CSN23各網友、EE的各同學….(如有遺漏,下年補番)!開心的時間總係好快就過,今年真係過左一個好開心的生日!多謝大家

新版感想 0

新版感想

其實都冇打日記好一段時間,想打的時候發覺個index有時題,橫惦都冇人睇到就唔打住!而家fix左個問題後當然要寫番啦!話都係新版後的第一篇!基本上呢一次的新版我真係幾滿意,一黎幅圖真係好靚,再加埋我小小的加工,就變成【小宗雜物房】的麥頭喇!我諗呢張相都俾唔少客人留下深刻印像!至於下面的設計,其實唔多唔少都係以茶米和大樹的網頁而成,佢地係邊個?你係COOL LINK的WEB DESIGN就可以搵到!所以話呢,其實我唔係好勁,只係抄人姐,再加上身邊的朋友都冇整網頁的經驗,就自自然然覺得我好似好勁,但呢個絕對係美麗的誤會!講下近況先,最近我個FAULT攪左個FOOTBALL...

除夕回顧 0

除夕回顧

話咁快又到一年的最後一日,雖然呢一日我仲要返學,但都過得唔錯!基本上呢年都算過得幾開心。返學考試有驚無險,雖然GPA跌左唔少,但最少唔駛retake﹝唔計剛剛考過個試,雖然知道死硬,但唔出結果都係唔知嘛﹞!另外有同班fd去泰國玩,又有同PBO去camp!但感覺上已經有人開始fade out,不過呢個係必然的事實,只係時間上的問題!所以我都唔會覺得有咩感覺,因為我覺得只是他們的問題。至於其他同學朋友,除左熟個d仲有聯絡外,其他個d真係見到就見,見唔到都唔會有所謂!幸好大家都有日記或留言版之類的野,咁我都可以間唔中留下狗毛!還有在CSN23認識的朋友,大家的友誼似乎比以前鞏固左!但無奈我在這裡是一個低調的人,唔多會主動認識別人,所以來來去去會講野都係個幾位﹝自己對號入座啦~haha﹞!但問題唔大,開心就得啦最後,希望大家來年會開開心心,讀書的,除左唔駛retake外,仲希望GPA過3;返工的,就努力賺多D錢啦~~HAHA

巨星殞落 0

巨星殞落

今朝返學時同學講起先知道樂壇一代巨星梅艷芳小姐不敵癌魔逝世,享年四十歲!我聽到時心裡都有一絲的難過,雖然我都知道佢唔會長久,但亦冇諗過突然會快成咁!不過佢畢竟係上一代的巨星,我對佢的感覺、感情並不會像老一輩的人來得深同難過!但對於佢的離去都感到婉惜!因為我覺得以四十歲的年紀逝世未免實在太過短暫!實在有太多野想做而未做到,所以應該應該有時間及時行樂,過得開開心心!今年的演藝界真係一個慘痛的一年!今年相繼去逝的演藝名人有羅文、哥哥張國榮、作詞人林振強、小黑柯受良、仲有梅艷芳!對我黎講,除左林振強之外,其他個d都還算知道佢地係邊個,突然間咁多人的離去俾我的感覺係好可怕,希望來年各人可以身體健康,開開心心咁過活,珍惜眼前人

記仇 0

記仇

尋日有位同學講笑咁話我好記仇,其實我知道佢唔係惡意話我,而我又唔會介意,但佢咁一講又令我重新諗下:我係咪真係好記仇?其實點解個同學咁講呢?事緣係我知道有某d同學係quiz/test中出貓因此拎好高分,我知道後就非常不悅,因為咁樣唔止係對我,係對所有同學無論有溫書或冇溫書都非常不公平!不過因為咁,又令我對個d人有新的印象,更加認清別人的真面目,我都唔知叫好叫壞!以前未上大學前,好多人都講係大學好複雜,個個人都好似戴住假面具咁,但我上到黎似乎唔太覺有咁既出現,不過我最近漸漸發覺,只要係有關學業上的野時,有d人的狐狸尾巴就會漸漸現形,真係可惡!其實有需要這樣嗎?,有人鐘意收收埋埋,問佢時佢答得含含糊糊;有人識肯教你野,但明顯地佢係唔想教你;亦有人明明係識但講大話話唔識唔教你;最後當然唔少人會好樂意真心教你,呢d先係真正朋友!記得我開始整網頁時,由於乜都唔識,所以就周圍問人,他們一直深信「分享」是成長的一部份,沒有人萬能,現在是你幫人,但可能最後是別人幫助你呢~我係咪好記仇?對!我係好記仇,我會好記得那些人的行為;亦會記得那些自私自利的人,因為我不想被人同流合污~